{ முகநூல் கருத்துக்கள்}{ட்விட்டர் கருத்துக்கள்}

முஹர்ரம் (1435) மாத அமாவாசை நவம்பர் 3 ஞாயிற்றுக்கிழமை அன்று - இங்கிலாந்து நேரப்படி மதியம் 12:49 மணி அளவில் ஏற்படுகிறது. அப்போது இந்திய நேரம் நவம்பர் 3 மாலை 6:19 மணி.



நவம்பர் 3 அன்று காயல்பட்டணத்தில் சூரியன் மாலை 5:54 மணிக்கு மறைகிறது. சந்திரன் மறையும் நேரம் 5:51. அன்று காயல்பட்டினத்தில் சந்திரன் மறையும் போது, அமாவாசை நிகழ சுமார் 25 நிமிடங்கள் இன்னும் இருக்கும்.

அன்று பசிபிக் கடல் பகுதியில் INTERNATIONAL DATE LINE அருகே, தொலைநோக்கிகள் உதவிக்கொண்டு பிறையை காணலாம்.





நவம்பர் 4 அன்று காயல்பட்டணத்தில் சூரியன் மாலை 5:54 மணிக்கு மறைகிறது. சந்திரன் மறையும் நேரம் 6:45. சூரியன் மறையும்போது சந்திரனின் வயது 23.5 மணி நேரம். சூரியன் மறைந்து வானில் 51 நிமிடம் வரை பிறை இருக்கும். காயல்பட்டினத்தில் பிறையை வெறுங்கண்ணால் எளிதாக காணலாம்.



அன்று தென் கிழக்கு ஆசியா, தென் இந்தியா, இலங்கை, அரேபியா தீபகற்பம், ஆப்ரிக்கா, தென் அமெரிக்கா, வட அமெரிக்காவின் அநேக பகுதிகள் ஆகியவற்றில் - பிறை எளிதாக தெரியும்.

வடக்கு ஐரோப்பா, வடக்கு ரஷ்யா, வடக்கு சீனா, நியூசிலாந்து ஆகிய பகுதிகளை தவிர இதர பகுதிகளில் வானிலை சூழல் தெளிவாக இருந்தால் பிறை தெரியும்.

பிறையை கணக்கிட்டு அறியலாம் என்ற நிலையில் உள்ள ஒரு சாராருக்கும் (Hijra Committee, Kerala), மற்றொரு விதிமுறை அடிப்படையில் பிறையினை கணக்கிடும் Islamic Society of North America [ISNA], Fiqh Council of North America [FCNA], European Council for Fatwa and Research [ECFR], Conseil Français du Culte Musulman அமைப்புகளை ஏற்றுக்கொள்ளும் சாராருக்கும் நவம்பர் 4 - முஹர்ரம் 1 ஆகும். நவம்பர் 13 அன்று ஆஷூரா (முஹர்ரம் 10) தினமாகும்.

உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு நவம்பர் 3 (அமாவாசை) அன்று துல்ஹஜ் 29 பூர்த்தி ஆகிறது. அன்று பசிபிக் கடல் பகுதியில் INTERNATIONAL DATE LINE அருகே, தொலைநோக்கிகள் உதவிக்கொண்டு பிறையை காணலாம். அப்பகுதிகளில் நவம்பர் 3 அன்று பிறை காணப்பட்ட தகவல் கிடைக்கப்பெற்றால் - அவர்கள் துல்ஹஜ் 29 பூர்த்தி செய்து, நவம்பர் 4 அன்று முஹர்ரம் மாதம் துவக்குவர். நவம்பர் 13 அன்று ஆஷூரா (முஹர்ரம் 10) தினமாகும். அவ்வாறு தகவல் கிடைக்கப்பெறவில்லை எனில் அவர்கள் - நவம்பர் 4 அன்று துல்ஹஜ் 30 பூர்த்தி செய்து, நவம்பர் 5 - முஹர்ரம் மாதம் துவக்குவர். அப்போது நவம்பர் 14 அன்று ஆஷூரா (முஹர்ரம் 10) தினமாகும்.

அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்களுக்கு நவம்பர் 3 (அமாவாசை) அன்று துல்ஹஜ் 28 பூர்த்தி ஆகிறது. நவம்பர் 4 அன்று காயல்பட்டினத்தில் பிறையை வெறுங்கண்ணால் காணலாம். அவ்வாறு பிறையைக்கண்டால் நவம்பர் 4 அன்று அவர்கள் துல்ஹஜ் 29 பூர்த்தி செய்வர். நவம்பர் 5 முஹர்ரம் மாதம் துவக்குவர். அப்போது நவம்பர் 14 அன்று ஆஷூரா (முஹர்ரம் 10) தினமாகும். வானிலை சூழல் காரணமாக அன்று பிறை தென்படவில்லை எனில் - நவம்பர் 5 அன்று துல்ஹஜ் 30 பூர்த்தி செய்து, நவம்பர் 6 முஹர்ரம் மாதம் துவக்குவர். அப்போது நவம்பர் 15 அன்று ஆஷூரா (முஹர்ரம் 10) தினமாகும்.

துல்ஹஜ் 1434 மாத பிறை விபரங்களை காண இங்கு அழுத்தவும்