Kayal on the Web

செய்திகள்

செய்தி எண் (ID #) 17133

#KOTW17133

செவ்வாய், ஐனவரி 12, 2016

நகரில் முதன்முறையாக குருவித்துறைப் பள்ளியில் கண்காணிப்பு கேமரா!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3508 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகரிலுள்ள பள்ளிவாசல்களில் தொழுகை நேரங்கள் தவிர்த்து - இதர ஆளில்லா நேரங்களில், சந்தேகத்திற்கிடமானவர்கள் வந்து செல்வதும், அதன் தொடர்ச்சியாக பள்ளிவாசலில் உள்ள மைக், ஆம்ப்ளிஃபயர், மின் விசிறிகள், மின் விளக்குகள், சுவர்க்கடிகாரம் உள்ளிட்டவை திருடு போவதும் வாடிக்கை.

இதைத் தவிர்ப்பதற்காக, காயல்பட்டினத்தில் உள்ள பள்ளிவாசல்களிலேயே முதன்முறையாக குருவித்துறைப் பள்ளியில் கண்காணிப்பு கேமரா பள்ளியின் உட்பகுதிகளிலும், வெளியில் நாற்புறங்களிலும் நிறுவப்பட்டுள்ளது.

அத்துடன், 1987ஆம் ஆண்டில் பள்ளிவாசல் புதுப்பித்துக் கட்டப்பட்ட பின்னர் நிறுவப்பட்ட மைக், ஸ்பீக்கர், ஆம்ப்ளிஃபயர், அவற்றுக்கான கம்பிவடங்கள் உள்ளிட்டவை காலாவதியாகும் நிலையிலிருப்பதால், அவையும் முற்றிலுமாக அகற்றப்பட்டு, புதிதாகப் பொருத்தப்பட்டுள்ளன.

மேலும், இப்பள்ளிவாசல் கோட்டைச் சுவர் பரந்து விரிந்திருப்பதால், தொழுகைக்கான அழைப்பொலி சுற்றுவட்டாரத்தில் தெளிவாகக் கேட்பதற்காக, கோட்டைச் சுவரின் நான்கு மூலைகளிலும் கூடுதலாக புதிய ஒலிபெருக்கிகள் பொருத்தப்பட்டுள்ளன.

உளூ செய்யும் ஹவுள் தொட்டி அமைந்துள்ள பகுதியில், ROS முறையிலான குடிநீர் சுத்திகரிப்புக் கருவியும் பொருத்தப்பட்டுள்ளது.

இப்பணிகளும், பள்ளியின் வலுவான கட்டிடப் பகுதிகளிலுள்ள சில பழுதுகளை நீக்கும் பணிகளும், சுமார் 3.25 லட்சம் ரூபாய் செலவில் செய்து முடிக்கப்பட்டுள்ளன.

பள்ளி நிர்வாகத்தின் வழிகாட்டலில், ஹாஃபிழ் சொளுக்கு எஸ்.எம்.எஸ்.ஷேக் அப்துல் காதிர், ஹாஃபிழ் எஸ்.எம்.எஸ்.மஹ்மூத் ஹஸன் உள்ளிட்ட குழுவினர் ஒருங்கிணைப்பில் இப்பணிகள் செய்து முடிக்கப்பட்டுள்ளன.

2015ஆம் ஆண்டு நவம்பர் மாத கடைசி வாரத்தில் துவங்கி, டிசம்பர் மாத இரண்டாவது வாரத்தில் பணிகள் நிறைவுற்றமை குறிப்பிடத்தக்கது.

குருவித்துறைப் பள்ளி தொடர்பான முந்தைய செய்தியைக் காண இங்கே சொடுக்குக!

[கூடுதல் படம் இணைக்கப்பட்டது @ 12:30 / 23.01.2016.]

{TAGS} kuruvithurai palli masjidul usfoor masjid mowridil usfoor speaker amplifier mic set surveillance camera cctv camera water filter

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. மாஷா அல்லாஹ்
posted by SHEIKH ABDUL QADER (RIYADH) [12 January 2016]
IP: 37.*.*.* | Comment Reference Number: 42796

அஸ்ஸலாமு அலைக்கும் வரஹ்மத்துல்லாஹி வபரக்காத்துஹு.

இறையருள் நிறைக.

மாஷா அல்லாஹ் காலச்சூழலுக்கேற்ற வகையில் நம்இறைஇல்லத்தை எழில்படுத்துவதோடு பாதுகாப்புச்சூழலையும் ஏற்படுத்தியிருக்கும்விதம் பாராட்டத்தக்கது அல்ஹம்துலில்லாஹ்

இந்தமுயற்சியில் ஈடுபட்டுவெற்றிகண்ட அனைவருக்கும் வாழ்த்துக்களும் துஆக்களும் வல்லஇறைவன் அவனுடைய இல்லத்தைசிறப்பாக்கிய உள்ளங்களையும்,இல்லங்களையும் சிறப்பாக்கி உங்களுக்கு இருலோகபாக்கியத்தையும் தந்தருள்வானாக ஆமீன்.

இன்னும் கண்காணிப்பு ஒளிக்கண்களை நான்குபுறமுமுள்ள ஒலிபெருக்கிகளோடும் பொருத்தப்படவேண்டும் அதுபொதுவான பாதுகாப்பையும்தரும்.

இன்ஷா அல்லாஹ் எல்லா இறையில்லங்களிலும்,கல்விக்கூடங்களிலும் இதுபோலமையும் நல்வாய்ப்பை நல்குவானாக ஆமீன்.

இறைவன் மிகப்பெரியவன்.

இறையடிமை,
ஷேக் அப்துல் காதிர்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by V D SADAK THAMBY (Guangzhou, China) [12 January 2016]
IP: 133.*.*.*

Japan | Comment Reference Number: 42807

மாஷா அல்லாஹ். தற்போதையா சூழலில் அவசியமான ஒன்று. நான்கு தெரு முனைகளிலும் பொருத்தப்படவேண்டும். அதுமட்டுமல்லாமல் அருகிலுள்ள புகாரி ஷரீபிலும் கண்காணிப்பு கேமரா பொருத்துதல் அவசியம்.

இதே போன்று ஒவ்வொரு பள்ளிவாசல்களும் கண்காணிப்பு கேமரா பொருத்தி அவரவர் பகுதிகளை கண்கானித்தால் சமூக குற்றங்கள் / குற்றநடவடிக்கைகள் குறையலாம்.

எல்லாவற்றிற்கும் நாம் நகராட்சியை நம்பிக்கொண்டிருக்கமுடியாது. நகராட்சியும் கூட நகரின் முக்கிய பகுதிகளில் கண்காணிப்பு கேமரா பொருத்தலாம். புதியநகராட்சியில்தான் நாம் அதை எதிர்பார்க்கமுடியும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (RIYADH) [13 January 2016]
IP: 37.*.*.*

Saudi Arabia | Comment Reference Number: 42830

அஸ்ஸலாமு அலைக்கும்

மாஷா அல்லாஹ் .....தற்போதைய காலத்தோடு இணைந்து போக கூடிய ஒரு சிறப்பான செயல் .....ஜமாத்தார்களின் தொலைநோக்கு பார்வையும் ,, அவர்களின் முன்னேற்றத்தையும் தான்... இவை காட்டுகிறது ....

நம் ஊரின் மற்ற ஜமாத்தார்களும் ...இவர்களை போன்று காலத்தோடு இணைந்து ,,தொலைநோய்க்கு பார்வையோடு ..கண்காணிப்பு கேமராக்களை நிறுவினால் பல தேவைகற்றவற்றில் இருந்து ...பாதுகாப்பாகலாம் .....

குறிப்பாக நம் ஊரின் கல்யாண மண்டபங்களுக்கும் ,, ஒரு சில பொது நல கூட்டங்கள் நடக்கும் அரங்கத்துக்கும் ,, இவை ரொம்பவும் அவசியமே .....அந்த நிர்வாகத்தினர்கள் கண்டிப்பாகவே யோசிக்கணும் ......

குருவித்துறைப் பள்ளி ஜமத்தார்களையும் ...இந்த நல்லதோர் சீர் அமைப்பை ..சிறப்பாக நிறைவேற்றிய சகோதரர்களையும் பாராட்டுகிறோம் ......

வஸ்ஸலாம்
K.D.N.MOHAMED LEBBAI
RIYADH
SAUDI ARABIA

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by A.S.L.SULAIMAN LEBBAI (RIYADH - S . ARABIA) [13 January 2016]
IP: 78.*.*.*

Romania | Comment Reference Number: 42835

மாஷா அல்லாஹு .... இது ஒரு அருமையான முயர்ச்சி . குருவித்துறை பள்ளி நிர்வாகிகள் அனைவர்களுக்கும் எனது பாராட்டுக்கள் .

இதன் மூலம் இறை இல்லங்களில் தொடர்ந்து நடந்து வரும் திருட்டுக்கள் குறையும். இந்த முயர்சியை நமது ஊரின் பல பள்ளி & மதரசா நிர்வாகிகளும் யோசனைக்கு எடுப்பது நல்லது ....

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்