{ முகநூல் கருத்துக்கள்}{ட்விட்டர் கருத்துக்கள்}

விளையாட்டுத் துறையில் காயலர்களை ஒருங்கிணைக்கும் நோக்குடன் இயங்கி வரும் வி-யுனைட்டெட் ஸ்போர்ட்ஸ் க்ளப் சார்பாக, காயல்பட்டினம் நகரின் விளையாட்டு ஆர்வலர்களின் நல்லாதரவோடும், காயல் ஸ்போர்ட்டிங் க்ளப் (கே.எஸ்.ஸி.), ஐக்கிய விளையாட்டு சங்கம் (யு.எஸ்.ஸி.) ஆகியவற்றின் ஒத்துழைப்புகளோடும், காயல் ப்ரீமியர் லீக் கால்பந்து மற்றும் க்ரிக்கெட் போட்டிகள் கடந்த 3 ஆண்டு காலமாக நடத்தப்பட்டு வருகிறது.

இவ்வாண்டு, வி-யுனைட்டெட் கே.பி.எல். க்ரிக்கெட் சுற்றுப்போட்டிகள், இன்ஷாஅல்லாஹ் இம்மாதம் 22ஆம் தேதி புதன்கிழமை (நாளை) துவங்கி, இம்மாதம் 31ஆம் தேதி வெள்ளிக்கிழமை வரை, காயல்பட்டினம் கே.எஸ்.ஸி. மைதானத்தில் நடைபெறுகிறது.

மே 22ஆம் தேதி புதன்கிழமை (நேற்று) காலை 08.30 மணிக்கு சுற்றுப்போட்டி துவக்க விழா நடைபெற்றது. ஐக்கிய விளையாட்டுச் சங்கத்தின் செயலாளர் ஹாஜி பி.எஸ்.எம்.இல்யாஸ் போட்டியைத் துவக்கி வைத்தார். முன்னதாக அவர்களுக்கு வாவு ஷாஹுல் ஹமீத் பொன்னாடை போர்த்தினார். அதனைத் தொடர்ந்து ஆட்ட வீரர்களை சிறப்பு விருந்தினருக்கு அறிமுகம் செய்து வைக்கப்பட்டது. அதனைத் தொடர்ந்து, க்ரிக்கெட் சுற்றுப்போட்டி துவங்கியது.

போட்டிகளின் முடிவுகள் குறித்து, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கை வருமாறு:-

மே 22ஆம் தேதி புதன்கிழமை காலையில் நடைபெற்ற முதல் போட்டியில் Kayal United அணியும், Fnal Challanger அணியும் விளையாடின. இப்போட்டியில் டாஸில் வெற்றிபெற்ற Kayal United அணி முதலில் ஃபீல்டிங் செய்ய முடிவு செய்தது. இதனையடுத்து பேட்டிங் செய்த Final Challanger அணி 10 ஓவர்களின் முடிவில் 85 ரன்களுக்கு 3 விக்கெட்டுகளை இழந்தது. அந்த அணிக்காக சூஃபி 35 பந்துகளில் 52 ரன்களை அடித்தார். Kayal United அணிக்காக சமீம் 3 ஓவர்களை வீசி 22 ரன்களை விட்டுக்கொடுத்து 2 விக்கெட்டுகளை கைப்பற்றினார்.

தொடர்ந்து பேட்டிங் செய்த Kayal United அணியினர் 9.3 ஓவரில் 2 விக்கெட்டுகளை மட்டும் இழந்து 88 ரன்களை பெற்று வெற்றிபெற்றது. அந்த அணிக்காக சமீம் 21 பந்துகளில் 29 ரன்களையும், செய்யது அலி 5 பந்துகளில் 17 ரன்களையும் சேர்த்தனர். Final Challanger அணிக்காக மூஸா மற்றும் முஹம்மது அலி ஆகியோர் தலா ஒரு விக்கெட்டை கைப்பற்றினர். இப்போட்டியின் ஆட்டநாயகனாக Kayal United அணியின் சமீம் தேர்வு செய்யப்பட்டார்.

இரண்டாவது போட்டியில் FI-Sky Boys அணியும், Kayal Rockers அணியும் விளையாடின. டாஸில் வெற்றிபெற்ற Fi-Sky Boys அணியினர் முதலில் பேட்டிங் செய்தனர். அந்த அணி 10 ஓவர்களின் முடிவில் 4 விக்கெட்டுகளை இழந்து 90 ரன்களை பெற்றனர். அந்த அணிக்காக யாஸர் 15 பந்துகளில் 37 ரன்களை அடித்தார். Kayal Rockers அணிக்காக அம்மார், உமர் தலா ஒரு விக்கெட் வீழ்த்தினர். அஸாருத்தீன் 2 விக்கெட்டை கைப்பற்றினார்.

தொடர்ந்து பேட்டிங் செய்த Kayal Rockers அணியினர் 10 ஓவர்களின் முடிவில் 4 விக்கெட்டுகளை இழந்து 74 ரன்களை மட்மே பெற்று தோல்வியடைந்தது. அந்த அணிக்காக ஹமீத் இம்ரான் 23 பந்துகளில் 31 ரன்களை அடித்தார். Fi-Sky Boys அணிக்காக யாஸர், பிலால் மற்றும் அப்துல் ஹமீது ஆகியோர் தலா ஒரு விக்கெட் வீழ்த்தினர். அப்போட்டியின் ஆட்டநாயகனாக Fi-Sky Boys அணியின் யாஸர் தேர்வு செய்யப்பட்டார்.

அதன் பின்னர் நடைபெற்ற மூன்றாவது போட்டியில் Greenish County அணியும், Fire Strikers அணியும் விளையாடின. டாஸில் வெற்றிபெற்ற Greenish County அணி முதலில் பேட்டிங் செய்ய முடிவு செய்தது. அந்த அணி 10 ஓவர்கள் முடிவில் 5 விக்கெட்டுகளை இழந்து 104 ரன்களை பெற்றது. அந்த அணிக்காக சுலைமான் 18 பந்துகளில் 24 ரன்களையும், கமால் 10 பந்துகளில் 27 ரன்களையும் பெற்றனர். Fire Strikers அணிக்காக ஹூஸைன், யூசுஃப் மற்றும் ஃபஹத் ஆகியோர் தலா ஒரு விக்கெட்டை கைப்பற்றினர்.

தொடர்ந்து பேட்டிங் செய்த Fire Strikers அணியினர் 10-வது ஓவரின் இறுதியில் 5 விக்கெட்டுகளை இழந்து 104 ரன்களை பெற்றனர். எனவே போட்டி சமநிலையில் முடிவுற்றது. Fire Strikers அணிக்காக லத்தீஃப் 19 பந்துகளில் 33 ரன்களையும், சல்மான் 24 பந்துகளில் 51 ரன்களையும் சேர்த்தனர். Greenish County அணிக்காக சாஹூல் இரண்டு விக்கெட்டுகளையும், சுலைமான் மற்றும் கமால் தலா ஒரு விக்கெட்டையும் கைப்பற்றினர். இப்போட்டியின் ஆட்டநாயகனக Fire Strikers அணியின் சல்மான் தேர்வு செய்யப்பட்டார்.

நான்காவது போட்டியில் Gallery Birds அணியும், Wavoo Warriors அணியும் விளையாடின. டாஸில் வெற்றிபெற்ற Gallery Birds அணி முதலில் பேட்டிங் செய்ய முடிவு செய்தது. அந்த அணி 10 ஓவர்கள் முடிவில் 6 விக்கெட்டுகளை இழந்து 71 ரன்களை பெற்றது. அந்த அணிக்காக அப்பாஸ் 13 பந்துகளில் 20 ரன்களையும், சதக்கதுல்லாஹ் 18 பந்துகளில் 22 ரன்களையும் சேர்த்தனர். Wavoo Warriors அணிக்காக ரசாக் 3 விக்கெட்டுகளையும், அப்துல்லாஹ் ஒரு விக்கெட்டையும் வீழ்த்தினார்கள்.

தொடர்ந்து பேட்டிங் செய்த Wavoo Warriors அணி 10 ஓவர்கள் முடிவில் 5 விக்கெட்டுகளை மட்டும் இழந்து 67 ரன்களை மட்டுமே பெற்று தோல்வியடைந்தது. அந்த அணிக்காக வாவு சாஹூல் ஹமீது 14 பந்துகளில் 24 ரன்களை அடித்தார். Gallery Birds அணிக்காக முஹம்மது தம்பி மற்றும் யாஸர் தலா ஒரு விக்கெட்டையும், அப்பாஸ் இரண்டு விக்கெட்டையும் கைப்பற்றினர். இப்போட்டியின் ஆட்டநாயகனாக தேர்வு செய்யப்பட்டார்.

நாளைய (23/05/2013) முதல் போட்டியில் Gallery Birds அணியும், Final Challenger அணியும் விளையாடுகின்றன. இரண்டாவது போட்டியில் Kayal United அணியும், Kayal Rockers அணியும் விளையாடுகின்றன. மூன்றாவது போட்டியில் Greenish County அணியும், Wavoo Warriors அணியும் விளையாடுகின்றன. நான்காவது போட்டியில் Fi-Sky Boys அணியும், Fire Strikers அணியும் விளையாட உள்ளன.

இவ்வாறு, சுற்றுப்போட்டிக் குழுவின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்