Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
10:21:30 AM
வியாழன் | 9 ஜுலை 2020 | துல்ஹஜ் 343, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:4412:2703:5306:4508:02
Sunrise/Sunset timing for Kayalpatnamஉதயம்06:05Moonrise/Moonset timing for Kayalpatnamஉதயம்22:13
மறைவு18:40மறைவு09:34
Morning Twilight
வானியல்கடல்சமூகம்
04:4905:1505:42
உச்சி
12:23
Evening Twilight
சமூகம்கடல்வானியல்
19:0319:3019:57
Go to Homepage
செய்திகள்
Previous News ItemNext News Item
செய்தி எண் (ID #) 11207
#KOTW11207
Increase Font Size Decrease Font Size
திங்கள், ஜுலை 8, 2013
சந்தியுங்கள் மாநிலத்தின் முதன்மாணவர்களை - 2013 பரிசளிப்பு விழா நிகழ்ச்சி விபரங்கள்!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2104 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர பள்ளிகளில் பயிலும் மாணவ-மாணவியரை மாநில அளவில் சாதனைகள் புரிந்திட ஊக்கமளிக்கும் நோக்குடன், காயல்பட்டினம் இக்ராஃ கல்விச் சங்கம், தி காயல் ஃபர்ஸ்ட் ட்ரஸ்ட் அமைப்புகள் இணைந்து, “சந்தியுங்கள் மாநிலத்தின் முதன்மாணவரை” என்ற தலைப்பில், ப்ளஸ் 2 அரசுப் பொதுத் தேர்வில் மாநில அளவில் முதலிடம் பெற்ற மாணவ-மாணவியரை காயல்பட்டினத்திற்கு வரவழைத்து, நகர பள்ளி மாணவ-மாணவியருடன் கலந்துரையாடல் மற்றும் நகரின் சிறந்த மதிப்பெண் பெற்ற மாணவ-மாணவியருக்கான பரிசளிப்பு நிகழ்ச்சிகளை கடந்த 7 ஆண்டுகளாக நடத்தி வருகிறது.

அந்த வரிசையில், நடப்பு 8ஆம் ஆண்டின் “சந்தியுங்கள் மாநிலத்தின் முதன்மாணவர்களை - 2013” நிகழ்ச்சி, இம்மாதம் 29ஆம் தேதி சனிக்கிழமையன்று காயல்பட்டினம் ரெட் ஸ்டார் சங்க மைதானத்தில் நடத்தப்பட்டது.

நடைபெற்று முடிந்த ப்ளஸ் 2 அரசுப் பொதுத் தேர்வில் மாநில அளவில் முதலிடங்களைப் பெற்ற எஸ்.அபினேஷ், எஸ்.ஜெயசூர்யா ஆகிய மாணவர்கள் இந்நிகழ்ச்சியில் சிறப்பழைப்பாளர்களாகக் கலந்துகொண்டனர்.



ஜூன் 29 அன்று மதியம் 02.00 மணிக்கு, காயல்பட்டினம் நகரின் அனைத்துப் பள்ளி மாணவ-மாணவியருடன் மாநில சாதனை மாணவர்கள் சந்திக்கும் கலந்துரையாடல் நிகழ்ச்சி நடைபெற்றது.

அதன் தொடர்ச்சியாக, அன்று மாலை 05.30 மணிக்கு பரிசளிப்பு விழா நடைபெற்றது. காயல்பட்டினம் நகர்மன்றத் தலைவர் ஐ. ஆபிதா ஷேக் விழாவிற்குத் தலைமை தாங்கினார். இக்ராஃ துணைத்தலைவரும், கத்தர் காயல் நல மன்றத் தலைவருமான எஸ்.ஏ.ஃபாஸுல் கரீம், ஜித்தா காயல் நற்பணி மன்றத்தின் ஆலோசகர் ஹாஜி மூஸா ஸாஹிப், இக்ராஃவின் மூத்த செயற்குழு உறுப்பினர்கள் ஹாஜி வாவு எஸ்.அப்துல் கஃப்பார், ஹாஜி ஜெஸ்மின் கலீல், ஹாஜி வாவு கே.எஸ்.முஹம்மத் நாஸர், ஹாஜி எஸ்.எச்.ஷெய்கு அப்துல் காதிர் என்ற சின்ன லெப்பை, ஹாஜி எம்.ஏ.எஸ்.ஜரூக், பேராசிரியர் ஹாஜி கே.எம்.எஸ்.சதக்கு தம்பி, தி காயல் ஃபர்ஸ்ட் ட்ரஸ்ட் அறங்காவலர்களான எம்.எஸ்.முஹம்மத் ஸாலிஹ், பி.ஏ.புகாரீ, காயல்பட்டினம் முஹ்யித்தீன் மெட்ரிகுலேஷன் மேனிலைப்பள்ளியின் தலைமையாசிரியர் ஸ்டீஃபன், அரசு மகளிர் மேனிலைப்பள்ளியின் தலைமையாசிரியை முஹம்மத் ஆயிஷா, சுபைதா மகளிர் மேனிலைப்பள்ளியின் தலைமையாசிரியர் எம்.ஜெஸீமா ஆகியோர் முன்னிலை வகித்தனர்.



இக்ராஃ கல்விச் சங்க துணைச் செயலாளர் எஸ்.கே.ஸாலிஹ் நிகழ்ச்சிகளை நெறிப்படுத்தினார். மாணவர் ஹாஃபிழ் கே.எஸ்.முஃபீஸுர்ரஹ்மான் கிராஅத் ஓதி விழா நிகழ்ச்சிகளைத் துவக்கி வைத்தார்.



தமிழ்த்தாய் வாழ்த்து, வரவேற்புரையைத் தொடர்ந்து, காயல்பட்டினம் நகர்மன்றத் தலைவர் ஐ.ஆபிதா ஷேக் தலைமையுரையாற்றினார்.



பின்னர், அவருக்கு இக்ராஃ - தி காயல் ஃபர்ஸ்ட் ட்ரஸ்ட் சார்பில், எஸ்.ஏ.ஃபாஸுல் கரீம் நினைவுப் பரிசு வழங்கினார்.



அடுத்து, இந்நிகழ்ச்சியை இணைந்து நடத்தும் இக்ராஃ கல்விச் சங்கம் - தி காயல் ஃபர்ஸ்ட் ட்ரஸ்ட் அமைப்புகள் குறித்து, இக்ராஃ செயலாளர் கே.ஜெ.ஷாஹுல் ஹமீத் அறிமுகவுரையாற்றினார்.



அதனைத் தொடர்ந்து, நகர பள்ளிகளின் தலைமையாசிரியர்கள் சார்பில், எல்.கே.மேனிலைப்பள்ளியின் தலைமையாசிரியர் எம்.ஏ.எஃப்.செய்யித் அஹ்மத் வாழ்த்துரை வழங்கினார்.



அதனைத் தொடர்ந்து, இவ்விழாவில் சிறப்பு விருந்தினராகக் கலந்துகொண்ட - தமிழக அரசின் பல்வேறு முக்கிய துறைகளின் மூத்த முன்னாள் செயலாளர் அலாவுதீன் ஐ.ஏ.எஸ். குறித்து, இக்ராஃ மூத்த செயற்குழு உறுப்பினர் ஹாஜி டி.ஏ.எஸ்.முஹம்மத் அபூபக்கர் அறிமுகவுரையாற்ற, அவரைத் தொடர்ந்து, சிறப்பு விருந்தினர் சிறப்புரையாற்றினார்.



பின்னர், அவருக்கு இக்ராஃ கல்விச் சங்கத்தின் முன்னாள் செயற்குழு உறுப்பினர் டைமண்ட் செய்யித் நினைவுப் பரிசு வழங்கினார்.



அத்துடன், மஃரிப் தொழுகைக்கு இடைவேளை விடப்பட்டது. அடுத்த அமர்வு இரவு 07.00 மணியளவில் துவங்கியது. அவ்வமர்வில், இவ்விழாவின் மற்றொரு சிறப்பு விருந்தினராகக் கலந்துகொண்ட - தூத்துக்குடி மாவட்டத்தின் முதன்மைக் கல்வி அலுவலர் க.செயக்கண்ணு குறித்து அறிமுகவுரை வழங்கப்பட, அதனைத் தொடர்ந்து அவர் சிறப்புரையாற்றினார்.



பின்னர், அவருக்கு இக்ராஃ கல்விச் சங்க நிர்வாகி ஹாஜி ஏ.தர்வேஷ் முஹம்மத் நினைவுப் பரிசு வழங்கினார்.



அதனையடுத்து, இவ்விழாவில் சிறப்பழைப்பாளர்களாகக் கலந்துகொண்ட - ப்ளஸ் 2 மாநில சாதனை மாணவர்கள் குறித்து அறிமுகவுரையாற்றப்பட்டது. தொடர்ந்து, நடைபெற்று முடிந்த ப்ளஸ் 2 அரசுப் பொதுத் தேர்வில் 1200க்கு 1189 மதிப்பெண்கள் பெற்று, மாநில அளவில் முதலிடங்களைப் பெற்ற மாணவர்கள் எஸ்.அபினேஷ், எஸ்.ஜெயசூர்யா ஆகியோருக்கு, தி காயல் ஃபர்ஸ்ட் ட்ரஸ்ட் சார்பில், தலா ரூபாய் 10 ஆயிரம் பணப்பரிசு, விருது மற்றும் சான்றிதழ்களை சிறப்பு விருந்தினர்கள் வழங்கினர்.





பின்னர், மாநிலத்தின் முதன்மாணவர்களான எஸ்.அபினேஷ், எஸ்.ஜெயசூர்யா ஆகியோர் ஏற்புரை வழங்கினர்.





பின்னர், காயல்பட்டினம் சென்ட்ரல் மேனிலைப்பள்ளியின் தலைமையாசிரியராகப் பணியாற்றி அண்மையில் பணி நிறைவு பெற்ற காஜா முகைதீன், எல்.கே.மேனிலைப்பள்ளியின் தலைமையாசிரியராகப் பணியாற்றி அண்மையில் ஓய்வு பெற்ற எம்.ஏ.முஹம்மத் ஹனீஃபா ஆகியோர், தமது பணிக்காலத்தில் இக்ராஃ மற்றும் தி காயல் ஃபர்ஸ்ட் ட்ரஸ்ட் அமைப்புகளின் மாணவர் நல செயல்திட்டங்களுக்கு முழு ஒத்துழைப்பளித்தமைக்காக அவர்களுக்கு, சிறப்பு விருந்தினர்களால் நினைவுப் பரிசு வழங்கப்பட்டது.





பின்னர், இந்நிகழ்ச்சிக்கு இணை அனுசரணையளித்திருந்த வள்ளியூர் பெட் பொறியியல் கல்லூரியின் சார்பில் அதன் முன்னாள் முதல்வரும், தற்போதைய டீனுமாகிய பேராசிரியர் அபூபக்கர், பெட் கல்லூரிகள் குழுமத்தின் ஒருங்கிணைப்பாளர் ஷாஹுல் ஹமீத் ஆகியோர் வாழ்த்துரை வழங்கினர்.





பின்னர், தூத்துக்குடி மாவட்ட கல்வி அலுவலர் ரத்தினம் வாழ்த்துரை வழங்கினார்.



அடுத்து, காயல்பட்டினம் நகர்மன்றத் தலைவர் ஐ.ஆபிதா ஷேக் தன் சார்பில் - சிறப்பு விருந்தினர்களுக்கு சால்வை அளித்ததுடன், மாநில சாதனை மாணவர்களுக்கு - இந்திய முன்னாள் ஜனாதிபதி ஏ.பி.ஜெ.அப்துல் கலாம் எழுதிய ‘அக்னி சிறகுகள்’ என்ற நூலை அன்பளிப்பாக வழங்கினார். விழாவின் சிறப்பு விருந்தினர்களுக்கு அவர் சால்வை அளித்து கண்ணியம் செய்தார்.





பின்னர், தமது பயண நேரம் நெருங்கியதையடுத்து, மாநில சாதனை மாணவர்கள் இருவரும் அரங்கு நிறைந்த கரவொலிக்கிடையில் விடைபெற்றுச் சென்றனர்.



பின்னர், பரிசளிப்பு நிகழ்ச்சி துவங்கியது. துவக்கமாக, குழந்தை வளர்ப்பு மற்றும் உணவு மேலாண்மை பாடத்தில், மாநில அளவில் மூன்றாமிடம் பெற்ற காயல்பட்டினம் அரசு மகளிர் மேனிலைப்பள்ளி மாணவி எஸ்.ரத்னசூர்யாவுக்கு ரூபாய் 2 ஆயிரம் பணப்பரிசு, சான்றிதழ் ஆகியவற்றை, மாவட்ட கல்வி அலுவலர் வழங்கினார்.



அதனைத் தொடர்ந்து, ப்ளஸ் 2, எஸ்.எஸ்.எல்.சி. தேர்வுகளில் காயல்பட்டினம் நகரளவில் முதல் மூன்றிடங்களைப் பெற்ற மாணவ-மாணவியர்,

திருமறை குர்ஆனை மனனம் செய்து முடித்துள்ள ஹாஃபிழ் மாணவர்களுள் - ப்ளஸ் 2, எஸ்.எஸ்.எல்.சி. தேர்வில் முதல் மூன்றிடங்களைப் பெற்ற மாணவ-மாணவியர்,

ப்ளஸ் 2 தேர்வில் 1000 மற்றும் அதற்கு மேலும், 1100 மற்றும் அதற்கு மேலும் மதிப்பெண்கள் பெற்ற மாணவ-மாணவியர்,

ப்ளஸ் 2 மற்றும் எஸ்.எஸ்.எல்.சி. தேர்வுகளில் பாட வாரியாக நூறு சதவிகித மதிப்பெண்களைப் பெற்ற மாணவ-மாணவியர்,

ப்ளஸ் 2 தேர்வில் சிறந்த கட் ஆஃப் (சிறப்புத் தேர்ச்சி) மதிப்பெண்களைப் பெற்ற மாணவ-மாணவியர் ஆகியோருக்கு பணப்பரிசுகள், பதக்கங்கள் மற்றும் சான்றிதழ்கள் வழங்கப்பட்டன.

பின்னர், தி காயல் ஃபர்ஸ்ட் ட்ரஸ்ட் சார்பில், நடப்பாண்டின் சிறந்த பள்ளிகளுக்கான விருதுகள் வழங்கப்பட்டன. பரிசுகள் அனைத்தையும் - சிறப்பு விருந்தினர்கள், மேடையில் முன்னிலை வகித்தோர் தம் கரங்களால் வழங்கினர்.

தி காயல் ஃபர்ஸ்ட் ட்ரஸ்ட் அறங்காவலர் பி.ஏ.புகாரீ நன்றி கூற, துஆ - ஸலவாத் - கஃப்பாராவுக்குப் பின், நாட்டுப்பண்ணுடன் விழா நிகழ்ச்சிகள் யாவும் நிறைவுற்றன.



இவ்விழாவில், நகரின் அனைத்துப் பகுதிகளைச் சேர்ந்த கல்வி ஆர்வலர்கள் உள்ளிட்ட பொதுமக்கள், மாணவ-மாணவியரின் பெற்றோர், பள்ளிகளின் நிர்வாகிகள் மற்றும் ஆசிரியர்கள் திரளாகக் கலந்துகொண்டனர்.















நிகழ்ச்சி ஏற்பாடுகளை, இக்ராஃ கல்விச் சங்க நிர்வாகி ஹாஜி ஏ.தர்வேஷ் முஹம்மத் ஒருங்கிணைப்பில், அதன் மக்கள் தொடர்பாளர் ஹாஜி என்.எஸ்.இ.மஹ்மூது, பொருளாளர் கே.எம்.டி.சுலைமான், துணைச் செயலாளர் எஸ்.கே.ஸாலிஹ், தி காயல் ஃபர்ஸ்ட் ட்ரஸ்ட் அறங்காவலர்களான எம்.எஸ்.முஹம்மத் ஸாலிஹ், பி.ஏ.புகாரீ உள்ளிட்டோர் செய்திருந்தனர்.

இந்நிகழ்ச்சிக்கு, இக்ராஃ கல்விச் சங்கம் - தி காயல் ஃபர்ஸ்ட் ட்ரஸ்ட் அமைப்புகளுடன் இணைந்து, வள்ளியூர் பெட் பொறியியல் கல்லூரி இணை அனுசரணையளித்திருந்தமை குறிப்பிடத்தக்கது.

பரிசளிப்பு நிகழ்ச்சி குறித்த விரிவான விபரம் பிரிவு வாரியாக தனித்தனி செய்தியாக வெளியிடப்படும்.

படங்கள்:
ஹிஜாஸ் மைந்தன்
செய்தியாளர் - காயல்பட்டணம்.காம்
மற்றும்
வீனஸ் ஸ்டூடியோ


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by சாளை S.I.ஜியாவுத்தீன் (அல்கோபார் ) [08 July 2013]
IP: 37.*.*.* Saudi Arabia | Comment Reference Number: 28478

மாஷா அல்லாஹ்.

எல்லாப் புகழும் வல்ல அல்லாஹ்விற்கே.!!

சென்ற வருடம் நடைபெற்ற இந்த விழாக்களில் நானும் கலந்து கொண்டு அவதானித்துள்ளேன். இதை நடத்த எவ்வளவு கஷ்டப்படுகிறார்கள் என்பதை நேரில் உணர்ந்து, இந்த வருடமும் சிறப்பாக நடைபெற்று, நன்மையாக முடியனும் என்று நானும் டென்ஷன் உடன் தான் இருந்தேன். அல்ஹம்து லில்லாஹ். அருமையாக அமைந்துள்ளது, அனைவர்களுக்கும் பாராட்டுக்கள்.

தொடரட்டும் உங்களின் கல்விப்பணிகள் மற்றும் நம் மாணவர்களை சாதனை மாணவர்களாக மாற்றிக்காட்டனும் என்ற உங்களின் வெறிக்கும்.

சாளை S.I.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...மனிதனின் மூன்றாவது கண் கல்வி
posted by செய்யது இப்ராஹிம் (yanbu,ksa ) [09 July 2013]
IP: 176.*.*.* Saudi Arabia | Comment Reference Number: 28483

இக்ராஃ என்ற சிறு அமைப்பை ஏற்படுத்தி அதன் மூலமாக நமது ஊர் ஏழை எளிய மாணவர்களின் கல்வி கண்ணை 'கல்வி உதவித் தொகை' என்ற இமைகள் கொண்டு திறந்தும் , கல்வியில் முதலிடம் பெரும் மாணவர்களுக்கு கல்வி ஊக்கத் தொகை வழங்கியும் . நமது ஊர் மாணவர்களின் கல்வியில் தனி அக்கறையும். நல் வழிகாட்டும் முயற்சியாக மாநிலத்தின் முதல் மதிப்பெண்கள் பெற்ற மாணவர்களை சிறப்பு விருந்தினராக அழைத்தும், அவர்கள் மூலமாக நமதூர் மாணவர்களுக்கு உற்சாகம் ஏற்படுத்திம் இன்னும் பல உதவிகள் செய்யும் இக்ராஃ அமைப்பை வாழ்த்த வார்த்தைகள் இல்லை .....மாஷா அல்லாஹ் .


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by salai s nawas (singapore) [09 July 2013]
IP: 116.*.*.* Singapore | Comment Reference Number: 28486

என் பாசமிகு நண்பன் " நன்றியுரை " புஹாரியை பார்த்து ரொம்ப சந்தோசம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2020. The Kayal First Trust. All Rights Reserved