{ முகநூல் கருத்துக்கள்}{ட்விட்டர் கருத்துக்கள்}

இஸ்லாமிய தமிழிலக்கிய 15ஆவது மாநாடு வரும் ஜூலை மாதம் 08,09,10 தேதிகளில் காயல்பட்டினத்தில் நடைபெறவிருக்கிறது.

இம்மாநாட்டிற்கான ஏற்பாடுகளை குறித்த நேரத்தில் சரிவர செய்து முடிக்கும் பொருட்டு பல்வேறு குழுக்கள் பிரிக்கப்பட்டுள்ளன. அக்குழுக்களின் கலந்தாலோசனைக் கூட்டங்கள், காயல்பட்டினம் பிரதான வீதியிலுள்ள மாநாட்டு அலுவலகமான செய்யித் இப்றாஹீம் ஆலிம் கட்டிடத்தில் அவ்வப்போது நடைபெற்று வருகிறது.

25.06.2011 அன்று இரவு 07.30 மணிக்கு, அனைத்துக் குழுக்களின் தலைவர்கள் கலந்தாலோசனைக் கூட்டம், மாநாட்டு ஏற்பாட்டுக் குழு தலைவர் ஹாஜி எம்.எம்.உவைஸ் தலைமையில், மாநாட்டு அலுவலகத்தில் நடைபெற்றது.



ஹாஃபிழ் எஸ்.கே.ஸாலிஹ் கிராஅத் ஓதி கூட்டத்தைத் துவக்கி வைத்தார். ஹாஜி வாவு கே.எஸ்.முஹம்மத் நாஸர் அனைவரையும் வரவேற்றுப் பேசினார்.

நடைபெறவிருக்கும் மாநாட்டை விளம்பரப்படுத்துவதற்காக, மாநாட்டு தகவல் தொடர்பு மற்றும் ஊடகத் துறை சார்பில் ஆயத்தம் செய்யப்பட்டுள்ள ஒரு நிமிட அளவிலான விளம்பரம் ஒன்று, அரை நிமிட அளவிலான விளம்பரம் ஒன்று என இரண்டு அசைபட விளம்பரங்களை (வீடியோ விளம்பரம்) அதன் தலைவர் ஹாஜி வாவு எம்.எம்.மொஹுதஸீம் வெளியிட்டு, அனைவருக்கும் திரையிட்டுக் காண்பித்தார்.



இவ்விளம்பரங்களை,
தூத்துக்குடியில் கிருஷ்ணா டிவியிலும்,
ஏரல், பழையகாயல் பகுதிகளில் கிருஷ்ணா டிவியிலும்,
காயல்பட்டினம் முதல் முக்காணி வரை எஸ்.டி.வி., மீடியா டிவியிலும்,
உடன்குடி, நாலுமாவடி, காயாமொழி, குலசேகரன்பட்டினம், வள்ளியூர், ஆழ்வார் திருநகரி, குரும்பூர், புறையூர் பகுதிகளில் வாணி டிவியிலும்,

சாத்தான்குளத்தில் மூன் டிவியிலும்,
ஸ்ரீவைகுண்டம், ஆறாம்பண்ணை பகுதிகளில் நிலா டிவியிலும்,
கடையநல்லூரில் கே.சி.என். டிவியிலும்,
தென்காசி, செங்கோட்டையில் சுபாஷ் டிவியிலும்,
புளியங்குடியில் அன்பு டிவியிலும்,

சங்கரன்கோவிலில் ஜாஸ் டிவியிலும்,
திருநெல்வேலி, மேலப்பாளையத்தில் அபி டிவியிலும்,
நாகர்கோவில், கன்னியாகுமரியில் இஸ்லாமிக் டிவியிலும்,
கீழக்கரையில் கீழை டிவியிலும்,
ராமநாதபுரத்தில் அபர்ணா டிவியிலும்
ஒளிபரப்பப்படவுள்ளதாகவும் ஹாஜி வாவு மொஹுதஸீம் தெரிவித்தார். துஆவுடன் கூட்டம் நிறைவுற்றது.

வெளியிடப்பட்ட வீடியோ விளம்பரத்தை, http://www.youtube.com/watch?v=AdnqPR2DYbU என்ற இணைப்பில் சொடுக்கி பார்க்கலாம்.