Kayal on the Web

செய்திகள்

செய்தி எண் (ID #) 9464

#KOTW9464

வெள்ளி, அக்டோபர் 26, 2012

சுலைமான் நகரில் முன்னனுமதி பெறாமல் புதிய குடிநீர் இணைப்பு பெற முயற்சி! முறையீட்டிற்குப் பின் நடவடிக்கை!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2600 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சுலைமான் நகர் என்ற மாட்டுக்குளத்தில் முதல் தெருவிலுள்ள ஒரு வீட்டில் இன்று காலை 10.00 மணியவில், நகராட்சியின் முன்னனுமதி எதுவும் பெறாத நிலையில் புதிய குடிநீர் இணைப்பு கொடுப்பதற்காக பள்ளம் தோண்டப்பட்டுக் கொண்டிருந்தது.

பின்னர், அப்பகுதியை உள்ளடக்கிய 08ஆவது வார்டு உறுப்பினர் எம்.எம்.டி.பீவி ஃபாத்திமா, நகராட்சியில் முறையிட்டதையடுத்து, அங்கு வந்த நகராட்சி குடிநீர் வினியோகக் குழாய் பொருத்துநர் நிஸார், உடனடியாக அக்குழியை மூடுமாறும், அனுமதி பெறாமல் எந்த இணைப்பும் கொடுக்கக் கூடாது என்றும் உத்தரவிட்டதையடுத்து, பணிகள் நிறைவேற்றப்படாமல் பள்ளம் மூடப்பட்டது.

பின்னர் நம்மிடம் பேசிய பொருத்துநர், அனுமதியின்றி குடிநீர் இணைப்பிற்காக பள்ளம் தோண்டப்படுவது தனக்குத் தெரியாது என்றும், தகவல் கிடைத்தவுடன் அங்கு வந்து பார்த்து மேல் நடவடிக்கை மேற்கொண்டதாகவும் தெரிவித்தார்.

{TAGS} sulaiman nagar ward 08 08th ward m.m.t.beevi fathima new water connection without permission municipality

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. தண்ணித் தொட்டி தேடி வந்த கன்னுக்குட்டி நான்...!
posted by M.N.L.முஹம்மது ரபீக். (புனித மக்கா.) [26 October 2012]
IP: 176.*.*.*

Saudi Arabia | Comment Reference Number: 23119

அப்ப யார் வேணாலும் தோண்டலாம்...! தீண்டுறதுக்கு ஆளில்லைன்ன...நோண்டிக்கிட்டுதான் இருப்பீங்க...! பள்ளத்தை தான் சொன்னேன்...! குடிநீர்க் குழாய் பொருத்துவது ஃபிட்டர் தானே? அவருக்குத் தெரியாமல் பட்டப் பகல்லெ பள்ளமும் தோண்டி பைப் லைனுக்கு கள்ளத்தனமா கனெக்‌ஷன் கொடுக்குற அந்த மாகா தைரியசாலி யாரப்பா...? பின் பலமின்றி இவ்வளவு துனிச்சல் அவருக்கு எப்படி வரும்? எல்லாம் மர்மமாகவே உள்ளது. சமயத்தில் அதிகாரி வந்ததால் இது தடுக்கப்பட்டது. இல்லை எனில் தாராள மயமாக்குதல் கொள்கைதான்...! -ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by PMA.MOHIADEEN (kayalpatnam) [27 October 2012]
IP: 117.*.*.*

India | Comment Reference Number: 23137

கள்ளத்தனமாக பைப் லைன் போடும்போது பிட்டருக்கு தெரியாமல் போடா முடியாது. வார்டு மெம்பருக்கு தெரிந்து விட்டதால் பிட்டர் நல்லவர் ஆகி விட்டார்.

Moderator: Comment edited!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. நிர்வாகமே! குற்றம் புரிந்தவர் மீது நடவடிக்கை எடுப்பீர்களா ?.
posted by N.S.E. மஹ்மூது ( காயல்பட்டணம் ) [27 October 2012]
IP: 117.*.*.*

India | Comment Reference Number: 23156

அஸ்ஸலாமு அலைக்கும் (வரஹ்).

கள்ளத் தனமாக குடிநீர் இணைப்புக் கொடுக்க முயன்றது தடுக்கப்பட்டிருக்கிறது - இது மக்களின் விழிப்புணர்வுக்கு ஒரு சான்று.

இது போன்று மக்கள் எல்லா நேரமும் விழிப்புணர்வுடன் இருந்தால் - மக்களும், மன்றமும் ஏமாற்றப்படுவதிலிருந்து தப்பிக்கலாம்.
---------------------------------
மக்களே!

நமது நகராட்சியில் அதிகாரப்பூர்வமாக 8200 குடிநீர் இணைப்புகள் கொடுத்திருக்கிறார்கள். ஆனால் சுமார் 4000 குடிநீர் இணைப்புகள் அதிகாரப்பூர்வமற்றதாக கொடுக்கப்பட்டு இருக்கிறது என்பது பெரும்பாலான மக்களின் நம்பிக்கை. இந்த நம்பிக்கை உறுதியாக இருக்கக்கூடும் என்பதற்கு இந்த நிகழ்வே ஓர் எடுத்துக்காட்டு.

நகராட்சி அதிகாரியின் உத்தரவின்றி இணைப்பு கொடுப்பதற்காக குழி தோண்டினால் எத்தனை ரூபாய் அபராதம் விதிக்கப்படும் மேலும் எத்தனை மாதம் சிறை தண்டனை கிடைக்கும் என்பது தோண்டியவருக்கு தெரியாமல் இருக்க வாய்ப்பில்லை.

தெரிந்தும் அவர் குடிநீர் இணைப்பிற்காக தோண்டினார் என்றால் இது கூட்டு சதியாகவேதான் இருக்கும். எனவே இது போன்று அவர் எத்தனை குழிகள் தோண்டினார் என்பதை நகராட்சி நிர்வாகம் விசாரித்து , அனைத்து முறையற்ற குடிநீர் இணைப்புகளையும் துண்டிக்க வேண்டும். மேலும் இதற்கு உடந்தையாக இருந்த அனைவரும் தண்டிக்கப்பட வேண்டும்.
---------------------------------------
உடனடியாக அந்த குழியை மூடுமாறும் , அனுமதி பெறாமல் எந்த இணைப்பும் கொடுக்கக் கூடாது என்றும் உத்தரவிட்டால் மட்டும் போதாது. அந்த தவறை செய்தவர் மீது நடவடிக்கையும் எடுக்கப்பட வேண்டும். நடவடிக்கை எடுக்கவில்லை என்றால் அதற்கு நகராட்சி நிர்வாகத்தினரும் உடந்தை என்பதே தீர்ப்பாகும்.

நகராட்சி நிர்வாகமே! குற்றம் புரிந்தவர்கள் மீது நடவடிக்கை எடுத்து , தண்டிப்பீர்களா ?.

வஸ்ஸலாம்.