காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜிதில் விரைவில் நடைபெறவுள்ள நிர்வாகக் குழு தேர்தல் மற்றும் அப்பள்ளியின் கட்டிட விரிவாக்கப் பணிகள் தொடர்பான சிறப்பு நிகழ்ச்சி, இன்றிரவு 08.00 மணிக்கு - காயல்பட்டினம் இத்திஹாதுல் இக்வானில் முஸ்லிமீன் - இஸ்லாமிய சகோதரத்துவ இணையம் (ஐ.ஐ.எம்.) அரங்கில் நடைபெறுகிறது.

இந்நிகழ்ச்சியில், பள்ளியின் நிர்வாகக் குழு தேர்தல் மற்றும் பள்ளி விரிவாக்க கட்டிடப் பணி தொடர்பான - அவதூற்றுப் பரப்புரைகளுக்கும், ஜமாஅத்தாரின் சந்தேகங்களுக்கும் பள்ளி நிர்வாகத்தின் சார்பில் விளக்கமளிக்கப்படவுள்ளதாகவும்,

இந்நிகழ்ச்சி, ஐ.ஐ.எம். டிவியிலும், http://www.ustream.tv/channel/iim-kayalpatnam-ramadhan-bayans என்ற இணையதள பக்கத்திலும் நேரலை செய்யப்படும் என்றும், நேரலை செய்யப்படும்போது மின்தடை ஏற்படுமாயின், முன்னறிவிப்புடன் வேறொரு நேரத்தில் மறு ஒளிபரப்பு செய்யப்படும் என்றும் பள்ளி நிர்வாகத்தின் சார்பில் தெரிவிக்கப்பட்டுள்ளது.

தகவல்:
S.அப்துல் வாஹித்