{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறை மூலம் காயலர்களை ஒருங்கிணைக்கும் வி-யுனைட்டெட் ஸ்போர்ட்ஸ் க்ளப் சார்பில் ஆண்டுதோறும் க்ரிக்கெட், கால்பந்து மற்றும் கைப்பந்து உள்ளிட்ட போட்டிகளடங்கிய சுற்றுப்போட்டிகள் காயல் ப்ரீமியர் லீக் என்ற பெயரில் நடத்தப்பட்டு வருகிறது.

அதன் சார்பில் நடத்தப்படவுள்ள காயல் ப்ரீமியர் லீக் கைப்பந்து சுற்றுப்போட்டியில் பங்கேற்க விரும்பும் வீரர்களுக்கு அழைப்பு விடுத்து, வி-யுனைட்டெட் ஸ்போர்ட்ஸ் க்ளப் நிறுவனர் அலீ ஃபைஸல் வெளியிட்டுள்ள அறிக்கை பின்வருமாறு:-



அன்பின் காயல்பட்டினம் நகரின் கைப்பந்து விளையாட்டு வீரர்களுக்கு அஸ்ஸலாமு அலைக்கும் வரஹ்...

காயல்பட்டினத்தில் விளையாட்டுத் துறை மூலம் மக்களிடையே ஒற்றுமையை வளர்க்கவும், நகர விளையாட்டு வீரர்களிடமுள்ள ஆட்டத்திறனுக்கு மெருகேற்றும் நோக்கோடும், இறையருளால் நமது வி-யுனைட்டெட் ஸ்போர்ட்ஸ் க்ளப் சார்பில் கடந்த மூன்றாண்டுகளாக, கால்பந்து, க்ரிக்கெட், கைப்பந்து சுற்றுப்போட்டிகள், ஐக்கிய விளையாட்டு சங்கம் (யு.எஸ்.ஸி.), காயல் ஸ்போர்ட்டிங் க்ளப் (கே.எஸ்.ஸி.), இளைஞர் ஐக்கிய முன்னணி (ஒய்.யு.எஃப்.), வள்ளல் சீதக்காதி நினைவு நூலக மைதானம் மற்றும் முன்னாள் - இந்நாள் விளையாட்டு வீரர்கள், ஆர்வலர்களின் ஒத்துழைப்புடன் நடத்தப்பட்டு வருகிறது.

இன்ஷாஅல்லாஹ் இவ்வாண்டு நோன்புப் பெருநாளையடுத்த மறுநாளில், நமது வி-யுனைட்டெட் ஸ்போர்ட்ஸ் க்ளப் சார்பில் காயல் ப்ரீமியர் லீக் கைப்பந்து சுற்றுப்போட்டி இரண்டாமாண்டாக நடத்த திட்டமிடப்பட்டுள்ளது.

இப்போட்டியில் பங்குகொள்ள விரும்பும் வீரர்கள் எதிர்வரும் 25.08.2011 தேதிக்குள் நமதூர் தைக்கா பஜாரிலுள்ள அல்தாஃப் எண்டர்ப்ரைசஸ் நிறுவனத்தில் பெயர் பதிவு செய்து, உங்கள் பங்கேற்பை உறுதி செய்துகொள்ளுமாறு கேட்டுக்கொள்ளப்படுகிறீர்கள்.

இவ்வாறு, வி-யுனைட்டெட் ஸ்போர்ட்ஸ் க்ளப் நிறுவனர் அலீ ஃபைஸல் தனதறிக்கையில் தெரிவித்துள்ளார்.

தகவல்:
வி-யுனைட்டெட் ஸ்போர்ட்ஸ் க்ளப் சார்பாக,
S.R.B.ஜஹாங்கீர்,
அல்தாஃப் எண்டர்ப்ரைசஸ், தைக்கா பஜார், காயல்பட்டினம்.