{ முகநூல் கருத்துக்கள்}{ட்விட்டர் கருத்துக்கள்}

இறைத்தூதர் நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்த தினத்தை முன்னிட்டு, காயல்பட்டினம் மஹ்ழரத்துல் காதிரிய்யா சபையில், வழமை போல இவ்வாண்டும் - ரபீஉல் அவ்வல் 12ஆம் நாளான - 25.01.2013 அன்று மீலாத் விழா நடைபெறுகிறது.

அன்று மாலையில் நடைபெறும் வெளிமேடை நிகழ்ச்சியில், அல்அஸ்ரார் மாத இதழின் ஆசிரியர் மவ்லவீ ஹாஃபிழ் டி.எஸ்.ஏ.செய்யித் அபூதாஹிர் மஹ்ழரீ ஃபாழில் ஜமாலீ சீருரையாற்றவுள்ளார். அவரைத் தொடர்ந்து, இவ்விழாவில் சிறப்பு விருந்தினராகப் பங்கேற்கவுள்ள - தேரிழந்தூர் ஹமீதிய்யா கலை மற்றும் அறிவியல் கல்லூரியின் முதல்வர் முனைவர் ஷாஹுல் ஹமீத் சிறப்புரையாற்றவுள்ளார்.

இந்நிகழ்ச்சிகள் அனைத்திலும், நகர பொதுமக்கள் திரளாகக் கலந்துகொள்ளுமாறு மஹ்ழரத்துல் காதிரிய்யா சபையின் மீலாதுர்ரஸூல் கமிட்டி சார்பில் கேட்டுக்கொள்ளப்பட்டுள்ளது.

மஹ்ழரா மீலாத் விழா நிகழ்வுகள் அனைத்தும், காயல்பட்டினம் உள்ளூர் தொலைக்காட்சியான முஹ்யித்தீன் டிவியிலும், அதன் இணையதளத்திலும் நேரலை செய்யப்படவுள்ளது.