{ முகநூல் கருத்துக்கள்}{ட்விட்டர் கருத்துக்கள்}

திருநெல்வேலி மனோன்மனீயம் சுந்தரனார் பல்கலைக் கழக அளவில், பி.எஸ்ஸி. விலங்கியல் பிரிவு மற்றும் விலங்கியல் பாடத்தில் முதலிடம் பெற்ற - திருச்செந்தூர் கோவிந்தம்மாள் ஆதித்தனார் மகளிர் கலை மற்றும் அறிவியல் கல்லூரி மாணவி - காயல்பட்டினம் நெசவுத் தெருவைச் சேர்ந்த ஜெ.ராபியத்துல் ஃபஹ்மிய்யா,

மனோன்மனீயம் சுந்தரனார் பல்கலைக் கழக அளவில், பி.எஸ்ஸி. கணினி அறிவியல் பிரிவு மற்றும் கணினி அறிவியல் பாடத்தில் முதலிடம் பெற்ற - வாவு வஜீஹா வனிதையர் கல்லூரி மாணவி - காயல்பட்டினம் கொச்சியார் தெருவைச் சேர்ந்த ஹாஃபிழ் எஸ்.எம்.ஐ.ஷாஹுல் ஹமீத் என்ற சாவன்னா மனைவி எஸ்.என்.அஹ்மத் ஹலீமா,

மனோன்மனீயம் சுந்தரனார் பல்கலைக் கழக அளவில், அரபி மொழி பாடத்தில் முதலிடம் பெற்ற - வாவு வஜீஹா வனிதையர் கல்லூரி மாணவி - காயல்பட்டினம் சொளுக்கார் தெருவைச் சேர்ந்த நஹ்வீ எஸ்.எச்.யாஸ்மின் ஃபர்ஹானா

ஆகியோருக்கு, கடந்த செப்டம்பர் மாதம் 23ஆம் தேதி திங்கட்கிழமை காலை 10.00 மணியளவில், மனோன்மனீயம் சுந்தரனார் பல்கலைக் கழக வளாகத்தில் நடைபெற்ற பட்டமளிப்பு விழாவில், சான்றிதழ் மற்றும் பதக்கங்கள் வழங்கப்பட்டது.

இவ்விழாவை தலைமையேற்று நடத்திய - தமிழக ஆளுநர் கே.ரோசய்யா, மேற்படி மாணவியர் உட்பட - பல்கலைக் கழக அளவில் அனைத்துப் பாடப் பிரிவுகளிலும் முதலிடங்களைப் பெற்ற மாணவ-மாணவியருக்கு சான்றிதழ்கள் மற்றும் பதக்கங்களை வழங்கினார்.