{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 68ஆவது குடியரசு நாள் 26.01.2017. வியாழக்கிழமையன்று நாடெங்கும் கொண்டாடப்பட்டது. இதனை முன்னிட்டு, காயல்பட்டினம் சிவன்கோவில் தெரு ஊராட்சி ஒன்றிய நடுநிலைப் பள்ளியில், மாணவ-மாணவியரின் பல்சுவை நிகழ்ச்சிகளுடன் குடியரசு நாள் விழா நடைபெற்றது.



பள்ளியின் கல்விக் குழு தலைவர் எஸ்.ஏ.சாமு ஷிஹாபுத்தீன் தலைமை தாங்கினார். ஜெ.எம்.காதிர், ஜெ.ஏ.லரீஃப், தோல்சாப் இப்றாஹீம், எஸ்.எம்.பி.மூஸா நெய்னா, சுல்தான் ஆகியோர் முன்னிலை வகித்தனர்.

ஏ.ஷாஹுல் ஹமீத் சிறப்பு விருந்தினராகக் கலந்துகொண்டு தேசிய கொடியேற்ற, அனைவரும் தேசிய ஒருமைப்பாட்டு உறுதிமொழி எடுத்துக்கொண்டனர்.





பின்னர், பள்ளி மாணவ-மாணவியர் பங்கேற்ற கலை நிகழ்ச்சிகள் இடம்பெற்றன. நன்றியுரை, நாட்டுப்பண்ணுடன் விழா நிறைவுற்றது. அனைவருக்கும் இனிப்பு வழங்கப்பட்டது.













தகவல் & படங்கள்:
‘ரிஃப்அத்’ உமர்