{ முகநூல் கருத்துக்கள்}{ட்விட்டர் கருத்துக்கள்}

2018ஆம் ஆண்டின் - ARR கோப்பைக்கான வி யுனைட்டெட் காயல் ப்ரீமியர் லீக் கால்பந்து சுற்றுப் போட்டிகளின் அரையிறுதிக்குள் நுழைந்த அணிகள் குறித்து வெளியிடப்பட்டுள்ள செய்தியறிக்கை:-

ARR கோப்பைக்கான V-United காயல் பிரிமியர் லீக் 2018 : அரையிறுதிக்கு தகுதிபெற்ற அணிகள் விபரம்!

ARR கோப்பைக்கான V-United காயல் பிரிமியர் லீக் ஜுனியர், சப்ஜுனியர் பிரிவு கால்பந்து போட்டிகள் ஐக்கிய விளையாட்டுச் சங்க (USC) மைதானத்தில் கடந்த 23/04 முதல் நடைபெற்று வருகின்றது. லீக்சுற்றின் இறுதி ஆட்டங்கள் இன்று (29/04) நடைபெற்றது.

இன்று (30/04) மாலை நடைபெற்ற முதலாவது அரையிறுதிப் போட்டியில் Faams அணியும், Smile Soccers அணியும் விளையாடின. போட்டி நேரம் முழுவதும் இரண்டு அணிகளும் கோல் ஏதும் அடிக்காததால், போட்டி சமநிலையில் முடிவுற்றது. பின்னர் நடைபெற்ற சமநிலை முறிவு முறையில் Smile Soccers அணி 3-2 என்ற கோல் கணக்கில் வெற்றிபெற்றது. இப்போட்டியின் சிறந்த வீரருக்கு ANWAAR AL KHALEEJ நிறுவனம் வழங்கும் பரிசிற்காக Smile Soccers அணியின் Asfaq தேர்வு செய்யப்பட்டார்.

பின்னர் நடைபெற்ற இரண்டாவது அரையிறுதிப் போட்டியில் LTS GA Soccers அணியும், Knight Riders அணியும் விளையாடின. இப்போட்டியில் Knight Riders அணியினர் 1-0 என்ற கோல் கணக்கில் வெற்றிபெற்றனர். இப்போட்டியின் சிறந்த வீரருக்கு ANWAAR AL KHALEEJ நிறுவனம் வழங்கும் பரிசிற்காக Knight Riders அணியின் Khaja தேர்வு செய்யப்பட்டார்.

இவ்வெற்றியின் மூலம் Knight Riders அணியும், Smile Soccers அணியும் இன்ஷாஅல்லாஹ் நாளை (01/05) மாலை 05:15 மணிக்கு நடைபெற உள்ள இறுதிப் போட்டியில் விளையாட உள்ளார்கள். முன்னதாக சப்ஜூனியர்ஸ் பிரிவின் இறுதிப்போட்டி Yousuf United அணிக்கும், Diamond Spark அணிக்குமிடையே 04:45 மணிக்கு நடைபெற உள்ளது.

இறுதிப் போட்டியை தொடர்ந்து மஃரிப் தொழுகைக்கு முன்னர் பரிசளிப்புவிழா முடிவுறும் என்பதனை கால்பந்து ரசிகர்களுக்கு அறியத்தருகிறோம். எனவே இளம் வீரர்கள் அசத்தவிருக்கும் இறுதிப் போட்டியினை ஆரம்பம்முதல் கண்டுகளிக்கவும், இளம் வீரர்களை உற்சாகப்படுத்தவும் அன்போடு அழைக்கிறது வீ-யூனைடெட் ஸ்போர்ட்ஸ் கிளப்.



இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்