{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃப் ஸபையின் 84ஆம் ஆண்டு நிகழ்வுகள் 04.06.2011 முதல், 03.07.2011 வரை நடைபெறுகிறது.

இருபத்து ஏழாம் நாளான நேற்று, (30.06.2011) ஓதப்பட்ட நபிமொழிகளுக்கான விளக்கவுரை மற்றும் இறைத்தூதர் ஸல்லல்லாஹு அலைஹி வஸல்லம் அவர்களின் மிஃராஜ் விண்ணுலகப் பயணம் குறித்த தொகுப்புரையை, காயல்பட்டினம் மஹ்ழரா அரபிக்கல்லூரியின் முதல்வர் மவ்லவீ எஸ்.எஸ்.கலந்தர் மஸ்தான் ரஹ்மானீ வழங்கினார்.

நேற்றிரவு மஃரிப் தொழுகைக்குப் பின், புகாரிஷ் ஷரீஃப் சபையை உருவாக்கிய வாக்கிஃபீன்களுக்காக கத்முல் குர்ஆன் ஓதி ஈஸால் தவாப் செய்யப்பட்டது. அத்துடன், இமாம் ஷாஃபீஈ ரஹ்மத்துல்லாஹி அலைஹி, இமாம் முஸ்லிம் ரஹ்மத்துல்லாஹி அலைஹி ஆகியோர் புகழ்பாடும் மர்ழிய்யாவும் ஓதப்பட்டது. இந்நிகழ்வுகளுக்கு காயல்பட்டினம் குருவித்துறைப் பள்ளியின் முன்னாள் இமாம் டி.எம்.கே.ஷெய்கு அப்துல்லாஹ் ஆலிம் தலைமை தாங்கினார். மவ்லவீ ஹாஃபிழ் மக்கீ ஹாமித் லெப்பை ஃபாஸீ துஆ ஓதி நிகழ்ச்சியை நிறைவு செய்தார்.

இன்று ஓதப்படும் நபிமொழிகளுக்கான விளக்கவுரையை, காயல்பட்டினம் ஹாமிதிய்யா திருக்குர்ஆன் ஹிஃப்ழு மத்ரஸாவின் முதன்மைப் பேராசிரியர் மவ்லவீ ஹாஃபிழ் அபூக்கர் சித்தீக் மிஸ்பாஹீ வழங்குகிறார்.

அவரைத் தொடர்ந்து, இமாம் புகாரீ ரஹ்மத்துல்லாஹி அலைஹி அவர்களின் வாழ்க்கைச் சரித உரையை, மவ்லவீ ஹாஃபிழ் எம்.எம்.சுலைமான் லெப்பை மஹ்ழரீ வழங்குகிறார்.

தினமும் காலை 09.15 மணிக்கு நடைபெறும் மார்க்க சொற்பொழிவுகள் மற்றும் இறுதிநாள் நிகழ்ச்சிகள் அனைத்தும் வலைதளத்தில் நேரடி ஒலிபரப்பு செய்வதற்கான ஏற்பாடுகள் செய்யப்பட்டுள்ளன. நேரடி ஒலிபரப்பை, http://www.bukhari-shareef.com/eng/live/ என்ற இணைப்பில் சொடுக்கி செவியுறலாம்.

http://bukhari-shareef.com/eng/audio/1/detail.html என்ற இணைப்பை சொடுக்கி, இவ்வாண்டின் பதிவுசெய்யப்பட்ட உரைகளைச் செவியுறவும், பதிவிறக்கம் செய்திடவும் செய்யலாம்.

தகவல்:
M.N.செய்யித் அஹ்மத் புகாரீ
மற்றும்
ஜாஃபர் சுலைமான்
காயல்பட்டினம்.