Kayal on the Web

செய்திகள்

செய்தி எண் (ID #) 12160

#KOTW12160

புதன், அக்டோபர் 23, 2013

நஸூஹிய்யா மத்ரஸா சார்பில், டிச. 28, 29, 30 தேதிகளில் தமிழகம் தழுவிய திருக்குர்ஆன் மனனப் போட்டி! முன்னேற்பாடுகள் குறித்து கலந்தாலோசனை!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2716 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சதுக்கைத் தெருவில் இயங்கி வரும் அல்மத்ரஸத்துன் நஸூஹிய்யா சார்பில், தமிழகம் தழுவிய அளவில், திருக்குர்ஆன் மனனப் (ஹிஃப்ழுப்) போட்டி, வரும் டிசம்பர் மாதம் 28, 29, 30 தேதிகளில் (சனி, ஞாயிறு, திங்கள்) நடத்த திட்டமிடப்பட்டுள்ளது.

இதற்கான ஏற்பாடுகள் குறித்து கலந்தாலோசிப்பதற்கான ஆலோசனைக் கூட்டம், காயல்பட்டினம் சிறிய குத்பா பள்ளி தோட்டத்தில், மவ்லவீ கத்தீப் அஹ்மத் அப்துல் காதிர் தலைமையில், இம்மாதம் 22ஆம் தேதி செவ்வாய்க்கிழமை (நேற்று) காலை 10.00 மணியளவில் நடைபெற்றது.

மத்ரஸத்துன் நஸூஹிய்யா ஆசிரியர் ஹாஃபிழ் சொளுக்கு முஹ்யித்தீன் அப்துல் காதிர் தவ்ஹீத் கிராஅத் ஓதி கூட்டத்தைத் துவக்கி வைத்தார். நஸூஹிய்யா மத்ரஸா நிறுவனர் ஹாஜி கிழுறு முஹம்மத் ஹல்லாஜ் அனைவரையும் வரவேற்றுப் பேசினார்.

தமிழ்நாடு மாநில ஜமாஅத்துல் உலமா சபையின் தூத்துக்குடி மாவட்ட தலைவரும், காயல்பட்டினம் ஜாவியா அரபிக்கல்லூரியின் முதல்வரும், அல்ஜாமிஉஸ் ஸகீர் - சிறிய குத்பா பள்ளியின் கத்தீபுமான மவ்லவீ எஸ்.எம்.முஹம்மத் ஃபாரூக் அல்ஃபாஸீ சிறப்புரையாற்றினார்.

தொடர்ந்து நடைபெற்ற கலந்தாலோசனையின் நிறைவில், ஏற்கனவே அறிவிக்கப்பட்ட தேதியில் தமிழகம் தழுவிய அளவில் திருக்குர்ஆன் மனனப் போட்டியை, சிறிய குத்பா பள்ளி வளாகத்தில் நடத்துவதென்று தீர்மானிக்கப்பட்டு, அதற்கான ஏற்பாடுகளைச் செய்வதற்காக, 15 பேர் கொண்ட குழு நியமனம் செய்யப்பட்டது.

துஆ - ஸலவாத்துடன் கூட்டம் நிறைவுற்றது.

{TAGS} nasoohiyya madrasa madrasathun nasoohiyya nasoohiya state level hifl competition competition state level competition holy quran hifl competition

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இல்லாத ஆள் ?
posted by Shaik Dawood (Hong Kong) [23 October 2013]
IP: 220.*.*.*

Hong Kong | Comment Reference Number: 30928

கே ஏ அஹ்மது ஆலிம் என்று குறிப்பிட்டால் நல்லது. சிறு பள்ளி ... கத்தீபு என்றதும் ஹெச் ஏ ஆலிம் இல்லையே என்று தோன்றியது.

போட்டி நல்ல முறையில் நடந்தேற வாழ்த்துக்கள். வஸ்ஸலாம்

தாவூது (அபூ ஹமீது ஷாஃபி)

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...ஏன் அவர்கள் ஹாபிழ்கள் இல்லையா
posted by Musthafa.MIN (chennai) [23 October 2013]
IP: 122.*.*.*

India | Comment Reference Number: 30929

இப்படி ஒரு நோட்டீஸ் பிரசுரிக்க அவசியம் என்ன? தங்கள் கொள்கை உடைய மக்கள் பயிலும் கல்வி நிறுவனங்களுக்கு நேரடியாகவே அனுப்பி இருக்கலாம். அந்த வரியை குறிப்பிட வேண்டிய அவசியம் என்ன? தௌஹீத் கொள்கையில் இருக்கும் குரானை மனனம் செய்தவர்கள் ஹபில்கள் இல்லையா?. அல்லாஹ் போதுமானவன்.

காயல்பட்டினம் ????????????????

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...சிறு விளக்கம்
posted by அபூதாஹிர் (புனித மக்கா) [23 October 2013]
IP: 188.*.*.*

Saudi Arabia | Comment Reference Number: 30938

போட்டிகள் சிறப்பாக நடந்தேற வல்ல ரஹ்மான் அருள் புரிவானாக! ஆமீன்!! சகோதரர் முஸ்தபா அவர்களுக்கு... நடத்தும் இயக்கம்(மத்ரஸத்துன் நஸூஹிய்யா) ஏற்றுள்ள கொள்கை எதுவோ அந்த கொள்கை உடையவர்களாகவே போட்டியாளர்களும் இருக்க வேண்டும் என்பதில் என்ன தவறு?. குர்ஆனில் பிழை இருக்கிறது என்று மற்ற கொள்கை உடையவர்கள் விவாதம் செய்யும் இக்காலத்தில் கொள்கைகளைப் பற்றி குறிப்பிடுவது காலத்தின் அவசியம் தானே!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. ஹிஃப்ழுப் போட்டி !!
posted by Salai.Mohamed Mohideen (Bangalore) [24 October 2013]
IP: 116.*.*.*

India | Comment Reference Number: 30940

உலக கல்வியே வாழ்க்கை என்ற மாயை உருவாகி ஹாஃபிழ்கள் குறைந்து வரும் இக்காலத்தில், இது போன்ற ஹிஃப்ழுப் போட்டி நிச்சயம் ஹாஃபிழ்களை ஊக்குவிக்கும். பரிசுகளும் இக்கலாத்திற்கு தகுந்தாற்போல் கவர்ச்சிக்கரமாக உள்ளன. வாழ்த்துக்கள் !!

பலதரப்பட்ட கொள்கைகளை உள்ளடக்கிய தமிழகத்தில்... போட்டியின்போது தேவையற்ற சிக்கல்களை தவிர்க்க, போட்டியை நடத்துபவர்கள் இன்னார்தான் கலந்துக் கொள்ளவேண்டும் என்று 'முன்னரே' கூறுவதில் தவறு இருப்பதாகவே தோன்றவில்லை. அது அவரவர் விருப்பம்.

இருப்பினும் ஹிஃப்ழுப் போன்ற போட்டிகள் எல்லோரும் கலந்துகொள்ளும் வகையில் அமைந்தால் இன்னும் நன்றாக இருக்கும் என்பது தாழ்மையான எண்ணம்!!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்