Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
2:43:12 PM
புதன் | 16 அக்டோபர் 2019 | துல்ஹஜ் 76, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5312:1015:2918:0819:18
Sunrise/Sunset timing for Kayalpatnamஉதயம்06:05Moonrise/Moonset timing for Kayalpatnamஉதயம்19:58
மறைவு18:01மறைவு07:52
Morning Twilight
வானியல்கடல்சமூகம்
04:5505:1905:44
உச்சி
12:03
Evening Twilight
சமூகம்கடல்வானியல்
18:2218:4719:11
Go to Homepage
செய்திகள்
Previous News ItemNext News Item
செய்தி எண் (ID #) 10058
#KOTW10058
Increase Font Size Decrease Font Size
திங்கள், ஐனவரி 28, 2013
“மாநில அளவில் முதலிடம் பெற்றும் பள்ளிக்கு கோப்பை தரப்படவில்லை...” கால்பந்து சாதனை மாணவர்களுக்கான பாராட்டு விழாவில் எல்.கே.மேனிலைப்பள்ளி தலைமையாசிரியர் ஆதங்கம்!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 4398 முறை பார்க்கப்பட்டுள்ளது | வாசகர் கருத்துக்கள் காண (10) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

தமிழகம் தழுவிய கால்பந்தாட்டப் போட்டியில், தன் பள்ளி மாணவர்கள் மாநில அளவில் முதலிடம் பெற்றும், பள்ளிக்கு ஒரு கேடயமோ, கோப்பையோ வழங்காதது வருத்தத்திற்குரியது என, சாதனை மாணவர்களுக்கான பாராட்டு விழாவின்போது, காயல்பட்டினம் எல்.கே.மேனிலைப்பள்ளியின் தலைமையாசிரியர் ஆதங்கம் தெரிவித்துள்ளார். இந்தியாவின் 64ஆவது குடியரசு தின விழாவையொட்டி, தமிழகம் தழுவிய அளவில் - 17 வயதுக்குட்பட்ட பள்ளி மாணவர்களுக்கான சீனியர் பிரிவு கால்பந்தாட்டப் போட்டிகள் தஞ்சாவூரில் நடைபெற்றது.

26.01.2013 மாலை 04.30 மணியளவில் நடைபெற்ற இறுதிப்போட்டியில், காயல்பட்டினம் எல்.கே. மேனிலைப்பள்ளி அணியும், திண்டுக்கல் புனித மேரி மேனிலைப்பள்ளி அணியும் மோதின. ஆட்ட நேர முடிவில் இரு அணியினரும் தலா ஒரு கோல் போட்டு சம நிலையில் இருந்தனர். இதனால் சமனுடைப்பு - டை ப்ரேக்கர் மூலம் வெற்றி தோல்வியை நிர்ணயிக்க தீர்மானிக்கப்பட்டது. இதில் எல்.கே. மேல்நிலைப்பள்ளி அணியினர் 4-2 என்ற கோல் கணக்கில் வெற்றிபெற்றது.

மாநில அளவில் கால்பந்தாட்டப் போட்டியில் முதலிடம் வென்று சரித்திர சாதனை புரிந்தமைக்காக, தம் பள்ளியின் சீனியர் பிரிவு கால்பந்து அணி வீரர்களுக்கு, பாராட்டு விழா இன்று காலை 09.15 மணியளவில், காயல்பட்டினம் எல்.கே.மேனிலைப்பள்ளி வளாகத்தில், மாணவர் ஒன்றுகூடலின்போது (அசெம்ளி) நடைபெற்றது.

பள்ளி ஆசிரியர் மவ்லவீ ஜுபைர் அலீ பாக்கவீ நிகழ்ச்சிகளை நெறிப்படுத்தினார். பள்ளி மாணவர்களின் கிராஅத், தமிழ்த்தாய் வாழ்த்தைத் தொடர்ந்து, பள்ளி தலைமையாசிரியர் எம்.ஏ.முஹம்மத் ஹனீஃபா வாழ்த்துரை வழங்கினார். அவரது உரை விபரம் வருமாறு:-





இப்பள்ளியில் நான் தலைமையாசிரியராகப் பணியாற்றி வரும் இந்த 18 ஆண்டுகளில், மிகவும் மகிழத்தக்க பல நிகழ்வுகள் நடைபெற்றுள்ளன... அதுபோல, வருந்தத்தக்க சில நிகழ்வுகளும் நடைபெற்றுள்ளன.

மகிழத்தக்க நிகழ்வுகளில், கடந்த சில ஆண்டுகளாக எம் பள்ளியின் கால்பந்து வீரர்கள் ஏராளமான வெற்றிகளைக் குவித்து சாதனைகள் புரிந்தவண்ணம் உள்ளனர். இதற்காக, சளைக்காமல் ஊக்கமளித்து வரும் எம் பள்ளியின் கண்ணியத்திற்குரிய நிர்வாகிகள், அயராது பாடுபட்டு வரும் எம் பள்ளியின் உடற்கல்வி ஆசிரியர்கள், எம் பள்ளியின் முன்னாள் மாணவர்கள் - குறிப்பாக, இம்மாணவர்களின் வெற்றிக்காக கடுமையாக உழைத்து வரும் முன்னாள் மாணவர் சதக் இப்றாஹீம் ஆகியோரையும், ஆட்டக்களங்களில் அருமையாக விளையாடி, பல வெற்றிகளைக் குவித்து வரும் எனதன்பிற்குரிய மாணவர்களையும் நான் மனமகிழ்வுடன் பாராட்டுகிறேன்...

இச்சாதனையைப் பாராட்டி, எம் பள்ளியின் தலைவர், தாளாளர் உள்ளிட்ட நிர்வாகிகள் விரைவில் சிறப்பு நிகழ்ச்சியொன்றை நடத்தி, சாதனை அணிக்கு சிறப்பு செய்யப்போவதாகத் தெரிவித்துள்ளனர்.

நான் பணி ஓய்வு பெறப்போகும் இந்த இறுதியாண்டில், எம் பள்ளி மாணவர்கள் விளையாட்டில் மாநில அளவில் முதலிடம் பெற்றதைப் போல, நடைபெறவுள்ள பத்தாம் வகுப்பு, பன்னிரண்டாம் வகுப்பு அரசுப் பொதுத்தேர்வுகளிலும் மாநில அளவில் முதலிடம் பெற்றால், அதை விட எனக்கு வேறு மகிழ்ச்சி இருக்கப்போவதில்லை. அந்த வாய்ப்பை வல்ல இறைவன் எம் பள்ளிக்கு வழங்க வேண்டும் என இந்நேரத்தில் நான் மனதார பிரார்த்திக்கிறேன்...

பள்ளி வரலாற்றிலேயே முதன்முறையாக, கால்பந்துப் போட்டியில் மாநில அளவில் முதலிடம் பெற்று எம் பள்ளி சாதனை புரிந்துள்ளதை எண்ணுகையில் மிகவும் மகிழ்ச்சியாக உள்ளது... இதற்காக அணி வீரர்களுக்கு பணப்பரிசு, பதக்கம், சான்றிதழ்களெல்லாம் வழங்கப்பட்டுள்ளது... இப்பரிசுகள் அனைத்தும் மாணவர்களுடனேயே சென்று விடும்.

அதே வேளையில், இவ்வளவு பெரிய சாதனைக்காக, பள்ளிக்கு ஒரு கோப்பையையோ, கேடயத்தையோ வழங்கியிருந்தால், அது ஆண்டாண்டு காலத்திற்கும் பள்ளியில் பார்வைக்கு வைக்கப்பட்டு பாதுகாக்கப்படும். அதாவது, ஒரு பெரிய சரித்திரம் பாதுகாக்கப்படும். அந்த வாய்ப்பு இல்லாமல் போனது வருத்தத்திற்குரியதே!


இவ்வாறு பள்ளி தலைமையாசிரியர் எம்.ஏ.முஹம்மத் ஹனீஃபா உரையாற்றினார்.

அவரைத் தொடர்ந்து, மாநில அளவில் பள்ளியின் கால்பந்து அணியினர் சாதனை படைத்த விபரங்களை, பள்ளியின் உடற்கல்வி ஆசிரியர் வேலாயுதம் மாணவர்களுக்கு விளக்கிப் பேசினார்.



பின்னர், கால்பந்துப் போட்டியில் மாநில அளவில் முதலிடத்தை வென்ற பள்ளியின் வீரர்களைப் பாராட்டும் நிகழ்ச்சி நடைபெற்றது. மேடையில் முன்னிலை வகித்த பள்ளியின் துணைச் செயலாளர் ஹாஜி எஸ்.எம்.எம்.ஸதக்கத்துல்லாஹ் என்ற ஹாஜி காக்கா, பெற்றோர் - ஆசிரியர் கழகத் தலைவர் ஹாஜி எஸ்.ஏ.அஹ்மத் முஸ்தஃபா, ஆட்சிக்குழு உறுப்பினர் எல்.டி.இப்றாஹீம் ஆகியோரும், தலைமையாசிரியரும் - அனைத்து மாணவர்கள் முன்னிலையில், சாதனை வீரர்களுக்கு பதக்கம், சான்றிதழ் மற்றும் பணப்பரிசுகளை வழங்கி பாராட்டினர். பள்ளியின் அனைத்து மாணவர்களும் உற்சாகத்துடன் கரவொலியெழுப்பி, அவர்களை ஊக்கப்படுத்தினர்.









பின்னர். பள்ளியின் ஜூனியர் பிரிவு கால்பந்து வீரர்கள் சார்பில், சாதனை வீரர்களுக்கு நினைவுப் பரிசு வழங்கப்பட்டது. அணித்தலைவர் அதனைப் பெற்றுக்கொண்டார்.



நன்றியுரைக்குப் பின், நாட்டுப்பண்ணுடன் நிகழ்ச்சி நிறைவுற்றது.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by சாளை S.I.ஜியாவுத்தீன் (காலிகட், கேரளா ) [28 January 2013]
IP: 122.*.*.* India | Comment Reference Number: 25258

சாதனை புரிந்த மாணவர்களுக்கு ஐந்து நட்சத்திர பாராட்டுக்கள்.

அதிலும் குறிப்பாக சகோதரர் சதக் அவர்களுக்கு கூடுதல் பாராட்டுக்கள்.

மாநில அளவில் சாதனை புரிந்த நம் குழந்தைகளுக்கு பதக்கமோ, கோப்பையோ அளிக்காததது ஒரு வருத்தம் தான், ஒருவேளை பேரீச்சம் பழத்திற்கு அடகு வைத்த கோப்பைகளை விளையாட்டு துறை மீட்கவில்லை போல..

சாளை S.I.ஜியாவுத்தீன், காலிகட், கேரளா


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...
posted by A.R.Refaye (Abudhabi) [28 January 2013]
IP: 2.*.*.* United Arab Emirates | Comment Reference Number: 25260

வெற்றி வாகை சூடிஉள்ள அனைத்து விளையாட்டு வீரர்கள் அனைவர்களுக்கும் முதலில் எனது உள்ளம் நிறைந்த வாழ்த்துக்கள், பள்ளி தலைமை ஆசிரியர் அவர்களின் ஆதங்கம் ஆளுகின்றவர்களுக்கும் அறிந்திடும் முகமாக பள்ளியின் ஆட்சிமன்ற நிர்வாகிகள் துணையுடன் நம் மாவட்ட ஆட்சியர் அவர்கள் மூலம் உடனே இம்மாணவர்களின் முத்தான சாதைனையை வரும்கால மாணாக்கர்களும் அறிந்திட இவர்களுக்கு கண்டிப்பாக பட்டயத்தை" கேடயத்தை " பெற்று தர முயற்சிப்பது மிகவும் அவசியம் அதுதான் காலமெல்லாம் கல்வெட்டாய் நின்று புகழ் தரும் ,தயவு செய்து ஆவனம் செய்க என்று இப்பள்ளியின் முன்னால் மாணவன் என்ற உரிமையில் வேண்டிக்கொள்கிறேன்.

வஸ்ஸலாம்
A.R.Refaye-Abudhabi


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. மிக பெரிய வருத்தமும் அடைகிறேன்...
posted by M.S.M. சம்சுதீன் - உறுப்பினர் - 13 வது வார்டு (KAYALPATNAM ) [28 January 2013]
IP: 117.*.*.* India | Comment Reference Number: 25261

எம் பள்ளி மாணவர்கள் மிக பெரிய அளவில் சாதனை புரிந்து வந்த செய்தி அறிந்து மிக சந்தோஷ படுகிறேன் - வாழ்த்துகிறேன் - பாராட்டி மகிழ்கிறேன்...! அதே வேளையில் மிக பெரிய வருத்தமும் அடைகிறேன் இவ்வளவு பெரிய சாதனைக்காக எம் பள்ளிக்கு ஒரு கோப்பையையோ, கேடயத்தையோ வழங்கி இருக்கலாம்..

அடுத்த வரும் எம் பள்ளி நாளைய (மாணவர்களுக்கு) தலைமுறைகளுக்கு அவர்களின் பார்வைக்கு இந்த கோப்பையும் - கேடயமும் அவர்களின் விளையாட்டில் ஒரு வேகத்தையும் உற்சாகத்தையும் அளிக்க முன் உதாரணமாக அமையுமே...

எனது சிறிய ஆலோசனை:- இது விசியமாக தமிழக விளையாட்டு துறை அமைச்சகத்தின் கவனத்துக்கும் பார்வைக்கும் எம் பள்ளி நிர்வாகம் இதை அறிய செய்வது முறையாக இருக்கும் என நினைக்கிறேன்...

என்றும் அன்புடன்...! M.S.M. சம்சுதீன்.
எல்.கே. பள்ளி முன்னாள் மாணவன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:...
posted by mahmood lahhak (Jeddah - Saudi Arabia) [28 January 2013]
IP: 87.*.*.* Saudi Arabia | Comment Reference Number: 25264

எம் பள்ளி மாணவர்கள் மிக பெரிய அளவில் சாதனை புரிந்து வந்த செய்தி அறிந்து மிக சந்தோஷ படுகிறேன் - வாழ்த்துகிறேன் - பாராட்டி மகிழ்கிறேன்...!குறிப்பாக சகோதரர் சதக் அவர்களுக்கு கூடுதல் பாராட்டுக்கள்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...பள்ளிக்கு கேடயம் இல்லையா?
posted by mackie noohuthambi (kayalpatnam) [28 January 2013]
IP: 117.*.*.* India | Comment Reference Number: 25265

மாநில அளவில் வெற்றிபெற்ற மாணவர்களுக்கு வாழ்த்துக்கள். அதே சமயம் தலைமை ஆசிரியரின் ஆதங்க அறிவிப்பு நம்மை வியப்பில் ஆழ்த்தியது. அப்படி ஒரு விதிமுறை இல்லையா அல்லது இருந்தும் நமது பள்ளி புறக்கணிக்கப்பட்டுள்ளதா. அப்படி புறக்கணிக்கப்பட்டு இருந்தால் இந்த பள்ளியின் தலைவர், LKS நிறுவனத்தினர் குறிப்பாக சகோதரர் அக்பர் ஷா அவர்கள் இதை ஒரு PRESTIGE ISSUE வாக எடுத்து முதலமைச்சர் வரை எடுத்து சென்று இந்த பள்ளிக்கு ஏற்பட்ட வடுவை களைய வேண்டும்.

அரசு அங்கீகாரம் என்பது வேறு, தனி மனிதர்கள் அங்கீகாரம் என்பது வேறு. தலைமை ஆசிரியர் சொல்வது போல் பள்ளிக்கு ஒரு கிரீடம் போல் அது காலா காலத்துக்கும் பேர் சொல்லும். அதுதான் உண்மையும் கூட. விஷயத்தை உடனடியாக கவனிக்கும்படி நிர்வாகத்தை வேண்டி கொள்கிறோம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. மனமார வாழ்த்துகிறேன் ....
posted by SALMAN FARIS (YANBU ) [29 January 2013]
IP: 90.*.*.* Saudi Arabia | Comment Reference Number: 25267

மனமார வாழ்த்துகிறேன் ....

மாநில அளவில் நடை பெற்ற குடியரசு தின .கால்பந்து போட்டி யில் வெற்றி கனியை ..நமது காயலுக்கும் நமது ஸ்கூல் கும் சந்தோசத்தையும் ,பெருமை யும் சேர்த்து தந்த கால்பந்தாட்ட வீரர் களுக்கு என்னுடைய மனமாற வாழ்த்துகிறேன் ...... அல்ஹம்து லில்லாஹ்......

,எல்.கே.மேனிலைப்பள்ளியின் மாணவர்களுக்கு பயிற்சியளித்த ..உடற்கல்வி ஆசிரியர்கல் வேலாயுதம் ,ஜமால் மற்றும் முன்னால் ஆசிரியர் ஜெபராஜ் சார் அவர்களுக்கும் என்னுடைய வாழ்த்துக்கள்....

குறிப்பாக
****************
இந்த வெற்றி கல் எல்லாம் காரணமாக இருந்த ஒரே ஒரு ஆசான் யார் என்றால் .......அவர் தான் .எங்களின் மரியாதையும் ,பாசமும் நீறைந்த எங்களின் பயிற்சியலார்..இரவு ,பகல் ,மழை ,வெயில் என்று பாராமல் வீரர்களுக்கு பயிற்சி அளித்த ..எல்லாரும் அன்பாக பாய் பாய் என்று அழைக்க படும் "ஹிட்லர் சதக் பாய் அவர்களுக்கும் என்னுடைய மனமாற வாழ்த்துக்கள்...

நமது ஊரை சார்ந்த வீரர்கல் பல ஆண்டுகாலமாக சென்னை யில் உள்ள கால்பந்து அணிக்காக வீலையாடி உள்ளார்கள் ....சென்னை நேதாஜி அணிக்காக பாங்காங் புஹாரி , இந்தியன் பேங்க் மற்றும் சென்னை கஸ்டம்ஸ் அணிக்காக பஷீர் , சென்னை ஸ்டேட் பேங்க் ஒப் இந்தியா அணிக்காக ,sheiak ,fayaz .fazi ,,சென்னை SAI அணிக்காக NAINA ..ச்போர்டிங் ஸ்டார் அணிக்காக .FAZIL ,KADER ,SADAK ,பின்னர் நம்மது ஊருக்கு கால்பந்தில் பெருமை சேர்த்த எனது அன்பு நண்பன் MAHINDRA UNITED ,SALGOCAR ,அணிக்காக வீலையாடி இப்போம் மும்பை யில் உள்ள DODSAL அணிக்காக வீலையாடி கொண்டு இருக்கும் கலபந்தாட நட்சதிர வீரர் KAZHI ALAUDEEN ..இவர் கல் எல்லாருக்கும் பயிற்சி அளித்ததை எந்த புகழ்ச்சியையும் விரும் பாத அந்த நபர்**** நமது சதக் பாய் என்பதை நான் மகிழ்ச்சியுடன் சொல்ல விரும்புகிறேன் ......

இன்ஷால்லாஹ் மாநிலத்தில் வெற்றி பெற்றது போலே இன்ஷால்லாஹ் நியூ டெல்லி யில் நடை பெற விற்கும் தேசிய அளவிலும் வெற்றி பெற வாழ்த்துக்கள் .....

**********காயல்பட்டணம் ஒரு கால்பந்து பட்டணம்*******

வாழ்த்துகளுடன்

SALMAN FARIS


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. பொதுத்தேர்வில் மாநிலத்தில் முதலிடம் எப்பொழுது?எங்கும் முன்னாள் மாணவர்கள்.
posted by NIZAR (KAYALPATNAM) [29 January 2013]
IP: 101.*.*.* India | Comment Reference Number: 25268

தஞ்சாவூரில் நடந்த மாநில கால்பந்தாட்ட போட்டியில் வெற்றிபெற்று எல்கே பள்ளிக்கும் ஊருக்கும் பெருமை தேடி தந்துள்ள கால்பந்து வீரர்களையும் அதற்காக உழைத்த சகோதரர்களுக்கும் வாழ்த்துக்களையும், பாராட்டுகளையும் வழங்கிய பள்ளி நிர்வாகிகள் மற்றும் தலைமை ஆசரியர் கலந்துகொண்ட நிகழ்ச்சி மாணவர்களுக்கு மிகுந்த சந்தோசத்தையும்,உற்சாகத்தையும் ஏற்படுத்தம் என்பதில் சந்தேகமில்லை எனலாம்.

இந்த விழாவில் தலைமை ஆசரியரின் வாழ்த்துரையில் கோப்பை தரவில்லையே என்று குறிப்பிட்டுள்ளதும் அதற்கு கருத்து பதிவு செய்துள்ள சகோதரர்கள்,ஏன் தரவில்லை?புரனிக்க பட்டுவிட்டதா?என வினவி உள்ளார்.அனால் இப்படி கோப்பை வழங்குவது வழமையில் இல்லை என தெரிகிறது.கோப்பை இருந்தால் கொடுப்பதற்கு என்ன?வரும் காலங்களில் வெற்றிபெறும் பள்ளிகளுக்கு கோப்பை வழங்குவதின் அவசியத்தையும்,நம் பள்ளி தலைமை ஆசரியர் மற்றும் அனைவரின் கருத்துகளை உணர்த்தி விளையாட்டு துறைக்கு எல்கே பள்ளி கடிதம் மூலம் தெரியபடுத்த வேண்டும்.

ஹனீபா சார் அவர்கள் மேலும் தனது உரையில் மாநிலத்தில் கால்பந்தில் வெற்றிபட்டுள்ள நம் பள்ளி அணி பொது தேர்வுகளிலும் என் ஓய்வுக்கும் முன்னரே தக்கவைக்கணும் என்று கூறி உள்ளார்.சில நாட்களுக்கு முன்னாள் நடந்த பெற்றோர்,ஆசரியர் செய்தியில் கருத்து பதிவில்,நான் இதை மிகவும் தெளிவாக குறிப்பிட்டு இருந்தேன்.அதாவது பொது தேர்வுகளில் எல்கே பள்ளி என்ன?நம் ஊரு எந்த பள்ளியும் இதுவரை மாநில அளவில் இடம் பிடிப்பது எட்டாத கனியாகவே இருப்பது. மிகவும் திறமையுள்ள மாணவர்கள் நம்மிடமே இருந்தும் கூட இதை அடைய முடியாதது மிகவும் வியப்பாகவே உள்ளது.எனவே இந்த வெற்றியை அடைய பள்ளிகளின் சிறப்பு முயற்சி இல்லை என்பதையே காரணம் என நான் எண்ணுகிறேன்.

எனவே பள்ளிகூடங்களும்,மாணவர்களும் இணைந்து பொது தேர்வுகளில் மாநிலத்தில் இடங்களை தக்க வைக்க வேண்டும்.அதற்கான முழு முயற்சி செய்து நம் ஊரு மாணவர்கள் இதுவரை பெறாத இந்த சாதனையை நிகழ்த்த வேண்டும்.நிச்சயம் நம்ஊரு மாணவர்கள் வரும் பொது தேர்வில் நிச்சயம் சாதித்து ஊருக்கும் பள்ளிக்கும் பெருமை தேடி தருவார்கள் என முன்னாள் மாணவர்கள் சார்பில் நம்புகிறோம்.இறைவன் அதற்கு துணை புரிவானாக,,,,,ஆமீன்

YOURS,
NIZAR
DEEVU STREET.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. பொதுவான பரந்த திடலில் பாராட்டு விழா எடுப்பது அவசியமே..
posted by நட்புடன் - தமிழன் முத்து இஸ்மாயில் (KAYALPATNAM ) [29 January 2013]
IP: 117.*.*.* India | Comment Reference Number: 25269

தூத்துக்குடி மாவட்டம் உருவாகி 25 ஆண்டுகள் மேல் ஆகிவிட்டது அதில் உள்ள பல ஊர்கள் மாநில அளவில் கால்பந்து போட்டிகளில் கலந்து கடந்த ஆண்டு வரை எந்த பள்ளியும் முதலிடம் பெற்றதில்லை என்பது குறிப்பிடதக்கது...

முதல் முறையாக நமது பள்ளி மாணவர்கள் தூத்துக்குடி மாவட்டத்திலேயே முதல் மாநில அளவிலான வெற்றி பள்ளி என்று எல்.கே. பள்ளியை பெருமை சேர்த்து தந்துள்ளார்கள் நாளைய பள்ளி (மாணவர்கள்) தலைமுறைகளுக்கும் நமது தூத்துக்குடி மாவட்டத்துக்கும் இது ஒரு வரலாறாக பதிவு செய்து உள்ளார்கள்...

நமது மாவட்ட ஆட்சியர் அவர்களின் கவனத்திற்கும் இதை அறிய படுத்தி வைப்பது நல்லது...

தூத்துக்குடி மாவட்டம் உதயமாகி மாநில அளவிலான கால்பந்து போட்டியில் நம் நகர் பள்ளி முதலிடம் பெற்றமைக்கு அணைத்து காயல் நல மன்றங்களும் மற்றும் முன்னாள், இந்நாள் மாணவர்கள் அனைவர்களும் சேர்த்து இந்த வீரர்களுக்கும் - அதன் பயற்சியாளர்களுக்கும் பொதுவான பரந்த திடலில் பாராட்டு விழா எடுப்பது அவசியமே..

நட்புடன் - தமிழன் முத்து இஸ்மாயில்.
எல்.கே. பள்ளியின் முன்னாள் மாணவன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
9. வெற்றிக்கனிகள் L .K .பள்ளிக்கூடையில் குமியட்டும்!.
posted by முஹம்மது ஆதம் சுல்தான் (YANBU) [29 January 2013]
IP: 188.*.*.* Saudi Arabia | Comment Reference Number: 25274

மாஷா அல்லாஹ்!மாநில அளவில் கால் பந்து போட்டியில் முதலிடம் பெற்ற L.K மேனிலைபள்ளி மாணவர்களுக்கு என் நெஞ்சார வாழத்துக்கள்!

அதோடு, தலைமை ஆசிரியரின் ஆதங்கத்தில் அடிப்படையில் பார்க்கும் பொழுது கேடயம் பெறுவது வழக்கம் ஆனால் நாம் நிராகரிக்கப்பட்டிருக்கிறோம் என்ற உணர்வு மேலோங்கி இருக்கிறது.

உண்மையான வழக்கத்திற்கு மாற்றமாய் நம் பள்ளி ஒதுக்கப்படிருக்கிறது என்று தெரியவந்தால், அதற்குறிய நடவடிக்கையை பள்ளி பொறுப்பாளர்கள் மேற்கொள்ள வேண்டும்!

நான் பள்ளி மாணவனாய், கால்பந்து குழுவில் விளையாடிய காலம் முதல் எங்களின் இன்றியமமையாத ஏக்கம் கலந்த எதிர்பார்ப்பு, எப்படியாவது மாநில வெற்றிக் கோப்பையைப் பெற்றிட வேண்டுமென்பதே. அந்த நெடிய நாள் கனவை நெஞ்சம் குளிர நினைவாக்கித் தந்த மாணவ செல்வங்களான விளையாட்டு வீரர்களுக்கு என்னிதைய வாழ்த்துக்களை தெரிவிப்பதோடு, இவ்வெற்றிக்கு வித்தூன்றிய அன்பு சகோதரர் சதக்கு அவர்களுக்கும், அரபு நாட்டில் இருந்தாலும் அண்மையில் விடுமுறையில் ஊருக்கு வந்திருந்த அன்பு சகோதரர் சல்மான் பாரிசு அவர்கள் தினம் தோறும் மைதானத்திற்கு சென்று பயிற்சி ஒத்துழைப்பு அளித்த அந்த ஆர்வ உள்ளத்திற்கும் என் அன்பொழுகும் இதையத்தால் அந்நாள் மாணவன் என்ற முறையில் மகிழ்ச்சியின் உச்சாணியில் இருந்து மனம்குளிர வாழ்த்துகிறேன்!

=முன்னாள் பள்ளி மாணவத் தலைவனும், கால்பந்து அணியின் ஒர் அங்கமும் ஆன,
முஹம்மது ஆதம் சுல்தான்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
10. **********காயல்பட்டணம் ஒரு கால்பந்து பட்டணம்*******
posted by SALMAN FARIS (KAYALPATNAM) [29 January 2013]
IP: 90.*.*.* Saudi Arabia | Comment Reference Number: 25277

மிண்டும் ஒரு முறை நான் நன்றியை சொல்லுகிறேன் ....

எம் பள்ளி மாணவர்கள் மிக பெரிய அளவில் சாதனை புரிந்து வந்த செய்தி அறிந்து மிக சந்தோஷ படுகிறேன் - வாழ்த்துகிறேன் - பாராட்டி மகிழ்கிறேன்...!

,எல்.கே.மேனிலைப்பள்ளியின் மாணவர்களுக்கு பயிற்சியளித்த ..உடற்கல்வி ஆசிரியர்கல் வேலாயுதம் ,ஜமால் மற்றும் முன்னால் ஆசிரியர் ஜெபராஜ் சார் அவர்களுக்கும் என்னுடைய வாழ்த்துக்கள்

குறிப்பாக உலக அளவில் கால்பந்தில் MANCHESTER UNITED அணி தான் சிறந்த அணி என்பது எல்லாரும் தெரியும் ....அந்த அணியின் பயிற்சியாளர் SIR ALEX FERGUSON ...அவர்களை அந்த அணிக்காக 25 ஆண்டுகளாக தான் பனி புரிந்தார்கள் .ஆனால் நம்மது LK அணியின் பயிற்சியாளர் ஹிட்லர் சதக் பாய் அவர்கள் 30 வருடங்களாக பனி புரிந்தார்கள் என்பது எல்லாருக்கும் தெரியும் என்பதை அவர்களின் பயிற்சி பெற்ற நான்..மகிழ்ச்சி உடன் தெர்வித்து கொள்கிறேன் ...

இன்ஷால்லாஹ் மாநிலத்தில் வெற்றி பெற்றது போலே இன்ஷால்லாஹ் நியூ டெல்லி யில் நடை பெற விற்கும் தேசிய அளவிலும் வெற்றி பெற வாழ்த்துக்கள் .....

இப்படிக்கு
சதக் பாய் யிடம் பயிற்ச்சி பெற்ற மாணவன்
SOCCER SALMAN


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved