IP: 205.*.*.* United States

குழந்தைகள் தினத்தை முன்னிட்டு எல்.கே. மெட்ரிக் பள்ளியில் புத்தக கண்காட்சி - நல்லதொரு ஏற்பாடு. மாணவர்கள் மத்தியில் புத்தகம் படிக்கும் பழக்கத்தை அதிகப்படுத்த வேண்டும். மேலை நாடுகளில் & நம் நாட்டின் நகர்ப்புறங்களில் வசிக்கும் பெற்றோர்கள்... இது போன்ற புத்தகங்களை பிள்ளைகள் வாங்கி படிப்பதட்க்காக ஒவ்வொரும் மாதமும் ஒரு சிறிய தொகையினை ஒதுக்கி இதற்காக செலவிடுகின்றார்கள். ஆனால் நாம்... கேபிள் டிவி, செல் போன் சினிமா போன்றவைகளுக்குத்தான் தொகையினை ஒதுக்குகின்றோம்.

நமக்கெல்லாம் நூலகமென்றால் அல்லது புத்தகம் படிப்பதென்றால் ஏதோ பாகற்க்காய் போல் கசக்கின்றது. ஆனால் இங்கே உள்ள நூலகங்களில் கூட்டம் அலைமோதுகின்றது... அதிலும் குறிப்பாக சீனாக்காரர்கள் !

மாணவர்களை ஊக்குவிக்கும் வண்ணம் இது போன்ற கண்காட்சிகள் ஒவ்வொரு பள்ளிக்கூடத்திலும் நடத்துவதோடு மற்றுமன்றி புத்தக வாசிப்பில் ஈடுபாடு கொண்ட சமூக ஆர்வலர்கள் & தன்னார்வ அமைப்புகள் இது விசயத்தில் சமூக விழிப்புணர்வை தொடர்ந்து ஏற்படுத்தி கொண்டிருக்கவேண்டும்

IP: 176.*.*.* Saudi Arabia

எழுத்தறிவித்தவன் இறைவன். அந்த இறைவனின் மிகப்பெரும் அருட்கொடைகளில் ஒன்றுதான் நாம் உலக மொழிகள் யாவும்.

வெறும் சித்திரவடிலான எழுத்துக்கள் சிறுகச் சிறுக கோடுகளாகவும். புள்ளிகளாகவும், வட்டங்களாகவும் வடிவம் மாறி லிபிகளாக உருப்பெற்றது. எழுத்தில்லையேல் எதுவுமில்லை! எனும் அளவிற்கு, அதன் பயன்பாடும் தேவையும் மனித வாழ்வோடு பின்னிப்பினைந்து இரண்டரக் கலந்துவிட்டது. மொழிகள் யாவும் வெறும் ஒலிகளாக மட்டுமே இருந்திருந்தால் காப்போகிக்கில் அது தன் தன்மையை இழந்து மாண்டு மடிந்துபோயிருக்கும்.

காப்பியங்கள், காவியங்கள், இலக்கண இலக்கியங்கள், இவையாவும் ஓர் கலாச்சாரத்தின் கண்ணாடி பிம்பங்கள். அந்த பிம்பங்கள் பிரதிபளித்தது எழுத்துக்களின் வடிவில்தானே? சரித்திர சான்றுகள், செப்புப் பட்டயங்கள், எழுத்தோலைகள், என ஏராளமானவற்றச் சொல்லலாம். எனவே தாம், எண்ணும், எழுத்தும் கண் எனத் தகும் என வள்ளுவன் பறைசாற்றினான்.

இவையனைத்தும் வெறும் ஏட்டுச் சுரைக்காயைப் போல ஏட்டில் மட்டும் இருந்தால் போதாது. இதழ்கள், நூல்கள் வடிவில் உள்ளவற்றை உள் வாங்கி உணர்ந்து கொண்டு வாசித்தால் மட்டுமே நம் சமூகம் உயர்வு பெறும் என்பது ஆணித்தரமான உண்மையே! எனவே நாம்,

வாசிக்கும் பழக்கத்தை நேசிப்போம்! சுவாசிப்பை போலவே வாசிப்போம்! வாசிப்பும் சுவாசிப்பும் தொடரட்டும்! வாழ்வினில் இன்பம் படரட்டும்!

-ராபியா மணாளன்.

IP: 77.*.*.* Saudi Arabia

பாராட்டுக்கள்.. தொடர்ந்து இது மாதிரி கண்காட்சிகளை நடத்துங்கள்.

இன்றைய காலகட்டத்தில் புத்தங்கள் வாசிப்பது என்பது மாணவர்களிடம் அபூர்வமாக ஆகிவிட்டது.

ஏன் பாடப்புத்தங்களை கூட வாசிக்க ஆர்வப்படுவது இல்லை. மதிப்பெண்கள் எடுக்கனும் என்ற ஒரே குறிக்கோளுக்காக ஒவ்வொரு பாடத்திற்கும் உள்ள கைடு புக்கை வாங்கி விடுகிறார்கள். அல்லது ஒவ்வொரு கேள்விக்கும் உள்ள பதிலை கோடு போட்டு வைத்து, அந்த கோட்டை தாண்டி ஒரு வார்த்தையை கூட வாசிப்பது கிடையாது.

இந்த மாதிரி புத்தக கண்காட்சிகள் அதிகம் நடத்தி, மாணவர்களிடம் படிக்கும் திறனை ஊக்குவிக்கனும்.

ஏதோ கண்காட்சி நடத்தினோமா, மாணவர்களை அந்த புத்தத்தை வாங்கு, இந்த புத்தத்தை வாங்கு என்று சொல்லி, ஒவ்வொரு வீட்டிலும் பிரிக்கப்படாத நான்கு, ஐந்து டிக்சனரி புத்தகம் சேருவதை நிறுத்தனும்.

** ஒரு சகோதரர் அவரின் மகனை முடி வெட்டும் கடைக்கு அழைத்து வந்தார். கூட்டம் அதிகம். உடனே அங்கு இருந்த ஒரு புத்தகத்தை எடுத்து மகனிடம் கொடுத்தார்.

அவனோ.. நெருப்பை தொட்ட மாதிரி வெடுக்கென்று கீழே போட்டுவிட்டான்.

தந்தையோ "மூதி.. மூதி.. படிப்பது என்றாலே கசப்புதான்" என்று பாட்டு பாடி விட்டார். இதான் அதிக மாணவர்களின் இன்றைய நிலை.

சாளை S.I.ஜியாவுத்தீன், அல்கோபார்