{ முகநூல் கருத்துக்கள்}{ட்விட்டர் கருத்துக்கள்}

எழுத்து மேடை மைய்யம் சார்பாக ஆவணப்படங்கள் திரையிடும் நிகழ்ச்சி - செப்டம்பர் 26, சனிக்கிழமை அன்று காயல்பட்டினம் துஃபைல் வணிக வளாகத்தில் நடைபெற்றது.

மாலை 4:45 மணிக்கு நிகழ்ச்சிகள் தொடங்கின. முதலில் - எழுத்து மேடை மைய்யத்தின் அமைப்பாளர்களில் ஒருவரான ஃபஸல் இஸ்மாயில் - வரவேற்புரை நிகழ்த்தினார்.



தொடர்ந்து - சோலை காடுகளை காப்போம் (SAVE OUR SHOLAS) என்ற ஆவணப்படம் திரையிடப்பட்டது.



அதனை தொடர்ந்து - முக்கிய திரையிடலான மூடுபனியில் பாதரசம் (MERCURY IN THE MIST) என்ற ஆவணப்படம் குறித்த சிறு விளக்க உரையினை எழுத்து மேடை மைய்யத்தின் மற்றொரு அமைப்பாளர் எழுத்தாளர் சாளை பஷீர் வழங்கினார்.





பின்னர் மாலையின் இரண்டாம் ஆவணப்படம் திரையிடல் நடைபெற்றது.

மூடுபனியில் பாதரசம் (MERCURY IN THE MIST) - பிரபல ஆவணப்பட இயக்குனர் ஆர்.பி. அமுதனின் படைப்பாகும். இந்த ஆவணப்படம் - 1983ம் ஆண்டு முதல் 2001ம் ஆண்டு வரை, கொடைக்கானலில் இயங்கிய பாண்ட்ஸ் - யூனிலீவர் நிறுவனத்தின் வெப்பமானி (தெர்மாமீட்டர்) தொழிற்சாலை குறித்ததாகும்.









இத்தொழிற்சாலையில் பயன்படுத்தப்பட்ட பாதரசத்தினால் ஏற்பட்ட பாதிப்புகள், அதனுடன் இணைந்த போராட்டங்கள் ஆகியவை - பாதிக்கப்பட்டவர்களின் பேட்டிகள் வாயிலாக - இந்த ஆவணப்படத்தில் விளக்கப்பட்டிருந்தது.

நிகழ்ச்சியின் நிறைவில் - பார்வையாளர்களின் கலந்துரையாடல் நடைபெற்றது.









செய்யது முஹம்மத் புஹாரியின் நன்றியுரையுடன் நிகழ்ச்சி 6:15 மணியளவில் நிறைவுற்றது.

நிகழ்ச்சியில் நகரின் சமுக ஆர்வலர்கள் பலர் கலந்துக்கொண்டனர். அடுத்த ஆவணப்பட திரையிடல் அக்டோபர் மாத இறுதியில் நடைபெறும் என எழுத்து மேடை மைய்யம் சார்பாக அறிவிக்கப்பட்டது.



























புகைப்படங்களில் உதவி:
சுப்ஹான் N.M.பீர் முஹம்மத்
'48' அஹமது