{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்டத்தில் 13 தாசில்தார்களை இடமாற்றம் செய்யப்பட்டுள்ளனர். தூத்துக்குடிக்கு பெண் தாசில்தார் நியமனம் செய்து மாவட்ட ஆட்சியர் ஆஷிஷ்குமார் உத்தரவிட்டுள்ளார்.

திருச்செந்தூர் தாசில்தாராக இருந்த சங்கரநாராயணன் கோவில்பட்டி ஆர்டிஓ நேர்முக உதவியாளராக நியமிக்கப்பட்டுள்ளார். பிற்பட்டோர் பிரிவு (கல்வி உதவித்தொகை) தாசில்தாராக இருந்து வந்த நல்லசிவன், திருச்செந்தூர் தாசில்தாராக நியமிக்கப்பட்டுள்ளார்.

தூத்துக்குடி தாசில்தாராக இருந்து வந்த கலியுகவரதன் அரசு கேபிள் டிவி தாசில்தாராக நியமிக்கப்பட்டுள்ளார். தூத்துக்குடி தாசில்தாராக ஆழ்வாரம்மாள் நியமிக்கப்பட்டுள்ளார். இவர் தூத்துக்குடி விமான நிலையத்திற்கான நிலம் கையகப்படுத்தும் பிரிவில் தாசில்தாராக இருந்து வந்தார்.

முத்திரைப் பிரிவு தாசில்தாரா இருந்த நெல்லை நாயகம் ஸ்ரீவைகுண்டம் தாசில்தாராக நியமிக்கப்பட்டுள்ளார். ஸ்ரீவைகுண்டம் தாசில்தார் மாடசாமி, தேர்தல் பிரிவு தாசில்தாராக நியமிக்கப்பட்டுள்ளார்.

தூத்துக்குடி தேர்தல் பிரிவு தாசில்தார் ராமகிருஷ்ணன் ஓட்டப்பிடாரம் தாசில்தாராக நியமிக்கப்பட்டுள்ளார். ஒட்டப்பிடாரம் தாசில்தார் ராமசுப்பரமணியன் சிப்காட் நிலம் கையகப்படுத்தும் தாசில்தாராக நியமிக்கப்ட்டுள்ளார். ஆதிதிராவிடர் கல்வி உதவித்தொகை தாசில்தாராக இருந்த ரமேஷ் கோவில்பட்டி தாசில்தாராக நியமிக்கப்ட்டுள்ளார். கோவில்பட்டி தாசில்தார் விளாத்திகுளம் சமூக பாதுகாப்பு திட்ட தாசில்தாராக நியமிக்கப்ட்டுள்ளார்.

விளாத்திகுளம் சமூக பாதுகாப்பு திட்ட தாசில்தார் செல்வகுமார், விமான நிலையத்திற்கான நிலம் கையகப்படுத்தும் பிரிவு தாசில்தாராக நியமிக்கப்பட்டுள்ளார். தூத்துக்குடி கலால்துறை அலுவலர் சுப்பையா ஆதிதிராவிடர் நலத்துறை தாசில்தாராக நியமிக்கப்பட்டுள்ளார். ஆதிதிராவிடர் நலத்துறை தாசில்தாராக இருந்த சங்கர லிங்கம் கோட்ட கலால் அலுவலக தாசில்தாராக நியமிக்கப்பட்டுள்ளார்.

தகவல்:
www.tutyonline.net