{ முகநூல் கருத்துக்கள்}{ட்விட்டர் கருத்துக்கள்}

இந்திய ஹஜ் குழு மூலம் இவ்வருடம் ஹஜ் பயணம் மேற்கொள்வோருக்கு சிம் கார்டு வழங்கப்படும் என ஜித்தாவில் உள்ள இந்திய தூதர் பாயிஸ் அஹ்மத் கித்வாய் தெரிவித்துள்ளார். இது குறித்து டைம்ஸ் ஆஃப் இந்தியா பத்திரிக்கைக்கு அவர் அளித்துள்ள பேட்டி ஒன்றில் கூறியிருப்பதாவது:-

இந்தியாவில் இருந்து ஹஜ் பயணம் மேற்கொள்ளும் பலரிடம் அவசர காலங்களில் பயன்படுத்தவேண்டிய தொலைபேசி எண்கள் பொதுவாக இருப்பதில்லை. இதனை கடந்த ஆண்டு அனுபவங்கள் மூலம் அறிந்துக்கொண்டோம். அதன் பின்னணியில் இந்திய ஹஜ் பயணியருக்கு - மிகக்குறைந்த கட்டணத்தில் சிம் கார்ட், அவர்கள் விமான நிலையத்தில் இறங்கும்போதே வழங்கப்படும். அந்த சிம் கார்டில், தூதரக எண்கள் உட்பட முக்கிய எண்கள் முன்னரே பதிவு செய்யப்பட்டிருக்கும். மொத்தமாக இந்த சிம் கார்டுகளை கொள்முதல் செய்ய வேலைகள் நடந்து வருகின்றன.

இவ்வாறு அவர் தெரிவித்தார்.

மேலும் ஹஜ் பயணிகளுக்கு டெபிட் கார்ட் வழங்கவும் முயற்சிகள் நடப்பதாக அச்செய்தி தெரிவிக்கிறது.

தகவல்:
டைம்ஸ் ஆஃப் இந்தியா