{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தால், United Football League (UFL) எனும் தலைப்பில், ஆண்டுதோறும் கால்பந்து சுற்றுப்போட்டிகள் நடத்தப்பட்டு வருகிறது. இதுவரை 5 ஆண்டுகள் தொடர்ச்சியாக இப்போட்டிகள் நடத்தி முடிக்கப்பட்டுள்ளன.

நிகழாண்டு United Super Cup கோப்பைக்கான United Football League (UFL) கால்பந்துப் போட்டிகள், இம்மாதம் 04 முதல் 14ஆம் நாள் வரை நடத்தப்படுகிறது.

எட்டாம் நாள் போட்டிகள் குறித்து, சுற்றுப்போட்டிக் குழுவின் சார்பில் வெளியிடப்பட்டுள்ள செய்தியறிக்கை:-

போட்டி முடிவுகள்:

11/05/2018 வெள்ளிக் கிழமை காலை 7:00 மணிக்கு நடைபெற்ற முதல் போட்டியில், Bangkok Ball Blasters அணியும், Hardy Boys அணியும் விளையாடின. இப்போட்டி, இரு அணியினரும் கோல் ஏதும் போடாத நிலையில் சமநிலையில் நிறைவுற்றது.

அன்று மாலை 5:00 மணிக்கு நடைபெற்ற போட்டியில், G-Cool Rockers அணியும், Silver Miners அணியும் விளையாடின. இப்போட்டியில் Silver Miners அணியினர் 2 – 1 என்ற கோல் கணக்கில் வெற்றிபெற்றனர்.















சிறந்த வீரருக்கான பரிசுகள்:

அன்றைய தினம் காலை நடைபெற்ற முதல் போட்டியில் Hardy Boys அணியின் வீரர் முஃபீஸ், மாலை நடைபெற்ற போட்டியில் Silver Miners அணியின் முஸ்தாக் ஆகியோர் சிறந்த வீரருக்கான பரிசுகளை பெற்றனர். இப்பரிசுகளுக்கான அனுசரனையை Masha Allah Garments, SAIS Boutique, BGF United மற்றும் G-Cool நிறுவனத்தினர்கள் வழங்குகிறார்கள்.



போட்டி இடைவேளையின் போது வழங்கப்படும் குளிர்பானங்களின் அனுசரணையை G-Cool நிறுவனத்தார் வழங்குகின்றனர்.

அரை இறுதி போட்டிகள்:

லீக் போட்டிகள் நிறைவுற்ற நிலையில், போட்டியின் விதிமுறைகள் படி, லீக் போட்டியில் முதல் நான்கு இடத்தை பிடித்த Silver Miners, Woodlands, G-Cool Rockers மற்றும் Bangkok Ball Blasters அணியினர் அரை இறுதி போட்டிக்கு தகுதி பெற்றுள்ளனர்.

முதல் அரை இறுதி போட்டி: Silver Miners vs Bangkok Ball Blaster.

இரண்டாவது அரை இறுதி போட்டி: Woodlands vs G-Cool Rockers.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
‘கோடாக்கா’ ஃபைஸல்