{ முகநூல் கருத்துக்கள்}{ட்விட்டர் கருத்துக்கள்}

வீ-யூனைடெட் ஸ்போர்ட்ஸ் கிளப் நடத்தும் முதலாம் ஆண்டு ”வீ-யூனைடெட் ஜூனியர்ஸ் லீக்” கால்பந்து போட்டிகள் 14ஆம் தேதி முதல் நடைபெற்று வருகின்றது. இன்றைய மூன்றாம் நாள் போட்டிகள் காலை 7:30 மணியளவில் புதிய பேரூந்து நிலையம் அருகில் உள்ள மைதானத்தில் நடைபெற்றது.



முதல் போட்டியில் Janseva அணியும், Soccer Smashers அணியும் விளையாடியது. போட்டிநேர இறுதி வரை இரண்டு அணிகளும் கோல் அடிக்காததால் சமநிலையில் முடிவுற்றது. இப்போட்டி சமநிலையில் முடிவுற்றதால் Janseva அணியினர் 5 புள்ளிகளுடன் அரையிறுதிப் போட்டிக்கு தகுதிபெற்றது.

இரண்டாவது போட்டியில் Kayal Manchester அணியும், Smile 7’s அணியும் விளையாடின. இப்போட்டியில் வெற்றிபெறும் அணி அரையிறுதிக்கு தகுதிபெறும் என்பதால் போட்டியில் பரபரப்பு காணப்பட்டது.

போட்டி நேரம் முடியும் வரை இரண்டு அணிகளும் கோல் ஏதும் அடிக்காததால், 10 நிமிடங்கள் கூடுதல் நேரம் வழங்கப்பட்டது. அதிலும் இரண்டு அணிகளும் கோல் ஏதும் அடிக்காததால், சமநிலைமுறிவு முறை கடைபிடிக்கப்பட்டது.

அதில் Kayal Manchester அணியினர் வெற்றிபெற்று, அரையிறுதிப் போட்டிக்கு தகுதி பெற்றனர்.

மாலை நடைபெற்ற முதல் போட்டியில் 916 Gold அணியினரும், Muhyideen Rainers அணியினரும் விளையாடினார்கள். இப்போட்டியில் வெற்றிபெற்றால் மட்டுமே அரையிறுதிப் போட்டிக்கு தகுதிபெற முடியும் என்ற நிலையில் 916 Gold அணியினரும், சமன் செய்தாலே அரையிறுதிக்கான தகுதி போட்டியில் பங்கேற்களாம் என்ற நிலையில் Muhyideen Raiders அணியினரும் விளையாடினார்கள்.

இப்போட்டியில் 916 Gold அணியினர் 1 – 0 என்ற கோல் கணக்கில் வெற்றிபெற்று அரையிறுதிப் போட்டிக்கு தகுதிபெற்றனர்.

மாலை நடைபெற்ற இரண்டாவது போட்டியில் Bilal Heroes அணியினரும், Faams அணியினரும் விளையாடினார்கள். இப்போட்டியில் வெற்றிபெறும் அணி அரையிறுதிக்கு தகுதிபெறும் என்ற நிலையில், இரண்டு அணியினரும் விறுவிறுப்பாக விளையாடினார்கள். இறுதியில் Faams அணியினர் 1 – 0 என்ற கோல் கணக்கில் வெற்றிபெற்று அரையிறுதிப் போட்டிக்கு தகுதிபெற்றனர்.

நாளை (17/01/2016) காலை நடைபெற உள்ள முதலாவது அரையிறுதிப் போட்டியில் Janseva அணியினரை எதிர்த்து Kayal Manchester அணியினர்கள் விளையாட உள்ளார்கள். இரண்டாவது அரையிறுதிப் போட்டியில் 916 Gold அணியினரை எதிர்த்து, Faams அணியினர்கள் விளையாட உள்ளார்கள்.



நாளை மாலை 5 மணிக்கு ”வீ-யூனைடெட் ஜூனியர்ஸ் லீக் போட்டியின் இறுதிப் போட்டி நடைபெற உள்ளது.

இப்போட்டிக்கு முன்னதாக கால்பந்தாட்ட முன்னால் வீரர்கள் பங்கேற்கும் காட்சிப்போட்டி நடைபெற உள்ளது.

போட்டி நிரல்...



தகவல் மற்றும் புகைப்படங்கள்:
எம்.ஜஹாங்கிர்