{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் ஜூனியர்ஸ் லீக் 2017 - கால்பந்துப் போட்டியில் பங்கேற்கும் அணிகளின் உரிமைக்கான விண்ணப்பங்கள் வரவேற்கப்படுவதாக அறிவிக்கப்பட்டுள்ளது. இதுகுறித்த - அவ்வமைப்பின் தகவலறிக்கை:-

வீ-யூனைடெட் ஜூனியர்ஸ் லீக் 2017 கால்பந்து போட்டி ஏப்ரல் மாதம் துவங்குகிறது! அணி உரிமையாளர்கள் வரவேற்கப்படுகிறார்கள்!! வீரர்கள் சேர்க்கை நடைபெறுகின்றது!!!



காயல்பட்டினம் விளையாட்டு வீரர்களின் திறமைகளை மெருகேற்றவும், வீரர்களிடையே ஒற்றுமையை ஏற்படுத்தவும் கடந்த 8 ஆண்டுகளாக, எல்லாம் வல்ல இறைவனின் துணையுடனும், நமது ஊரின் விளையாட்டு மைதானங்களின் ஆதரவுடனும், விளையாட்டு வீரர்களின் ஒத்துழைப்புடனும், வீ-யூனைடெட் ஸ்போர்ட்ஸ் கிளப் We Are United By Sports என்ற தாரக மத்திரத்துடன் காயல் பிரிமியர் லீக் கால்பந்து போட்டிகளை நடத்தி வருகின்றது. அல்ஹம்துலில்லாஹ்.

இன்ஷாஅல்லாஹ் இவ்வருடம் 2ஆம் ஆண்டாக வீ-யூனைடெட் ஜூனியர்ஸ் லீக் கால்பந்து போட்டியை வருகின்ற ஏப்ரல் மாதம் இறுதி வாரத்தில் ஐக்கிய விளையாட்டுச் சங்க மைதானத்தில் நடத்த திட்டமிடப்பட்டுள்ளது.

இப்போட்டியில் 2003ஆம் வருடத்திலோ அல்லது அதற்கு பின்னரோ பிறந்தவர்கள் (14 வயது வரையுள்ள) இளம் வீரர்கள் பங்கேற்கலாம். இப்போட்டியில் பங்கேற்க விருப்பமுள்ள இளம் வீரர்கள் தங்களுடைய ஆதார் அட்டை அசல், மற்றும் நகல் இரண்டினையும் அல்லது தங்களது பள்ளியில் Bonafide Certificate பெற்று அதனையோ, icici வங்கி அருகிலுள்ள அல்தாஃப் எண்டர்பிரைஸிசில் சமர்பித்து தாங்கள் போட்டியில் பங்கேற்பதை உறுதிபடுத்திக் கொள்ளுமாறு கேட்டுக்கொள்கிறோம்.

விண்ணப்பங்கள் பெறப்படும் நேரம் : தினமும் இரவு 6:45 மணி முதல் 7:30 மணி வரை மட்டும்.

இப்போட்டியில் பங்கேற்க அணி உரிமையாளர்கள் வரவேற்கப்படுகிறார்கள்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்