{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தையொட்டிய பேயன்விளையில் அமைந்துள்ள காயல்பட்டினம் – ஆறுமுகநேரி (கே.ஏ.) மேனிலைப் பள்ளி, தெற்கு ஆத்தூர் ஊராட்சி ஒன்றிய நடுநிலைப் பள்ளி ஆகிய பள்ளிகளின் மாணவ-மாணவியர், பள்ளி பரிமாற்றுத் திட்டத்தின் கீழ், காயல்பட்டினம் அரசு பொது நூலகத்தை – 11.01.2018. அன்று பார்வையிட வந்திருந்தனர்.

நூலகர் முஜீப் அவர்களை வரவேற்று - நூலகத்தின் பயன், செயல்பாடு, புதிதாகத் துவக்கப்பட்டுள்ள TNPSC போட்டித் தேர்வுக்கான குறிப்புதவி நூற்கள் தனிப்பிரிவு உள்ளிட்ட நூலகப் பிரிவுகள் & அவற்றின் பயன்பாடு பற்றி விளக்கினார்.



மாணவர்களை அழைத்து வந்திருந்த ஆசிரியர்கள் – நூலகத்தின் வளர்ச்சி, தற்காலச் சூழலில் வாசிப்பின் பயன், நூலகம் அடைந்துள்ள முன்னேற்றம் உள்ளிட்டவை குறித்து நூலகரிடம் நேர்காணல் முறையில் கலந்துரையாடினர்.





நிறைவில், ஆசிரியர் கண்ணன், ஆயிரம் ரூபாய் பணம் செலுத்தி, நூலகத்தில் தன்னைப் புரவலராக இணைத்துக்கொண்டார். ஆசிரியர்களான சித்ரா தேவி, ஸ்பெல்மேன், மேரி கறஸ்டிநவலதா, கண்ணன் ஆகியோர் நிகழ்ச்சிகளை ஒருங்கிணைத்தனர். நூலக ஆர்வலர் மணிகண்டன் நன்றி கூறினார்.

தகவல் & படங்கள்:
அ.முஜீப் (நூலகர். தொடர்பு எண்: +91 98945 86729)