Kayal on the Web

செய்திகள்

செய்தி எண் (ID #) 12046

#KOTW12046

வியாழன், அக்டோபர் 10, 2013

ஆஸாத் தெருவில் தந்தையும், மகனும் அடுத்தடுத்து மரணம்! நகரமே சோகத்தில் மூழ்கியது!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4583 முறை பார்க்கப்பட்டுள்ளது | வாசகர் கருத்துக்கள் காண (38) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 3)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஒரே குடும்பத்தில், தந்தையும் - மகனும் அடுத்தடுத்து மரணமடைந்த நிகழ்வு, காயல்பட்டினத்தில் பெரும் சோகத்தை ஏற்படுத்தியுள்ளது. விபரம் வருமாறு:-

காயல்பட்டினம் ஆஸாத் தெரு 3 மாடி வீட்டைச் சேர்ந்த காதர் அஹ்மத் அலீ என்ற டிப்போ காதர், இம்மாதம் 08ஆம் தேதி செவ்வாய்க்கிழமையன்று (நேற்று முன்தினம்) இரவு 07.30 மணியளவில் காலமானார். அவருக்கு வயது 75.

காயல்பட்டினம் பேரூராட்சியாக இருந்தபோதும், நகராட்சியான பின்பும் பல்லாண்டு காலமாக ஆடு - மாடு அறுப்புத் தொட்டி (டிப்போ) குத்தகைக்காரராக இருந்துள்ள இவர்,

மர்ஹூம் மொகுதூம் மரைக்கார் என்பவரின் மகனும்,

மர்ஹூம் ஹாஜி ஹபீப் முஹம்மத் என்பவரின் மருமகனும்,

மர்ஹூம் முஹம்மத் அப்துல் காதிர், மர்ஹூம் அஹ்மத் மரைக்கார், மர்ஹூம் முஹம்மத் ஹனீஃபா ஆகியோரின் சகோதரரும்,

ஜெய்லானீ, ஹபீப் முஹம்மத் ஸாதிக், முஹம்மத் ஆரிஃப், முஹம்மத் யூனுஸ் (கைபேசி எண்: +91 90431 33934), ஸர்ஃபுத்தீன் (கைபேசி எண்: +91 97870 01186) ஆகியோரின் தந்தையும்,

கே.பி.ஃபைஸல் அஹ்மத், மீரா ஸாஹிப், சாமுனா லெப்பை ஆகியோரின் மாமனாரும்,

அப்துல் ஹகீம், ஃபர்ஹான் ஆகியோரின் பாட்டனாருமாவார்.

அன்னாரின் ஜனாஸா நேற்று (அக்டோபர் 09 புதன்கிழமை) மாலை 05.00 மணியளவில், காயல்பட்டினம் குருவித்துறைப் பள்ளி மையவாடியில் நல்லடக்கம் செய்யப்பட்டது.

இவரது மரணச் செய்தி, சென்னையில் பணிபுரியும் இவரது இரண்டாவது மகன் ஹபீப் முஹம்மத் ஸாதிக் (வயது 45) என்பவருக்குத் தெரிவிக்கப்பட்டதையடுத்து, அவர் அங்கிருந்து உடனடியாக ஊருக்குப் புறப்பட்டதாகத் தெரிகிறது.

அறிவிக்கப்பட்ட நல்லடக்க நேரமான - நேற்று மாலை 05.00 மணி வரை இவரது வருகையை குடும்பத்தினர் எதிர்பார்த்துக் காத்திருந்ததாகவும், இவரது கைபேசி செயலிழந்திருந்ததாகவும் கூறப்படுகிறது. அதனையடுத்து, ஜனாஸா குறித்த நேரத்தில் நல்லடக்கம் செய்யப்பட்டது.

இந்நிலையில், இன்று (அக்டோபர் 10 - வியாழக்கிழமை) காலையில், காயல்பட்டினம் அருகிலுள்ள கச்சினாவிளையில் யாரென அறியப்படாத ஒருவர் உயிரிழந்த நிலையில் கிடப்பதாக செய்தி கிடைக்கப் பெற்றதையடுத்து, குடும்பத்தினர் அங்கு சென்று பார்த்துள்ளனர்.

உயிரிழந்த அந்த நபர் 08ஆம் தேதி மரணமடைந்த காதர் அஹ்மத் அலீ என்ற டிப்போ காதரின் இரண்டாவது மகன் ஹபீப் முஹம்மத் ஸாதிக்தான் என்பதை குடும்பத்தினர் உறுதி செய்துள்ளனர்.

இதனையடுத்து, அவரது உடல் பிரேத பரிசோதனைக்காக, திருச்செந்தூர் அரசு மருத்துவமனைக்குக் கொண்டு செல்லப்பட்டுள்ளது. ஜனாஸா, இன்று மாலை 05.30 மணியளவில், காயல்பட்டினம் ஆறாம்பள்ளி மையவாடியில் நல்லடக்கம் செய்யப்படவுள்ளது.

ஒரே குடும்பத்தில், தந்தையும் - மகனும் அடுத்தடுத்து மரணமடைந்துள்ள செய்தி, காயல்பட்டினத்தில் பெரும் சோகத்தை ஏற்படுத்தியுள்ளது.

உயிரிழந்த ஹபீப் முஹம்மத் ஸாதிக்குக்கு, மனைவி, இரண்டு மகன்கள் மற்றும் ஒரு மகள் உள்ளது குறிப்பிடத்தக்கது.

தகவல்:
சென்னையிலிருந்து...
‘நெட்காம்’ புகாரீ

[கூடுதல் படம் இணைக்கப்பட்டது @ 10:55 / 11.10.2013]

{TAGS} wafat death obituary dippo kader depot kader kader ahmed ali habeeb mohamed sadiq azad street kachinavilai

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...இன்னாலில்லாஹி.....
posted by அப்துல்காதர் (பாதுல் அஷ்ஹப்) (Muscat.) [10 October 2013]
IP: 213.*.*.*

Oman | Comment Reference Number: 30622

இன்னாலில்லாஹி வஇன்னா இலைஹி ராஜிவூன். அல்லாஹ் மரணித்தவர்களின் பாவங்களை பிழை பொருத்தருள்வனாக. ஆமீன்.

அப்துல்காதர் (பாதுல் அஷ்ஹப்)