Kayal on the Web

செய்திகள்

செய்தி எண் (ID #) 4906

#KOTW4906

செவ்வாய், அக்டோபர் 19, 2010

நகரில் திடீர் மின்னல்! பேரிடி முழக்கம்!! பொதுமக்கள் அதிர்ச்சி!!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 5046 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் இன்று மாலை 06.30 மணியளவில் திடீரென தென்பட்ட பளீர் மின்னல், பேரிடி முழக்கம் நகர பொதுமக்களை அதிர்ச்சிக்குள்ளாக்கியுள்ளது.

இன்று மாலை 05.30 மணியளவில் திடீரென மழை மேகம் திரண்டது. 06.15 மணிவாக்கில் மிகச்சிறிய அளவிலான ஒலியுடன் இடி இடித்தது. நகரின் பல பள்ளிவாசல்களில் மஃரிப் தொழுகை நடைபெற்றுக் கொண்டும், சில பள்ளிவாசல்களில் தொழுகை முடிவுற்று பிரார்த்தனை நடைபெற்றுக் கொண்டுமிருந்த நேரத்தில், சுமார் 06.30 மணியளவில் திடீரென கண்ணைப் பறிக்கும் பேரொளியுடன் மின்னல் பளிச்சிட்டது. மின்னல் தோன்றி மறைந்த சில வினாடிகளில் பேரிடி முழக்கம் கேட்டது.

இடி முழக்கத்தால் ஏற்பட்ட அதிர்ச்சி காரணமாக, காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜிதின் தென்புறத்தில் அமைந்துள்ள பெரிய மினாராவின் சுண்ணாம்புப் பூச்சு சிறிதளவு பெயர்க்கப்பட்டு, சுற்றுப்புறத்தில் சிதறிக் கிடந்தது.

இந்த திடீர் இடி-மின்னல் நிகழ்வால் நகர பொதுமக்கள் - குறிப்பாக, பள்ளிவாசல்களில் தொழுதுகொண்டிருந்த பொதுமக்கள் அதிர்ச்சிக்குள்ளாயினர். நகரின் அனைத்து கடைவீதிகளிலும், வீடுகளிலும் இந்த இடி-மின்னல் பற்றித்தான் பேசப்பட்டு வருகிறது.

தகவல்:
Y.M. முஹம்மத் தம்பி,
A.K.M. ஜுவல்லர்ஸ்,
எல்.கே.லெப்பைத்தம்பி சாலை, காயல்பட்டினம்.

{TAGS} Lightning Thunder Azher Minara Crack

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. ஓர் எச்சரிக்கை!
posted by N.S.E.MAHMOUD (Yanbu. KSA.) [20 October 2010]
IP: 188.*.*.*

Saudi Arabia | Comment Reference Number: 570

அஸ்ஸலாமு அலைக்கும் (வரஹ்).

திடீர் மேகம் திரண்டால் அவசியம் மழை வரும் அல்லது மழை வராமலும் இருக்கும். அதே நேரத்தில் தூரத்தில் உள்ள ஊரில் மழை பெய்யும். அதன் காரணமாக சிறிது இடி முழக்கமும், மின்னல் வெட்டும் தென்படும் இது வழக்கத்தில் உள்ளதுதான்.

ஆனால் திடீரென கண்ணைப் பறிக்கும் பேரொளியுடன் மின்னல் பளிச்சிட்டது, மின்னல் தோன்றி மறைந்த சில வினாடிகளில் பேரிடி முழக்கம் ஏற்பட்டது மற்றபடி "மழை இல்லை" என்றால் இது மக்களுக்கு ஓர் எச்சரிக்கை! என்பதை மக்கள் உணர வேண்டும்.

அனாச்சாரங்களை களைய வேண்டும். தானம், தருமங்களை முறையாக கடைப்பிடித்து, இறைவனின் கோபத்திற்கு ஆளாகாமல் பாதுகாத்துக் கொள்ள வேண்டும்.

எல்லாம் வல்ல அல்லாஹ்! நம் ஊரையும், மக்களையும் அவனுடைய சோதனையிலிருந்து காப்பாற்றியருள்வானாக ஆமீன்.

வஸ்ஸலாம்.

N.S.E. மஹ்மூது
யன்பு, சவுதி அரேபியா.