|
எதிர்வரும் ஈதுல் அழ்ஹா - ஹஜ் பெருநாளை முன்னிட்டு, சென்னை மெரினா கடற்கரையில் காயலர் ஒன்றுகூடல் நிகழ்ச்சியை நடத்திட, காயல்பட்டினம் - சென்னை வழிகாட்டு மையம் (KCGC) தீர்மானத்துள்ளதோடு, அதில் கலந்துகொள்ள அனைத்து காயலர்களுக்கும் அழைப்பும் விடுத்துள்ளது.
இதுகுறித்து, KCGC அமைப்பின் சார்பில் அதன் செயலாளர் எஸ்.கே.ஷமீமுல் இஸ்லாம் வெளியிட்டுள்ள அழைப்பறிக்கை:-
பிஸ்மில்லாஹிர்ரஹ்மானிர்ரஹீம்
அன்பின் சென்னை வாழ் காயல்வாசிகளே! அஸ்ஸலாமு அலைக்கும் வரஹ்....!
சென்ற நோன்புப் பெருநாளன்று, சென்னை மெரினாவிலுள்ள காந்தி பீச்சில், KCGC மூலம் ஏற்பாடு செய்யப்பட்ட பெருநாள் ஒன்றுகூடல் நிகழ்ச்சி நடத்தப்பட்டது உங்களுக்கு நினைவிருக்கலாம். சுமார் 100 பேர் குடும்பத்துடன் அதில் கலந்துகொண்டு, உறவினர்கள் மற்றும் நண்பர்களுடன் ஒரே இடத்தில் அளவளாவி, இரவில் நீண்ட நேரத்திற்குப் பின் தத்தமது இல்லத்திற்குத் திரும்பிச் சென்றனர்.
அதேபோன்று, சென்னையில் பெருநாளைக் கொண்டாடும் காயலர்களுக்காக, இன்ஷாஅல்லாஹ் வரும் புனித ஹஜ்ஜுப் பெருநாளை முன்னிட்டு, வரும் புதன்கிழமை (16-10-2013) மாலை 05..00 மணி முதல் சென்னை மெரீனாவின் ஓர் அங்கமாகிய விவேகானந்தர் இல்லத்திற்கு எதிரில் அமைந்துள்ள கடற்கரை மணற்பரப்பில் குடும்பத்துடன் சங்கமிக்க ஏற்பாடுகள் செய்யப்பட்டுள்ளன.
பெண்களும் தனியாக அமர்ந்து அவர்களிடையே மகிழ்ச்சியை பகிர்ந்துகொள்ள ஏற்பாடு செய்யப்பட்டுள்ளது. ஒன்றுகூடலுக்கு வருவோர் தொழுவதற்காக முஸல்லாவும், அமர்வதற்காக விரிப்புகளும் கொண்டு வருமாறு மிக்க அன்புடன் கேட்டுக்கொள்கிறோம்.
ஹஜ் பெருநாளை நமதூரிலிருக்கும் உணர்வுடன் கொண்டாடிக் களிக்க, அனைவரும் இந்த வாய்ப்பைப் பயன்படுத்திக்கொள்ளுமாறு KCGC அகமகிழ்வுடன் அழைப்பு விடுக்கிறது.
இச்செய்தியைப் படிப்போர் தங்களது மின்னஞ்சல், வாட்ஸ்அப், குறுஞ்செய்தி மூலமாக தங்களது சுற்றத்தாருக்கும், நட்புகளுக்கும் தெரிவித்து, அவர்களையும் கலந்துகொள்ளச் செய்யுமாறு அன்புடன் கேட்டுக்கொள்கிறோம்.
அனைவருக்கும் எங்களின் இனிய தியாகத் திருநாள் - ஈதுல் அழ்ஹா நல்வாழ்த்துக்கள்!
மேலும் தொடர்புக்கு,
எஸ்.கே.ஷமீமுல் இஸ்லாம் +91 97911 17765
குளம் முஹம்மது தம்பி +91 98401 84838
கிதுரு முஹ்யித்தீன் +91 97910 14298
இவ்வாறு, KCGC அமைப்பின் சார்பில் அதன் செயலாளர் எஸ்.கே.ஷமீமுல் இஸ்லாம் வெளியிட்டுள்ள அழைப்பறிக்கையில் தெரிவித்துள்ளார். |
