{ முகநூல் கருத்துக்கள்}{ட்விட்டர் கருத்துக்கள்}

மழைநீர் சேகரிப்பு வரைபடம் இல்லாமல் கட்டட அனுமதி பெற முடியாது என்று சட்டசபையில் முதல்வர் ஜெயலலிதா அறிவித்தார். அதற்கான அரசாணை மீண்டும் பிறப்பிக்கப்படும் என்றும் அவர் தெரிவித்தார்.

சட்டப் பேரவையில் வியாழக்கிழமை நடைபெற்ற நகராட்சி நிர்வாகம், குடிநீர் வழங்கல், ஊரக வளர்ச்சி, உள்ளாட்சித் துறை மானியக் கோரிக்கை விவாதத்தின்போது அவர் வெளியிட்ட அறிவிப்பு: 2001 - 2006 அதிமுக ஆட்சியில் மழைநீர் சேகரிப்புத் திட்டம் செயல்படுத்தப்பட்டது. புதிதாக கட்டடம் கட்ட வேண்டுமானால் அதற்கான வரைபடத்தில் மழைநீர் சேகரிப்பு வரைபடம் இருந்தால் மட்டுமே அனுமதி கொடுக்கும் வகையில் அராசணை பிறப்பிக்கப்பட்டது.

2006இல் ஆட்சிக்கு வந்த திமுக அரசு இந்த அரசாணையை செயல்படுத்தாமல் கிடப்பில் போட்டுவிட்டது. இனி தமிழகத்தில் எந்த கட்டடம் கட்டினாலும் அதற்கான வரைபடத்தில் மழைநீர் சேகரிப்புக்கான வரைபடம் இருந்தால் மட்டுமே கட்டட அனுமதி வழங்கப்படும். அதற்கான அரசாணை மீண்டும் பிறப்பிக்கப்படும் என்றார் முதல்வர் ஜெயலலிதா.

நன்றி:
தினமணி (19.08.2011)