{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் இஸ்லாமிய தமிழிலக்கிய மாமன்றத்தின் 11ஆவது கலந்துரையாடல் கூட்டம், இம்மாதம் 08ஆம் நாள் சனிக்கிழமை 16.30 மணிக்கு, காயல்பட்டினம் ரஹ்மானிய்யா பள்ளி வளாகத்தில் நடைபெறவுள்ளது. இக்கூட்டத்திற்கு அழைப்பு விடுத்து, அவ்வமைப்பின் சார்பில் வெளியிடப்பட்டுள்ள அறிக்கை:-

இஸ்லாமிய தமிழிலக்கிய மாமன்றத்தின் 11ஆவது கலந்துரையாடல் கூட்டம், இம்மாதம் 08ஆம் நாள் சனிக்கிழமை 16.30 மணிக்கு, காயல்பட்டினம் ரஹ்மானிய்யா பள்ளி வளாகத்தில் நடைபெறவுள்ளது.

காயல்பட்டினம் அருணாச்சலபுரம் - திருவள்ளுவர் மன்றம் சார்பில் அண்மையில் பொங்கல் விழாவையொட்டி ஓவியப் போட்டி நடத்தப்பட்டது. ஓவிய ஆசிரியரும், எழுத்தாளருமான ஏ.லெப்பை ஸாஹிப் என்ற ஏ.எல்.எஸ். மாமா இப்போட்டிக்கு நடுவராகப் பணியாற்றி, பரிசுக்குரியோரைத் தேர்வு செய்தார்.

பரிசு பெற்ற 3 மாணவர்களுக்கும் இக்கூட்டத்தின்போது இஸ்லாமிய தமிழிலக்கிய மாமன்றம் சார்பிலும் பரிசுகள் வழங்கப்படவுள்ளது. அனைவரும் திரளாக வருகை தந்து கலந்து சிறப்பிக்க அன்புடன் அழைக்கிறோம்.

இந்த இலக்கிய மன்றத்தில் கலந்து கொள்ள கட்டணம் வயது வரம்பு கிடையாது. பொன்மாலைப் பொழுதில் இனிய சந்திப்பில் கலந்துகொண்டு, உங்கள் கருத்துக்களைப் பதிவு செய்யலாம் அல்லது கேட்டு அறிவை விருத்தி செய்யலாம்.

இவ்வாறு அந்த அறிக்கையில் தெரிவிக்கப்பட்டுள்ளது.