{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 90ஆம் ஆண்டு நிகழ்ச்சிகள், 28.03.2017. அன்று திக்ர் மஜ்லிஸுடன் துவங்கி, 30.04.2017. அன்று நேர்ச்சை வினியோகத்துடன் நிறைவுற்றது.

ஒவ்வோர் ஆண்டும் ரஜப் மாதத்தில் நடைபெறும் அனைத்து நிகழ்ச்சிகள் தொடர்பான சகல நடவடிக்கைகளையும் நிறைவு செய்த பின்னர், மஜ்லிஸ் நிர்வாகிகளிடம் அந்தந்த ஆண்டின் வைபவக் கமிட்டியினர் பொறுப்புகளை ஒப்படைக்க, அன்று மாலையில் எஞ்சிய சாமான்கள் ஏலம் விடப்பட்டு, இரவு திக்ர் மஜ்லிஸுடன் அந்த ஆண்டின் நிகழ்ச்சிகள் நிறைவுறும்.

அதன் படி, நடப்பாண்டின் நிறைவு நிகழ்ச்சி, 04.05.2017. வியாழக்கிழமையன்று நடைபெற்றது. அன்று மாலையில் எஞ்சிய சாமான்கள் ஏலம் விடப்பட்டன. மஃரிப் தொழுகைக்குப் பின் ராத்திபத்துல் காதிரிய்யா திக்ர் மஜ்லிஸ் நடைபெற்றது. நன்றியுரை, துஆவுடன் நிகழ்ச்சிகள் நிறைவுற்றன.