Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
11:56:53 AM
செவ்வாய் | 7 ஏப்ரல் 2020 | துல்ஹஜ் 250, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:0012:2615:3318:3319:43
Sunrise/Sunset timing for Kayalpatnamஉதயம்06:12Moonrise/Moonset timing for Kayalpatnamஉதயம்17:57
மறைவு18:27மறைவு05:31
Morning Twilight
வானியல்கடல்சமூகம்
05:0105:2605:51
உச்சி
12:19
Evening Twilight
சமூகம்கடல்வானியல்
18:4819:1319:37
Go to Homepage
செய்திகள்
Previous News ItemNext News Item
செய்தி எண் (ID #) 16946
#KOTW16946
Increase Font Size Decrease Font Size
சனி, டிசம்பர் 5, 2015
மழை வெள்ள நிவாரண உதவிகளை ஒருங்கிணைந்த முறையில் செய்திட “காயல்பட்டினம் முஸ்லிம் வெள்ள நிவாரணக் கூட்டமைப்பு” துவக்கம்!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2213 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் வடகிழக்குப் பருவமழை தீவிரமாகப் பெய்து வருகிறது. கடலூர், சென்னை நகரங்களில் பொதுமக்கள் மழை வெள்ளத்தால் பெரிதும் பாதிக்கப்பட்டுள்ளனர். அவர்களுக்கு உதவுமுகமாக முஸ்லிம் சமுதாய அமைப்புகள் உள்ளிட்ட பொதுநல அமைப்புகள் சார்பில் பல்வேறு நடவடிக்கைகள் மேற்கொள்ளப்பட்டு வருகிறது.

காயல்பட்டினத்திலும் சமுதாய மற்றும் பொதுநல அமைப்புகள் நிவாரணப் பொருட்களைத் திரட்டும் பணியில் முழுவீச்சில் ஈடுபட்டுள்ளனர்.

இவ்வமைப்பினர் அனைவரையும் ஒருங்கிணைத்து, உதவித்தொகை மற்றும் பொருட்களை முறைப்படி வினியோகிக்க வேண்டும் என்று கருதிய - அரிமா சங்கம் காயல்பட்டினம் நகர கிளை நிர்வாகிகள், அதற்கான அவசரக் கூட்டத்தை, இன்று (05.12.2015. சனிக்கிழமை) 20.00 மணியளவில், காயல்பட்டினம் துஃபைல் காம்ப்ளக்ஸ் கேளரங்கில் நடத்தியது.

இந்திய யூனியன் முஸ்லிம் லீக், தமிழ்நாடு முஸ்லிம் முன்னேற்றக் கழகம், தமிழ்நாடு தவ்ஹீத் ஜமாஅத், SDPI, ஐக்கிய சமாதானப் பேரவை, காக்கும் கரங்கள் நற்பணி மன்றம், காயல்பட்டினம் பைத்துல்மால் அறக்கட்டளை, ஜாவியா பைத்துல்மால், ஐ.ஐ.எம்.பைத்துல்மால் உள்ளிட்டவற்றின் பிரதிநிதிகள் கூட்டத்தில் பங்கேற்றனர்.





எஸ்.எம்.எம்.ஸதக்கத்துல்லாஹ் என்ற ஹாஜி காக்கா தலைமை தாங்கினார். எஸ்.ஓ.அபுல்ஹஸன் கலாமீ, பிரபு ஹபீப் முஹம்மத் ஆகியோர் முன்னிலை வகித்தனர். கிராஅத்தைத் தொடர்ந்து, ஏ.ஏ.சி.நவாஸ் அஹ்மத் வரவேற்றுப் பேசினார். எம்.எல்.ஷேக்னா லெப்பை, வி.டி.என்.அன்ஸாரீ, வி.ஐ.புகாரீ ஆகியோர் கூட்டத்தின் நோக்கம் குறித்து அறிமுகவுரையாற்றினர்.



இக்கூட்டம், மிகக் குறுகிய கால அவகாசத்தில் கூட்டப்பட்டமையால், கவனக்குறைவாக யாரேனும் அழைக்கப்படாமல் விடுபட்டிருப்பின் பொறுத்துக்கொள்ளுமாறும், அவர்களும் இணைந்து பணியாற்ற வருமாறும் அவர்கள் கேட்டுக்கொண்டனர்.

பின்னர், கடலூர் மற்றும் சென்னையில் மழை வெள்ளத்தால் பாதிக்கப்பட்டுள்ள மக்களுக்காக நிவாரணப் பொருட்களை ஒருங்கிணைந்த முறையில் திரட்டி வினியோகித்தல் குறித்து கருத்துப் பரிமாற்றங்கள் நடைபெற்றன. நிறைவில் பின்வருமாறு தீர்மானங்கள் ஒருமனதாக நிறைவேற்றப்பட்டன:-

தீர்மானம் 1 - தற்காலிக கூட்டமைப்பு துவக்கம்:

மழை வெள்ளத்தால் பாதிக்கப்பட்ட மக்களுக்கு வழங்குவதற்காக, பொதுநல அமைப்புகள் தனிப்பட்ட முறையில் பொருட்களைத் திரட்டுவதை விட, ஒருங்கிணைந்த முறையில் திரட்டினால், பொதுமக்களின் முழு ஒத்துழைப்பு கிடைக்கும் என்பதோடு, திரட்டப்படும் பொருட்களும் முறையாக வினியோகிக்க வாய்ப்பு ஏற்படும் என்ற அடிப்படையில், இப்பணியில் ஈடுபட்டுள்ள அனைத்து அமைப்புகளின் கூட்டமைப்பாக, “காயல்பட்டினம் முஸ்லிம் வெள்ள நிவாரண கூட்டமைப்பு” எனும் பெயரில் தற்காலிக அமைப்பைத் துவக்கி செயல்படுத்த தீர்மானிக்கப்பட்டது.

தீர்மானம் 2 - நிர்வாகிகள் தேர்வு:

காயல்பட்டினம் முஸ்லிம் வெள்ள நிவாரணக் கூட்டமைப்பிற்கு, பின்வருமாறு நிர்வாகிகளை இக்கூட்டம் ஒருமனதாகத் தேர்ந்தெடுக்கிறது:-

தலைவர்:

எஸ்.எம்.எம்.ஸதக்கத்துல்லாஹ் (எ) ஹாஜி காக்கா

துணைத்தலைவர்கள்:

(1) எஸ்.ஓ.அபுல்ஹஸன் கலாமீ
(2) ‘ஜெஸ்மின்’ ஏ.கே.கலீலுர்ரஹ்மான்
(3) ஏ.ஏ.சி.நவாஸ் அஹ்மத்

ஒருங்கிணைப்பாளர்கள்:

(1) எம்.எல்.ஷேக்னா லெப்பை
(2) வி.டி.என்.அன்ஸாரீ

பொருளாளர்கள்:

(1) வாவு எம்.எம்.ஷம்சுத்தீன்
(2) ‘ஜுவெல் ஜங்ஷன்’ கே.அப்துர்ரஹ்மான்

செயலாளர்கள்:

(1) மவ்லவீ ஹாஃபிழ் டீ.எம்.என்.ஹாமித் பக்ரீ மன்பஈ (ஐ.ச.பேரவை)
(2) பிரபு ஹபீப் முஹம்மத் [PHM] (அரிமா சங்கம்)
(3) ‘காவல்துறை’ ஷேக் அப்துல் காதிர் (ஜாவியா பைத்துல்மால்)
(4) எம்.கே.ஜாஹிர் ஹுஸைன் (தமுமுக)
(5) அபூதாஹிர் (ததஜ)

(6) எஸ்.ஜெ.மஹ்மூதுல் ஹஸன் (இ.யூ.முஸ்லிம் லீக்)
(7) எம்.ஏ.கே.ஜைனுல் ஆப்தீன் (காக்கும் கரங்கள் நற்பணி மன்றம்)

உலக காயல் நல மன்ற ஒருங்கிணைப்பாளர்கள்:

(1) எம்.எஸ்.செய்யித் முஹம்மத் (தக்வா)
(2) எஸ்.கே.ஸாலிஹ் (தாருத்திப்யான் நெட்வர்க்)

தீர்மானம் 3 - நிவாரணப் பொருட்களைத் திரட்டல்:

“காயல்பட்டினம் முஸ்லிம் வெள்ள நிவாரணக் கூட்டமைப்பு” குறித்து பொதுமக்களுக்கு விளக்கும் பிரசுரத்தை 06.12.2015. ஞாயிற்றுக்கிழமைக்குள் அச்சிட்டு, நகர் முழுக்க வினியோகிக்கவும், பெரியளவிலான வாடகை வாகனத்தை ஏற்பாடு செய்து, அனைத்து அமைப்பினரும் ஒன்றாகச் சென்று பொதுமக்களிடம் நிதி, நிவாரணப் பொருட்களைச் சேகரிக்கவும் தீர்மானிக்கப்பட்டது. பொருட்களை விட நிதியைத் திரட்டும் பணியில் கூடுதல் கவனம் செலுத்திடவும் முடிவு செய்யப்பட்டது.

தீர்மானம் 4 - சென்னையில் KCGC அமைப்புடன் தொடர்புகொள்ளல்:

சென்னையில் மழை வெள்ளத்தால் பாதிக்கப்பட்ட மக்களுக்கு நிவாரணப் பணிகளைத் திட்டமிட்டு செய்து வரும் “காயல்பட்டினம் சென்னை வழிகாட்டு மையம் - KCGC” அமைப்புடன் தொடர்புகொண்டு, சென்னைக்கான நிவாரணப் பொருட்களையும், தொகையையும் அவர்கள் மூலமாக வினியோகிக்க தீர்மானிக்கப்பட்டது.

தீர்மானம் 5 - துவக்க நிதியளித்த பைத்துல்மாலுக்கு நன்றி:

நிவாரண நிதி சேகரிப்பைத் துவக்கும் வகையில், கூட்டத்தின்போதே 50 ஆயிரத்து ஒரு ரூபாய் நன்கொடையளிப்பதாக அறிவித்த, காயல்பட்டினம் பைத்துல்மால் அறக்கட்டளை நிர்வாகத்திற்கு, இக்கூட்டம் மனமார்ந்த நன்றியைத் தெரிவித்துக் கொள்வதுடன், அனைத்து அமைப்புகளும் இதுபோன்று தாராள நிதியைத் தந்துதவுமாறு கேட்டுக்கொள்கிறது.

தீர்மானம் 6 - பொதுமக்களுக்கு வேண்டுகோள்:

இச்செய்தியைப் படிக்கும் உலக காயலர்கள் அனைவரும், தத்தம் குடும்பத்தினருக்கு இத்தகவலை விளக்கி, உணவு - உடை ஆகியவற்றை விட, நிதி நன்கொடையை அதிகளவில் தரச் செய்யுமாறு இக்கூட்டம் உரிமையுடன் கேட்டுக்கொள்கிறது.



இவ்வாறு தீர்மானங்கள் நிறைவேற்றப்பட்டன. டீ.ஏ.எஸ்.முஹம்ம்த அபூபக்கர் நன்றி கூற, ‘ஜப்பான்’ ஸுலைமானின் கஃப்பாரா துஆவுடன் கூட்டம் நிறைவுற்றது.

தகவல்:
எஸ்.கே.ஸாலிஹ்


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...மர்ஹபா....மாஷா அல்லாஹ் அருமையான முடிவு அமைப்பு
posted by mackie noohuthambi (kayalpatnam ) [06 December 2015]
IP: 116.*.*.* India | Comment Reference Number: 42365

அள்ளித் தந்த வானம்.... அந்த வானத்தை படைத்தது அதன் வழியாக மழை இறக்கிய அல்லாஹ்வுக்குக்கே எல்லா புகழும்.

கெட்டும் பட்டணம் சேர் என்ற பழமொழியை பொய்யாக்கி இந்த ஊருக்கா... சீ இனிமேல் இந்த ஊரில் வசிப்பதா என்று மக்கள் எல்லாம் வெருண்டோடும் காட்சியை நேரில் பார்க்கும் அனுபவம் உம்ராஹ் செல்ல தயாராகி சென்று ஏமாற்றத்துடன் திரும்பி வந்த எங்களுக்கு கிடைத்தது.

அல்லாஹ் ''நான் எப்படி எல்லாம் மக்களை சோதித்தேன்'' என்று குர் ஆனில் கூறினேன் நீங்கள் நம்ப தயாராக இல்லை நபிகள் நாயகம் மூலம் அச்சமூட்டி எச்சரிக்கை செய்தேன் நீங்கள் அதையும் நம்பத்தயாராக இல்லை. நபி தோழர்கள் வாழ்வின் சம்பவங்கள் மூலம் உணர்வூட்டினேன். அதையும் நீங்கள் அலட்சியம் செய்தீர்கள். இப்போது கண்கூடாக நேரலை நிகழ்ச்சியாக பார்த்தால்தான் நீங்கள் நம்புவீர்கள் என்ற முடிவுக்கு நான் வந்து உங்களுக்கு ''சென்னை''(செவியில் அடிப்பதற்கு சொல்லும் வார்த்தை)யில் அடித்ததுபோல் ஒரு செய்தியை சென்னை நகரை முன்மாதிரியாக்கி காட்டி இருக்கிறேன் இப்போதாவது நம்புகிறீர்களா என் வல்லமையை?

ஆம் அல்லாஹ் இப்போது நம்புகிறோம் .எங்களிடம் கோடிக் கணக்காக பணம் இருந்தது வங்கி கணக்கு வழிந்தோடியது. கையில் நவீன சாதனங்கள், ANDROID செல் போன், மடிக் கணினிகள் கைவசம் உள்ளன. மாடி வீடுகளில் சொகுசாக குடி இருக்கிறோம். இன்னோவா வாகனம் எங்களிடம் இருக்கின்றன....ஆனால் இவை எல்லாம் இருந்தும் ஒரு வேளை சாப்பாட்டுக்கு உணவில்லை...மாற்று துணி இல்லை.பால் இல்லை குடிக்க தண்ணீர் இல்லை மின்சாரம் இல்லை மற்ற பகுதிகளில் இருந்து முற்றிலுமாக துண்டிக்கப் பட்டு இருக்கிறோம்....அல்லாஹு அக்பர்....

இப்போது நம்புகிறோம் இப்போது நீ தான் இவற்றை எல்லாம் ஒரே மழை மூலம் செயலிழக்க செய்து விட்டாய்...மீண்டும் எங்களுக்கு அவற்றை தா..இனிமேல் நீ சொல்லுகிறபடி நாங்கள் கேட்கிறோம் என்று திட சங்கல்பம் கொள்கிறோம்.

இப்படி ஒருங்கிணைத்த அமைப்பு நம்மிடம் நிரந்தரமாக இருக்க வேண்டும் இந்த மழை தந்த பாடம். அல்லாஹ் உங்களுக்கு இந்த உணர்வை தந்து இப்படி ஒரு அமைப்பை ஏற்படுத்த செய்திருக்கிறான். சென்னை மழை தந்த பாடம் இந்த ஊருக்கும் பொருந்தும். கட்டிடங்கள் வீடுகள் எப்படி வடிவமைக்கப் படவேண்டும் . மழை நீர் ஊருக்குள் தேங்காமல் கடலில் கலக்க என்ன செய்ய வேண்டும் என்று திட்டமிட்டு நாம் இயங்க வேண்டும். நமக்கு அல்லாஹ் பகுத்தறிவை தந்து நல்லதையும் கெட்டதையும் தேர்ந்தெடுக்கும் அறிவையும் தந்து ''சொர்க்கம் நரகம் உங்கள் சாய்ஸ்'' என்று சொல்லி இருக்கிறான்.

இந்த குழுவின் பனி சிறக்க ஊர் திரண்டு ஆதரவு அளிப்போம். அல்லாஹ் ரஹ்மத் செய்வானாக . இந்த சீற்றங்கள் நமதூர் பக்கம் நெருங்காமல் அல்லாஹ் நம்மை பாதுகாப்பானாக. ஆமீன்.

அல்லாஹ்வை வணங்கி வாழ்வோம்

இல்லார்க்கு வழங்கி வாழ்வோம்

எல்லோருடனும் இணங்கி வாழ்வோம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...தனிமரங்கள் ஒரு தோப்பாகிறது..!
posted by AnbinalA (Jaipur) [06 December 2015]
IP: 101.*.*.* India | Comment Reference Number: 42370

அந்த வானத்தைப் போல மனம் படைத்த
மன்னவர்களே..!
மற்றவரின் காயத்தில்
மருந்தாகும் வேளையிலும்
மற்றவரின் துயரத்தில்
மனிதநேயமாகும் வேளையிலும்
காயலர்களுக்கு நிகர் காயலர்களே..!

தனிமரம் தோப்பாகாது என்பதை
இதுபோன்ற ஒன்றிணைந்த மேடை
சாட்சியாக...காட்சியாக - இன்று
ஒன்றிணைத்துள்ளது என்பது
என்போன்ற எண்ணற்றவர்களின்
சமுதாய வெற்றியாக ஏற்புடையதாக
சந்தோஷமாக பார்க்க முடிகிறது...

அனைத்து கூட்டமைப்புகளுக்கும் நெஞ்சார்ந்த நன்றி..!

உங்கள் நல்லெண்ண பணிகள்
இனிதே இணைந்து தொடர்ந்து
நடந்தேர பிராத்திப்போமாக...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by தமிழன் முத்து இஸ்மாயில். (kayalpattinam) [06 December 2015]
IP: 116.*.*.* India | Comment Reference Number: 42372

சென்னை வாழ் மக்களின் துயரங்களை களைய சரியான நேரத்தில் மிக சரியாக துவக்கிய கூட்டமைப்பு..! இக்கூட்டமைப்பு துவங்க காரணமானவர்களுக்கு இறைவனின் அருளும் சாந்தியும் நிலவட்டுமாக ஆமீன்..!

[Administrator: Comment edited]


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்
அதிகாலையில் இதமழை!  (6/12/2015) [Views - 1515; Comments - 0]

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2020. The Kayal First Trust. All Rights Reserved