{ முகநூல் கருத்துக்கள்}{ட்விட்டர் கருத்துக்கள்}

2006ம் ஆண்டு முதல், தி காயல் ஃபர்ஸ்ட் ட்ரஸ்ட் மற்றும் இக்ராஃ கல்விச் சங்கம் ஆகிய அமைப்புகள் இணைந்து - சந்தியுங்கள் மாநிலத்தின் முதல் மாணவர்கள் (MEET THE STATE TOPPERS) நிகழ்ச்சியை, காயல்பட்டினத்தில் நடத்தி வருகின்றன.

இந்நிகழ்ச்சியில், பன்னிரண்டாம் வகுப்பு அரசு பொது தேர்வில் - மாநில அளவில் முதல் இடம் பெற்ற மாணவ, மாணவியர்கள் அழைக்கப்பட்டு - காயல்பட்டினத்தை சார்ந்த பள்ளிக்கூடங்களில் - நடப்பு கல்வியாண்டில், பொது தேர்வு எழுத்தவுள்ள மாணவ, மாணவியிருடன் கலந்துரையாடல் நடத்திட ஏற்பாடு செய்யப்படுகிறது.

மாநில முதல் மாணவர்கள் மற்றும் நகர அளவில் நல்ல மதிப்பெண்கள் பெற்ற மாணவ மாணவியரும் நிகழ்ச்சியில் கௌரவிக்கப்படுகின்றனர்.

11வது ஆண்டாக - இவ்வாண்டும் தொடர்ந்து நடைபெறவுள்ள இந்நிகழ்ச்சியில்,

பன்னிரண்டாம் வகுப்பு அரசு பொது தேர்வில் - 1200 க்கு, 1195 மதிப்பெண்கள் பெற்று - மாநில அளவில் முதல் மதிப்பெண்கள் பெற்ற -

ஊத்தங்கரை - ஸ்ரீ வித்யா மந்திர் மெட்ரிகுலேசன் மேல்நிலைப்பள்ளி மாணவர்கள் - வி.ஆர்த்தி மற்றும் கே.ஹெச்.ஜெஸ்வந்த் ஆகியோர் கலந்துக்கொள்ள உள்ளனர்.

கே.ஹெச்.ஜெஸ்வந்த் - பத்தாம் வகுப்பு அரசு பொது தேர்வில் மாநில அளவில் முதல் மதிப்பெண்ணும், வி.ஆர்த்தி - பத்தாம் வகுப்பு அரசு பொது தேர்வில் மாநில அளவில் மூன்றாம் மதிப்பெண்ணும் பெற்றவர்கள் என்பது குறிப்பிடத்தக்கது.

நிகழ்ச்சி நடைபெறும் நாள், நேரம் மற்றும் இடம் விபரம் விரைவில் அறிவிக்கப்படும்.