IP: 78.*.*.* Romania

இறைவனின் சாந்தியும் சமாதானாம் அகிலமெங்கும் நிலவட்டும்

இறையருள் நிறைக.

அனைத்து ஆத்மாவும் தனது மரணத்தை சுவைத்தேதீரும் அது இயற்கையின்நியதி அந்தவரிசையில் காயல்பட்டினம் சுபைதா மகளிர் மேனிலைப்பள்ளியின் பணிநிறைவுபெற்ற முன்னாள் தலைமையாசிரியை - நாசரேத்தைச் சேர்ந்த புஷ்பம் பெலிசியா செல்லையா அவர்களும் மறைந்துவிட்டிருக்கிறார்கள்

அவர்தனது வாழ்நாளில் எத்தனையோ விதைகளை விருட்சமாக்கி வெளிச்சத்திற்கு கொண்டுவந்திருப்பார்கள் கல்வியெனும் தோட்டத்தில் கைதொட்டு பதியம்போட்டுவிளைவித்தவைகள் எத்தையோயிருக்கும் ஆசிரியையாயிருந்து தலையை ஆசிரியையாகி எத்தனையோ மாணவிகளுக்கு ஏணியாகி அவர்கள்உயர வழிவகுத்துத்தந்துவிட்டு ஓய்வுபெற்றிருப்பார்கள் இன்னும் சொல்லப்போனால் ஓய்வென்றபகுதியிலிருந்தும் உதவியிருப்பார்கள். ஒருமுறை கல்விக்கூடத்தோடு உறவாடி உணர்வோடுபிரிந்தவர்கள் இன்று நிரந்தரமாக உறவுகளைவிட்டும் உலகைவிட்டும் பிரிந்திருக்கிறார்கள் என்றபோதும் அழியாதசெல்வம் கல்விச்செல்வம் ஊட்டியபாதையின்சுவடுகள்மறையாது நினைவைவிட்டும்அகலாது அந்தக்கல்விக்கூடமும் மாணவ,மாணவியர்ச்செல்வங்களும் நினைவுகூறும் அவர்கற்றுத்தந்த அறவழிகளில் செல்லும் அதுவே அந்தஅம்மையாருக்கும் அளிக்கும்,மரியாதையும்,இறங்க்க்களுமாகும்.

அன்னாரின் குடுபத்தினருக்கு இறைவன் அமைதிரவேண்டிக்கொள்வோம்

இறைவன் மிகப்பெரியவன்.

இறையடிமை,
ஷேக் அப்துல் காதிர்.

IP: 37.*.*.* Saudi Arabia

வருத்தமான செய்தி.

இவர்களின் பிரிவில் வாடும் குடும்பத்தாருக்கு ஆழ்ந்த இரங்கலை தெரிவித்துக்கொள்கிறோம்.

மூன்று தலைமுறைக்கு தலைமை ஆசிரியையாக இருந்தவர்கள்.

அனைவர்களுக்கும் ஆசிரியையாக இல்லாமால் "அம்மா"வாக திகழ்ந்தவர்கள்.பிள்ளைகளா.. பிள்ளைகளா என்று அன்புடன் பாசமாக இருப்பார்கள்.

ஊரில் முதல் முதலாக ESLC அதாவது எட்டாம் வகுப்பு துவங்கப்பட்டது இவர்கள் காலத்தில்தான். முதல் முதலாக எட்டாம் வகுப்புக்கு பாடம் நடத்தியவர்களும் இவர்கள் தான்.

அன்று முதல் இவர்களின் பெயர் "எட்டாப்பம்மா.. எட்டாப்பம்மா (எட்டாம் வகுப்பு அம்மா) "என்றே மாறிவிட்டது. அநேக நபர்களுக்கு இவர்களின் உண்மை பெயரே தெரியாது.

ஊரில் உள்ள மூன்று தலைமுறை மக்களின் அநேக திருமணங்களில் சிரித்த முகத்துடன் கலந்துகொண்டு வாழ்த்திய உண்மையான அம்மா.. இந்த எட்டாப்பம்மா.

சாளை எஸ்.ஐ.ஜியாவுத்தீன், அல்கோபார்

மறைந்த இவர்கள் காயல்பட்டணத்தின் சென்ட்ரல் ஸ்கூல் முன்னாள் ஆசிரியர் ஜெயராஜ் அவர்களின் மனைவியும் சுபைதா ஸ்கூலின் தலைமை ஆசிரியர் எட்டாப்பு டீச்சர் என தாய்மார்களினால் மிக்க அன்புடன் அழைக்கப்பட்டவர்களாவர்கள்.

இந்த இருவர்களிடமும் பயனுள்ள் கல்வி மற்றும் நல்ல பண்புகளை பயின்றவர்களில் நாங்கள் உட்பட நமது உறவுகள் நட்புகளில் பல ஆண்கள் மற்றும் பெண்கள் என ஏராளமானவர்கள் உண்டு.

இவர்களிடம் கல்வி கற்றவர்களில் நம்மில் பல பேர்கள் இன்று உயர் கல்விகளை பயின்று பட்டங்கள் பல பெற்று பெரும் பதவியில் மற்றும் பணிகளில் உலகின் பல பாகங்களிலும் உள்ளனர்.

கணவன் மனைவியாகிய இந்த ஆசிரிய தம்பதிகள் கல்வி பணிக்கு தினமும் நாசரேத்தில் இருந்து நமதூர் வந்து நமக்கு கல்வி தாகம் தீர்த்து நற்பணியாற்றினார்கள்.

நன்றிக்குரிய நல்லவர்கள்.இவர்களின் குடும்பத்தினர்களுக்கு எங்களது ஆழ்ந்த அனுதாபம் மற்றும் அஞ்சலியும்.

எஸ்.ஏ.கே.செய்யதுமீரான்.ஜித்தா.