{ முகநூல் கருத்துக்கள்}{ட்விட்டர் கருத்துக்கள்}

இறைத்தூதர் முஹம்மத் ஸல்லல்லாஹு அலைஹி வஸல்லம் அவர்கள் இறையழைப்பை ஏற்று விண்ணுலகப் பயணம் மேற்கொண்டதை நினைவுகூரும் வகையில் ஆண்டுதோறும் ரஜப் மாதம் 27ஆம் நாளில் காயல்பட்டினத்தில் பல்வேறு நிகழ்ச்சிகள் நடத்தப்படுவது வழமை.

அந்த அடிப்படையில், நேற்றிரவு காயல்பட்டினம் மன்பஉல் பரக்காத் சங்கம் மற்றும் ரிஜ்வான் சங்கம் சார்பில் தனித்தனியே நிகழ்ச்சிகள் நடத்தப்பட்டுள்ளன.

காயல்பட்டினம் சித்தன் தெரு - நெய்னார் தெரு சந்திப்பில், அல்ஜாமிஉஸ் ஸகீர் - சிறிய குத்பா பள்ளியையடுத்து அமைந்துள்ள மன்பஉல் பரக்காத் சங்க வளாகத்தில், மிஃராஜ் தினத்தை முன்னிட்டு நேற்றிரவு 08.00 மணிக்கு சிறப்பு சொற்பொழிவு நடைபெற்றது.

காயல்பட்டினம் மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் எஸ்.செய்யித் அப்துர்ரஹ்மான் தங்ஙள் பாக்கவீ ஃபாழில் அஹ்ஸனீ உரையாற்றினார். இந்நிகழ்வில் திரளான பொதுமக்கள் கலந்துகொண்டனர்.

காயல்பட்டினம் புதுப்பள்ளி சதுக்கையில் அமைந்துள்ள ரிஜ்வான் சங்கம் சார்பில், பாளையம் மஹ்மூத் சுலைமான் லெப்பை ஆலிம் திடலில் (புதுப்பள்ளி சதுக்கையில்) நேற்று மிஃராஜ் சிறப்பு நிகழ்ச்சிகள் நடைபெற்றன.

அன்று மாலை 04.30 மணிக்கு மிஃராஜ் மவ்லித் ஓதப்பட்டது. இரவு 08.00 மணிக்கு, “வேந்தர் நபியின் விண்ணுலகப் பயணம்” என்ற தலைப்பில், காயல்பட்டினம் மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் எஸ்.எஸ்.எம்.எம்.யாஸர் அரஃபாத் மஹ்ழரீ உரையாற்றினார்.



காயல்பட்டினம் ஷெய்கு ஸலாஹுத்தீன் பள்ளி என்ற மேலப்பள்ளியின் இமாம் ஹாஃபிழ் செய்யித் நூஹ் துஆவுடன் நிகழ்ச்சி நிறைவுற்றது. நிகழ்ச்சியில் நகரின் அனைத்துப் பகுதிகளிலிருந்தும் திரளான பொதுமக்கள் கலந்துகொண்டனர். அனைவருக்கும் நேர்ச்சை வழங்கப்பட்டது.



படம்:
M.U.முஹம்மத் இம்ரான் (ஹாங்காங்),
தைக்கா தெரு, காயல்பட்டினம்.