{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் வாவு வஜீஹா வனிதையர் கல்லூரியின் அனுசரணையுடன், சென்னை கண்ணாடி வாப்பா ஹமீதிய்யா அரபிக்கல்லூரி, அல்ஹாஜ் பி.எஸ்.ஏ.அப்துர்ரஹ்மான் இணைந்து நடத்தும் புனித கிராஅத்துல் குர்ஆன் போட்டி இம்மாதம் 14ஆம் தேதி முதல் 17ஆம் தேதி வரை காயல்பட்டினம் வாவு வஜீஹா வனிதையர் கல்லூரி கேளரங்கில் விமரிசையாக நடத்தப்பட்டு வருகிறது.

இந்நிகழ்வில், இ.டி.ஏ.ஸ்டார் குழும நிர்வாக இயக்குனர் அல்ஹாஜ் செய்யித் எம்.ஸலாஹுத்தீன், காயல்பட்டினம் நகர்மன்றத் தலைவரும், வாவு வஜீஹா வனிதையர் கல்லூரியின் நிறுவனர் தலைவருமான ஹாஜி வாவு செய்யித் அப்துர்ரஹ்மான் மற்றும் தமிழகத்தின் தலைசிறந்த காரீகள், மார்க்க அறிஞர்கள் சங்கமிக்கின்றனர். இந்நிகழ்வுகளுக்கான ஏற்பாடுகளை மூன் டிவி உலமாக்கள் குழுவினர் செய்துள்ளனர்.

காயல்பட்டினம் பொதுமக்கள் இந்நிகழ்வுகளில் கலந்துகொள்ளும் பொருட்டு, போட்டி நடைபெறும் தினங்களில் தினமும் காலை 09.30 மணிக்கு காயல்பட்டினம் இளைஞர் ஐக்கிய முன்னணி, ஜலாலிய்யா நிக்காஹ் மஜ்லிஸ் மற்றும் பேருந்து நிலையம் ஆகிய பகுதிகளிலிருந்து வாவு வஜீஹா கல்லூரியின் வாகனங்கள் பொதுமக்களை ஏற்றிச் செல்வதற்காக ஏற்பாடு செய்யப்பட்டுள்ளதாக அக்கல்லூரி நிர்வாகத்தின் சார்பில் தெரிவிக்கப்பட்டுள்ளது.