{ முகநூல் கருத்துக்கள்}{ட்விட்டர் கருத்துக்கள்}

அனைத்திந்திய அண்ணா திராவிட முன்னேற்றக் கழகம் - காயல்பட்டினம் நகர கிளை சார்பில், நடப்பு கோடை காலத்தை முன்னிட்டு, காயல்பட்டினம் பேருந்து நிலையம் அருகில் நீர் மோர் பந்தல் திறப்பு விழா, இன்று காலை 11.00 மணியளவில் நடைபெற்றது.

கட்சியின் நகர செயலாளர் செய்யது காசிம் தலைமையில் நடைபெற்ற இந்நிகழ்ச்சியில், ஜெயலலிதா பேரவை நகர செயலாளர் ஹாஜி எல்.எஸ்.அன்வர், அதிமுக மாவட்ட சிறுபான்மைப் பிரிவு செயலாளர் எம்.ஜெ.செய்யித் இப்றாஹீம், காயல்பட்டினம் நகர்மன்ற துணைத்தலைவரும், 11ஆவது வார்டு உறுப்பினருமான எஸ்.எம்.முகைதீன் என்ற மும்பை முகைதீன் ஆகியோர் முன்னிலை வகித்தனர். கட்சியின் நகர பாடகர் முருகன் கட்சிப்பாடல் பாடினார்.



இவ்விழாவில், தமிழக தொழிலாளர் நலத்துறை அமைச்சரும், அதிமுக தூத்துக்குடி மாவட்ட செயலாளருமான சி.த.செல்லப்பாண்டியன் சிறப்பு விருந்தினராகக் கலந்துகொண்டு, நீர் மோர் பந்தலைத் திறந்து வைத்து, வாழ்த்துரை வழங்கினார். பின்னர் அவர், அனைவருக்கும் மோர், தர்பூசணி பழம் ஆகியவற்றை தன் கையால் வழங்கினார்.







இந்நிகழ்ச்சியில், மாவட்ட பஞ்சாயத்து தலைவர் சின்னத்துரை, ஜெயலலிதா பேரவை மாவட்ட செயலாளர் விஜயகுமார், தொழிற்சங்க மாவட்ட செயலாளர் முத்தலிபா, மாவட்ட பொருளாளர் ஜெபமாலை, திருச்செந்தூர் ஒன்றிய அதிமுக செயலாளர் அமலிராஜன், திருச்செந்தூர் நகர அதிமுக செயலாளர் மகேந்திரன், ஆறுமுகநேரி நகர அதிமுக செயலாளர் பொன்ராஜ், மாவட்ட திட்டக்குழு உறுப்பினர் வடிவேல், காயல்பட்டினம் நகர அதிமுக அவைத்தலைவர் என்.டி.முத்து, அ.வஹீதா, காயல்பட்டினம் நகர வார்டுகளின் அதிமுக செயலாளர்களான எம்.இ.எல்.புகாரீ (06ஆவது வார்டு), ஹஸன் (07ஆவது வார்டு), சுலைமான் (10ஆவது வார்டு), காசிலிங்கம் (15ஆவது வார்டு) உட்பட கட்சியின் நிர்வாகிகள், உறுப்பினர்கள் மற்றும் பொதுமக்களும்,

காயல்பட்டினம் நகர்மன்ற உறுப்பினர்களான ஜெ.அந்தோணி (07ஆவது வார்டு), ஏ.பாக்கியஷீலா (14ஆவது வார்டு), கே.ஜமால் (15ஆவது வார்டு), எஸ்.எம்.சாமு ஷிஹாப்தீன் (16ஆவது வார்டு), இ.எம்.சாமி (18ஆவது வார்டு) ஆகியோரும் கலந்துகொண்டனர்.

இவ்விழாவில், அண்மையில் அதிமுகவில் தங்களை இணைத்துக்கொண்ட நகர்மன்ற உறுப்பினர்கள் சார்பில், 18ஆவது வார்டு உறுப்பினர் இ.எம்.சாமி, அமைச்சர் சி.த.செல்லப்பாண்டியனுக்கு சால்வை அணிவித்து வரவேற்றமை குறிப்பிடத்தக்கது.