{ முகநூல் கருத்துக்கள்}{ட்விட்டர் கருத்துக்கள்}

ஐக்கிய அரபு அமீரகம் - துபை காயல் நல மன்றத்தின் சார்பில், இம்மாதம் 24ஆம் நாளன்று “காயலர் தினம் - 2017” நிகழ்ச்சி நடத்தப்படவுள்ளதாக ஏற்கனவே செய்தி வெளியிடப்பட்டிருந்தது. அங்கு மழை பெய்து வருவதாலும், நிகழ்வு நாளன்று கனமழை பெய்யலாம் என வானிலை அறிக்கை வெளியிடப்பட்டுள்ளதாலும், அந்நிகழ்ச்சி 31.03.2017. அன்று நடத்தப்படவுள்ளதாக தற்போது அறிவிக்கப்பட்டுள்ளது. இதுகுறித்து, அவ்வமைப்பின் சார்பில் வெளியிடப்பட்டுள்ள செய்தியறிக்கை:-

அமீரகத்தில் மார்ச் 24 வெள்ளிக்கிழமையன்று பலத்த மழை பெய்யும் என்று வானிலை அறிக்கை முன்னறிவிப்பு வந்துள்ளதால் அன்று நடக்கவிருந்த “காயலர் தினம் 2017” இன்ஷா அல்லாஹ் எதிர்வரும் மார்ச் 31 வெள்ளிக்கிழமை நடைபெறும் என்று துபை காயல் நல மன்றத் தலைவர் ஜே.எஸ்.ஏ. புகாரீ காக்கா அறிவித்துள்ளார்கள்.

ஏற்கனவே திட்டமிட்டுள்ளபடி துபை அல்ஸஃபா பூங்காவில் இந்நிகழ்ச்சி காலை 10 மணிக்கு தொடங்கும். நிகழ்ச்சி நிரலும், மேலதிக தகவல்களும் இன்ஷா அல்லாஹ் அடுத்த அறிக்கையில் தரப்படும்.

இது தொடர்பாக மன்றத் தொடர்பாளர் சகோதரர் ஈசா அவர்களை 055 - 9023885 என்ற எண்ணில் தொடர்பு கொள்ளலாம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
துபை கா.ந.மன்றம் சார்பாக...
ஐக்கிய அரபு அமீரகம் - துபையிலிருந்து….
M.S.அப்துல் ஹமீத்