Kayal on the Web

செய்திகள்

செய்தி எண் (ID #) 5562

#KOTW5562

வெள்ளி, ஐனவரி 28, 2011

அறுப்பிடத்தில் சுகாதாரக் கேட்டை சரிசெய்யுமாறு நகர்மன்றத்தில் இறைச்சி வணிகர்கள் கோரிக்கை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2738 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

அறுப்பிடங்களில் நிலவும் சுகாதாரக் கேட்டை சரிசெய்து தருமாறு, காயல்பட்டினத்திலுள்ள இறைச்சி வணிகர்கள் நகர்மன்றத்தில் முறையிட்டுள்ளனர்.

காயல்பட்டினம் கிடா இறைச்சி வணிகர்கள் சங்கத் தலைவர் செய்யித் இப்றாஹீம் தலைமையில், இறைச்சி வணிகர்கள் இணைந்து 25.01.2011 அன்று காலை 12.00 மணிக்கு காயல்பட்டினம் நகர்மன்ற அலுவலகத்திற்குச் சென்றனர்.

அங்கு நகர்மன்ற துணைத்தலைவர் கஸ்ஸாலி மரைக்காரை சந்தித்த அவர்கள், நகர்மன்றத்தால் கட்டப்பட்டு வரும் தனி அறுப்பிடத்தை விரைவில் துவக்கித் தருமாறும், தற்காலிகமாக நகர்மன்ற அலுவலக வளாகத்தில் ஏற்பாடு செய்யப்பட்டுள்ள அறுப்பிடத்தில் நிலவும் சுகாதாரக் கேட்டை சரிசெய்து தருமாறும், தினமும் அறுக்கப்படும் பிராணிகளுக்காக அந்தந்த கடை வணிகர்களுக்கு பணம் செலுத்தியதற்கான ஒப்புதல் சீட்டை தனித்தனியே வழங்குமாறும் கோரியதோடு, இக்கோரிக்கைகள் நிறைவேற்றப்படாவிட்டால் பணம் செலுத்தப்போவதில்லை எனவும் தெரிவித்தனர்.

நகர்மன்றத் தலைவர் ஹாஜி வாவு செய்யித் அப்துர்ரஹ்மான் மற்றும் நகர்மன்ற அலுவலர்களுடன் இதுகுறித்து கலந்தாலோசனை செய்த துணைத்தலைவர் கஸ்ஸாலி மரைக்கார், தனி அறுப்பிடம் துவக்குவது தற்போது நடைமுறைச் சிக்கலில் உள்ளதாகவும், விரைவில் அது தீர்க்கப்பட்டு, வரும் மார்ச் மாத இறுதிக்குள் துவக்கி வைக்கப்படும் என்று தெரிவித்தார்.

நகர்மன்ற அலுவலகத்தில் பணியாட்கள் குறைவாக உள்ளதால் தினமும் அறுப்பிடத்தை சுத்தம் செய்யவியலவில்லை எனவும், எனினும் பொதுமக்கள் நலன் கருதி இனி இயன்றளவுக்கு தினமும் சுத்தம் செய்வதற்கான முயற்சிகள் மேற்கொள்ளப்படும் என்றும் அவர் அப்போது கூறினார்.

இறைச்சி வணிகர்கள் பணம் செலுத்தியதற்கான ஒப்புதல் சீட்டை கணினி மூலம் தினமும் தனித்தனியே வழங்குவது நடைமுறை சாத்தியமற்றது என்றும், எனினும் நகர்மன்ற முத்திரையிட்டு ஒரு காகிதத்தில் தனித்தனியாகவும், கணினி மூலம் மொத்தமாகவும் தினமும் ஒப்புதல் சீட்டு வழங்கப்படும் என்றும் தெரிவித்தார்.

அவரது கருத்துக்களால் மனநிறைவடைந்த இறைச்சிக்கடை வணிகர்கள் தமது பணம் செலுத்தா போராட்ட அறிவிப்பை திரும்பப் பெற்றுக்கொள்வதாக தெரிவித்தனர்.

நகர்மன்ற அலுவலகத்திலுள்ள தற்காலிக அறுப்பிடம் மிகுந்த சுகாதாரக் கேட்டுடன் காணப்பட்டது. அறுக்கப்பட்ட பிராணிகளின் இரத்தங்கள் அறுத்த இடத்திலேயே உறைந்து துர்வாடையுடன் காணப்பட்டது. சுத்தப்படுத்துவதற்குத் தேவையான ப்ளீச்சிங் பவுடர் தேவைக்கேற்ப இல்லாமலும், சுண்ணாம்பு முற்றிலும் இல்லாமலும் இருந்தன.

இதுகுறித்து நகர்மன்ற அலுவலர்களிடம் வினவுகையில், அவற்றை வாங்குவதற்கான ஏற்பாடுகள் ஏற்கனவே செய்யப்பட்டுவிட்டதாகவும், ஓரிரு தினங்களில் அவை நகர்மன்ற அலுவலகத்திற்கு வந்தடையும் என்றும் தெரிவித்தனர்.

{TAGS} mutton blood dipot municipality

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Disgusting
posted by Ahamed mustafa (Dubai) [28 January 2011]
IP: 92.*.*.*

United Arab Emirates | Comment Reference Number: 2428

I & the general public won't think or compromise such situations, remains of the meat and blood which can prove a major health hazard. The answer by the municipality as to lack of sufficient cleaners is not a matured reply, given the situation. It should be the other way round. The butchers want a clean space, but the municipality won't.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. பொறுத்தமான பதில் இல்லை.
posted by N.S.E. மஹ்மூது (Kayalpatnam) [28 January 2011]
IP: 115.*.*.*

India | Comment Reference Number: 2431

அஸ்ஸலாமு அலைக்கும் (வரஹ்).

தனி அறுப்பிடம் துவக்க கால தாமதம் ஆகும் என்றும், இன்ஷா அல்லாஹ் வரும் மார்ச் மாத இறுதிக்குள் அது துவக்கி வைக்கப்படும் என்று உறுதி கூறி இருப்பது வரவேற்கத்தக்கது.
--------------------------------------
"நகர்மன்ற அலுவலகத்தில் பணியாட்கள் குறைவாக உள்ளதால் தினமும் அறுப்பிடத்தை சுத்தம் செய்யவியலவில்லை எனவும், எனினும் பொதுமக்கள் நலன் கருதி இனி இயன்றளவுக்கு தினமும் சுத்தம் செய்வதற்கான முயற்சிகள் மேற்கொள்ளப்படும் என்றும் " கூறி இருப்பது பொறுத்தமான பதில் இல்லை.

பணியாட்கள் பற்றாக்குறை என்றால் தற்காலிகமாக தினக்கூலிக்கு வேலையாட்களை நியமித்து சுத்தம் செய்ய வேண்டும் தவிர "பொதுமக்கள் நலன் கருதி இனி இயன்றளவுக்கு தினமும் சுத்தம் செய்வதற்கான முயற்சிகள் மேற்கொள்ளப்படும் என்று கூறுவது எந்த வகையிலும் ஏற்றுக் கொள்ளப்படக்கூடிய பதில் அல்ல.
--------------------------------------
" நகர்மன்ற அலுவலகத்திலுள்ள தற்காலிக அறுப்பிடம் மிகுந்த சுகாதாரக் கேட்டுடன் காணப்பட்டது. அறுக்கப்பட்ட பிராணிகளின் இரத்தங்கள் அறுத்த இடத்திலேயே உறைந்து துர்வாடையுடன் காணப்பட்டது. சுத்தப்படுத்துவதற்குத் தேவையான ப்ளீச்சிங் பவுடர் தேவைக்கேற்ப இல்லாமலும், சுண்ணாம்பு முற்றிலும் இல்லாமலும் இருந்தன."

இப்படி நகர்மன்ற அலுவலகத்தின் பார்வையின் கீழ் செயல்படும் அதுவும் நகர்மன்ற வளாகத்திலேயே இயங்கிக்கொண்டிருக்கும் இந்த தற்காலிக அறுப்பிடம் சுகாதாரமின்றி செயல்பட்டால் பொதுமக்கள் யாரிடம் போய் சுகாதாரத்தை பற்றி கேட்க முடியும்?
---------------------------------------
நகர்மன்ற உறுப்பினர்களே!
பொது மக்களின் சுகாதாரகேட்டிற்கு வழி வகுக்காமல் , சுகாதார வாழ்விற்கு வேண்டியதை அவசியம் செய்யுங்கள். வஸ்ஸலாம்.
Moderator's note: message edited.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. என்னத்தை சொல்ல!!.
posted by சாளை.ஜியாவுதீன் (அல்கோபார்) [29 January 2011]
IP: 77.*.*.*

Saudi Arabia | Comment Reference Number: 2439

என்னத்தை சொல்ல!! நாங்கள் படிக்கும் போது L.K.SCHOOL (தாமரை ஸ்கூல்) பின்னாடிதான் இந்த டெப்போ இருந்தது. ஐந்து வருடங்கள் கூவம் நதிக்கரையில் படித்த அனுபவம்.

பின்பு ஒருமுறை என்னமோ பல்குத்தி பல்குத்தி என்று சொல்லுவார்களே அது வாங்க டெப்போ சென்று பார்த்தபோது, என்னுடைய பல்குத்தி வாய்வழியாக வந்துவிடும் அளவிற்கு சுகாதாரம் இருந்தது. அங்கு அவர்கள் பண்ணுகிற பந்தாவா ("நான் பல்குத்தி வாங்கிய கதை" என்று ஒரு பதிவே போடலாம்.. அவ்வளவு அனுபவம்).

முக்கியமான இடமாகிய இங்கு சுகாதாரம் பேணாமல், ஊரில் அந்த நோய் அதிகம், இந்த நோய் அதிகம், அதற்க்கு விழிப்புணர்வு, இதற்க்கு விழிப்புணர்வு என்று சொல்லுவது வடிவேலு பாணி இல் சின்னபுள்ள தனமாக அல்லவா உள்ளது. முதலில் யாருக்கு விழிப்புணர்வு கொடுக்கனும்!!..சொல்லுங்க?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்