{ முகநூல் கருத்துக்கள்}{ட்விட்டர் கருத்துக்கள்}

இஸ்லாமிய தமிழ் இலக்கிய மாமன்றம் சார்பில் எட்டாம் மாத கலந்துரையாடல் 12-10-2013 அன்று நடைபெறவுள்ளது. இது குறித்து அதன் அமைப்பாளர் இணையதள எழுத்தாளர் ALS இப்னு அப்பாஸ் வெளியிட்டுள்ள அறிக்கை வருமாறு:

அனைவர்களுக்கும் அஸ்ஸலாமு அலைக்கும்.

இன்ஷா அல்லாஹ் வருகிற 12-10-2013 சனிக்கிழமை மாலை 4.45 மணியளவில் நமது இஸ்லாமிய தமிழ் இலக்கிய மாமன்றம் சார்பில் எட்டாம் மாத கலந்துரையாடல் காயல்பட்டினம் புதுப்பள்ளி வளாகத்திலுள்ள ரிஸ்வான் சங்கம் (அரசு நூலகம்) அருகில் நடைபெறவுள்ளது. இலக்கியப் பிரியர்கள் அனைவரும் வயது வரம்பின்றி கட்டணம் ஏதுமின்றி கலந்து கொள்ளலாம்.

நீங்கள் நூலகம் சென்று தின, வார, மாத இதழ்களில் படித்த உங்களுக்கு விருப்பமான சுவையான குறிப்புகளையும், நூல்களில் சுவைத்த பகுதிகளையும் இலக்கிய வேந்தர்கள் முன்வந்து எடுத்துரைக்கலாம். இதனால் நூலகம் சென்று படிக்கத் தூண்டுவதும் கலந்துரையாடல் மூலம் பேச்சாற்றலையும், குறிப்பு எடுத்து வருவதால் எழுத்தாற்றலையும் வளர்த்துக் கொள்ள முடியும். வருகிற அனைவரும் குறிப்பு எடுத்து பேச வேண்டும் என்றும் யாரையும் கட்டாயப்படுத்தவில்லை. பார்வையாளராக வரலாம்.

ஒருமுறை இந்த கலந்துரையாடலில் கலந்து கொள்ளும்போது பல புதிய அறிஞர்கள் ஆற்றல்மிக்க படிப்பாளிகள் உங்களுக்கு அறிமுகம் ஆகிறார்கள். அத்துடன் அடுத்தமுறை உங்கள் முகவரியை தேடி நினைவுபடுத்தும் தபாலும் அனுப்பி வைக்கப்படும். சென்னையில் 500 வது மாதம் நடைபெற்று வருகிறது என்பதை முல்லைச்சரம் இலக்கிய மாத இதழ் செய்தி வெளியிட்டு இருக்கிறது. நமதூரில் புதுமையான இந்த ஏற்பாட்டைட மாதத்தில் இரண்டாவது சனிக்கிழமை அரசு விடுமுறை காலத்தில் நடத்தி வருவதின் காரணம் அரசு வேலைகளில் இருப்போர் அதிக அக்கறையோடு பிரியத்தோடு மாதந்தோறும் கலந்து கொள்கிறார்கள். இன்ஷாஅல்லாஹ் இந்த அறிவிப்பை படித்த நீங்களும் உங்கள் நண்பர்களோடு வந்து கலந்து கொள்ளுங்கள்.

இவ்வாறு அவ்வறிக்கையில் தெரிவிக்கப்பட்டுள்ளது.