{ முகநூல் கருத்துக்கள்}{ட்விட்டர் கருத்துக்கள்}

இதுவரை ஸ்மார்ட் கார்ட் பெறாத குடும்ப அட்டைதாரர்கள் தமது நிழற்படங்களை விரைவாக அவரவர் நியாய விலைக் கடைகளில் சமர்பித்திடுமாறு வட்ட வழங்கல் அலுவலர் (TSO) கேட்டுக்கொண்டுள்ளார். இதுகுறித்து, காயல்பட்டினம் “நடப்பது என்ன?” சமூக ஊடகக் குழுமம் வெளியிட்டுள்ள செய்தியறிக்கை:-

காயல்பட்டினம் நகராட்சி பகுதியில் பலருக்கு இதுவரை ஸ்மார்ட் கார்டு அச்சாகி வழங்கப்படவில்லை. *இதற்கு காரணம் - தெளிவில்லாத புகைப்படம் சமர்ப்பிக்கப்பட்டது (அல்லது) புகைப்படமே சமர்ப்பிக்கப்படாதது என கூறப்படுகிறது*.

தெளிவில்லாத புகைப்படங்கள் சமர்ப்பித்த காரணத்தால் (அல்லது) புகைப்படமே சமர்ப்பிக்கவில்லை என்ற காரணத்தால் ஸ்மார்ட் கார்டு அச்சிடப்படாத குடும்ப அட்டை உரிமையாளர்கள் - உடனடியாக, தங்கள் ரேஷன் கடைகளுக்கு சென்று, தங்கள் புகைப்படத்தை (ஒன்று) சமர்ப்பிக்க திருச்செந்தூர் வட்டார வழங்கல் அலுவலர் (TSO) திரு கோபால் தெரிவித்துள்ளார்.

*PHH அட்டை வகை சார்ந்தவர்கள் - குடும்ப தலைவியாக பெண்களை கொண்டு அவர்களின் புகைப்படத்தை மட்டுமே சமர்ப்பிக்கவேண்டும்*.

*NPHH அட்டை வகை சார்ந்தவர்கள் - ஆண் அல்லது பெண் - இருவரில் ஒருவரை, குடும்ப தலைவராக வைத்துக்கொண்டு, இருவரில் ஒருவர் புகைப்படத்தை சமர்ப்பிக்கலாம்*.

இவண்,
நிர்வாகிகள்,
*நடப்பது என்ன? சமூக ஊடகக்குழுமம்*.

[பதிவு: ஆகஸ்ட் 1, 2017; 5:30 pm]

இவ்வாறு அந்த அறிக்கையில் தெரிவிக்கப்பட்டுள்ளது.