Kayal on the Web

செய்திகள்

செய்தி எண் (ID #) 12631

#KOTW12631

செவ்வாய், டிசம்பர் 24, 2013

உச்சினிமாகாளியம்மன் கோயில் தெரு பகுதியில் மணல் திருட்டு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2826 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் உச்சினிமாகாளியம்மன் கோயில் தெரு பகுதியில், காட்டுப் பக்கீர் அப்பா தர்ஹா அமைந்துள்ள பகுதிக்கு தென்கிழக்கிலுள்ள தனியார் நிலத்தில் மணல் திருட்டு பல நாட்களாக நடைபெற்றுள்ளது.

தனக்குக் கிடைத்த தகவலின் பேரில் - இந்திய யூனியன் முஸ்லிம் லீக் தூத்துக்குடி மாவட்ட செயலாளர் எஸ்.ஜெ.மஹ்மூதுல் ஹஸன், மாவட்ட துணைத்தலைவர் மன்னர் பாதுல் அஸ்ஹப் உள்ளிட்டோர், காயல்பட்டினம் நகர்மன்ற உறுப்பினர்களான ஏ.கே.முஹம்மத் முகைதீன், ஏ.ஏ.அபூபக்கர் அஜ்வாத் ஆகியோரையும், இன்னும் சிலரையும் அழைத்துக்கொண்டு நிகழ்விடம் சென்று பார்த்தபோது, அங்கிருந்த மணல் தோண்டப்பட்டு, இரண்டு மாட்டு வண்டிகளில் நிரப்பப்பட்டிருந்தது கண்டறியப்பட்டது. தோண்டப்பட்ட அவ்விடம் பெரிய அளவில் பள்ளமாகக் காணப்பட்டது.

உடனடியாக, திருச்செந்தூர் வட்டாட்சியர் அலுவலகத்திற்கு தகவல் தெரிவிக்கப்பட்டதன் பேரில், சில நிமிடங்களில் துணை வட்டாட்சியர் கோபாலகிருஷ்ணன் நிகழ்விடம் வந்து, சிறை பிடிக்கப்பட்டிருந்த மாட்டு வண்டிகளை மணலுடன் மேல் நடவடிக்கைக்காக அனுப்பி வைத்தார்.

இதுகுறித்து தகவல் தெரிவித்ததைப் பாராட்டிய அவர், அங்கிருந்தவர்களிடம் அவர் பேசுகையில், “தனியார் நிலமானாலும் இதுபோன்று மணலைத் தோண்டுவதற்கு அனுமதியில்லை... அவ்வாறு ஏதேனும் நிகழ்ந்திருப்பது கண்டறியப்பட்டால், உடனடியாக வருவாய்த் துறைக்குத் தகவல் தெரிவிக்கப்பட வேண்டும்... அவர்கள் அலட்சியமாக இருந்த நிலையில், வருவாய் அதிகாரிகள் கவனத்திற்கு அது வந்தால், நில உரிமையாளர்களை நடவடிக்கைக்கு உள்ளாக்க வேண்டிய நிலை ஏற்பட்டு விடும்” என்றார்.

இதுபோன்ற நிலங்களிலிருந்து தோண்டி எடுத்துச் செல்லப்படும் மணல், கட்டிடப் பணிக்குப் பயன்படுத்தப்படும் மணலுடன் கலந்து விற்கப்படுவதாக விவரமறிந்தோர் கூறினர்.

{TAGS} manal thiruttu sand theft uchini maakaaliyamman koil street iuml sjmh a.k.mohamed mohideen mannar bazul ashab a.a.abubacker ajwad deputy tahshildar gopalakrishnan

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. நாம் தான் இத்திருட்டுக்கு வழி அமைத்து கொடுக்கிறோம்...!
posted by தமிழன் முத்து இஸ்மாயில் (காயல்பட்டினம்.) [24 December 2013]
IP: 59.*.*.*

India | Comment Reference Number: 32162

நகரில் இந்த மாதிரி பல தனியார் நிலங்களில் நிலத்தின் உரிமையாளருக்கே தெரியாமல் மண் மற்றும் சீமை ஒடை - நாட்டு ஒடை என்று சொல்லக்கூடிய முள் மரம் டன் கணக்கில் திருட்டு தனமாக வெட்ட படுகிறது.. மண் தோண்ட படுகின்றன...! நிலத்தின் சொந்தகாரர்கள் யாரும் அவ்விடம் சென்று பார்ப்பதும் இல்லை..! அதுவே இத்திருடர்களுக்கு கூடுதல் ஊக்கமளிக்கிறது என்பது உண்மை. ஒரு வகையில் நாம் தான் இத்திருட்டுக்கு வழி செய்து கொடுக்கிறோம்...!

நல்ல ஆற்று மணலுடன் பாதிக்கு பாதி இந்த காட்டு மணலை கலந்து தற்போது நமது நகரில் வீடு கட்டுவோர்களிடம் விற்கப்படுவது 100 சதவீதம் உண்மை.

நகரில் நன்கு அறிமுகமான பழக்கமுள்ள தெரிந்தவர்களிடம் சின்ன வேலைக்கோ பெரிய வேலைக்கோ தேவையான மணலை நாம் வாங்குவது நமது கட்டிடத்திற்கு உறுதி..

அந்த ஏரியாவில் இந்த காட்டு மணல் கடத்தல் புதியதல்ல தொடராகவே பல ஆண்டுகளாகவே நடந்து வருகிறது..

இன்று சமூக ஆர்வலர்களால் சிறை பிடிக்கப்பட்டுள்ள செய்தி மிக்க மகிழ்ச்சி அளிக்கிறது - சமூக ஆர்வலர்கள் அனைவர்களுக்கும் பாராட்டுக்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. மண்ணின் மீது மனிதனுக்காசை!
posted by Mauroof (Dubai) [24 December 2013]
IP: 92.*.*.*

United Arab Emirates | Comment Reference Number: 32165

தமிழகத்தில் கொடி கட்டிப்பறக்கும் கடத்தல் வியாபாரங்களில் மணலும் ஒன்று. ஆற்று மணல், தாது மணல், சவுடு மணல் போன்றவைகளை மணல் கடத்தல் சம்பந்தமான செய்திகளை நாம் கேட்டு வந்தோம். தற்போது இங்கேயும் வந்து விட்டார்கள். இது என்ன ரக மணல்? இவர்கள் ஒரு கும்பலாக செயல்படுபவர்கள். இவர்களுக்கு பக்க பலமாக சில கரை வேட்டிகள், பல துறைகளைச் சார்ந்த அதிகாரிகள் என எல்லோரும் அடக்கம்.

இவர்களை தக்க சமயத்தில் அடையாளம் கண்டு சட்டத்தின் முன் நிறுத்த வழிவகை செய்த நகராட்சியின் சில உறுப்பினர்கள் மற்றும் சமூக ஆர்வலர்களுக்கு நன்றி. இனி என் நிலத்தைக் காணோம் என்று புகார்கள் பதியப்படலாம். நில உரிமையாளர்கள் கவனம். சும்மா இருக்கிற நிலத்தில் தோட்டம் துரவுகள் உண்டாக்குங்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. சமூக ஆர்வலர்கள் இதில் கவனம் செலுத்தினால் இத்திருடர்களும் விரைவில் நகரில் பிடிபடுவார்கள்.
posted by syed ahamed (chennai ) [25 December 2013]
IP: 117.*.*.*

India | Comment Reference Number: 32169

சமீபத்தில் 10 அல்லது 12 தினம் இருக்கும் என நினைக்கிறேன்.. நான் கடையக்குடி கடற்க்கரை ஓரம் எனது நண்பர்களுடன் காலை நேரத்தில் நடந்த சென்று கொண்டு இருக்கும் போது தொலைதூரத்தில் 20 பேர்களுக்கும் மேல் இருப்பார்கள் கடலின் ஓர பகுதிதியில் மணல் தோண்டி கொண்டு இருந்தார்கள் குறைந்தது 6, 7 ட்ராக்டர் இருக்கும் அதில் மணல் ஏற்றிக்கொண்டு இருந்தார்கள். உண்மையை நான் சொல்ல வேண்டுமானால் அவர்களிடம் நெருங்க கூட பயமாகதான் இருந்தன.. பிறகு நான் அன்று மாலை சென்னை சென்று விட்டேன் பிறகு என் நண்பர்களில் ஒருவர் சமூக ஆர்வலர் SK சாலிகு அவர்களிடம் இத்தகவலை சொல்லிகொள்கிறேன் என விடை பெற்றார்.

கடற்கரை காட்டுக்குள் ஒரு வண்டி பாதையே அமைத்துள்ளார்கள். நகரில் இருக்கும் சமூக ஆர்வலர்கள் இதில் கவனம் செலுத்தினால் இத்திருடர்களும் விரைவில் நகரில் பிடிபடுவார்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்