காயல்பட்டினம் பெரிய முத்துவாப்பா தைக்கா தெரு - தீவுத்தெரு சந்திப்பில் அமைந்துள்ள மஹான் ஃபழ்லுல்லாஹ் ஸாஹிப் ஈக்கியப்பா அவர்களின் அடக்கஸ்தலத்தில், கந்தூரி நிகழ்ச்சிகள் இம்மாதம் 17ஆம் தேதி திங்கட்கிழமையன்று நடைபெற்றது.

அன்று காலை 06.15 மணிக்கு, காயல்பட்டினம் குருவித்துறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ தலைமையில் கத்முல் குர்ஆன் ஓதி ஈஸால் தவாப் செய்யப்பட்டது. மாலை 04.45 மணியளவில் மஹான் அவர்களின் புகழ்பாடும் மவ்லித் மஜ்லிஸ், சிறிய குத்பா பள்ளியின் இமாம் மவ்லவீ ஹாஃபிழ் மக்கீ எம்.எம்.ஹாமித் லெப்பை ஃபாஸீ தலைமையில் நடைபெற்றது. இரவு 07.30 மணிக்கு ராத்திபத்துல் அஹ்மதிய்யா திக்ர் மஜ்லிஸ், காயல்பட்டினம் பெரிய ஷம்சுத்தீன் பள்ளி இமாம் ஹாஃபிழ் எஸ்.எச்.ஷெய்கு அலீ மவ்லானா தலைமையில் நடைபெற்றது.

பின்னர் ஹாமிதிய்யா குர்ஆன் ஹிஃப்ழு மத்ரஸா ஆசிரியர் ஹாஃபிழ் எஸ்.எச்.ஷெய்கு தாவூத் கிராஅத் ஓத, காயல்பட்டினம் மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் நஹ்வீ எஸ்.எம்.பி.செய்யித் ஹாமித் ஸிராஜீ மஹான் அவர்களின் வாழ்க்கைச் சரித சொற்பொழிவாற்றினார்.



ஹாஜி சொளுக்கு எஸ்.ஏ.கே.முஹ்யித்தீன் அப்துல் காதிர் நன்றி கூற, மவ்லவீ ஹாஃபிழ் ஏ.எல்.ஜாஃபர் ஸாதிக் துஆவுடன் நிகழ்ச்சிகள் நிறைவுற்றன. நிகழ்ச்சிகளனைத்திலும் திரளான பொதுமக்கள் கலந்துகொண்டனர்.



ஏற்பாடுகளை, வைபவ கமிட்டி தலைவர் நஹ்வீ இ.எஸ்.புகாரீ ஆலிம், துணைத்தலைவர் ஹாஜி எஸ்.எம்.கபீர், செயலாளர் எம்.ஏ.அஹ்மத் லெப்பை, துணைச் செயலாளர் எஸ்.எம்.செய்யித் இப்றாஹீம், பொருளாளர் கம்பல்பக்ஷ் ஹாஜி எஸ்.எச்.மொகுதூம் முஹம்மத், உறுப்பினர்களான எஸ்.இ.முஹம்மத் அலீ ஸாஹிப் என்ற டி.எம்., ஹாஜி சொளுக்கு எஸ்.எஸ்.எம்.முஹம்மத் இஸ்மாஈல் என்ற முத்து ஹாஜி, எம்.கே.செய்யித் முஹம்மத், ஹாஜி சொளுக்கு எஸ்.எஸ்.எம்.செய்யித் முஹம்மத் ஸாஹிப், ஹாஜி எஸ.ஏ.சி.செய்யித் இஸ்மாஈல் ஸூஃபீ, ஹாஜி எம்.ஏ.ஸதக்கத்துல்லாஹ், ஹாஃபிழ் எஸ்.ஏ.முஹம்மத் இஸ்மாஈல், எம்.ஜெ.செய்யித் இப்றாஹீம், ஹாஜி எம்.ஏ.பஷீர், எம்.இ.எல்.புகாரீ உள்ளிட்ட குழுவினர் செய்திருந்தனர்.

ஈக்கியப்பா தைக்காவில் கடந்தாண்டு நடைபெற்ற கந்தூரி நிகழ்ச்சி குறித்த செய்தியைக் காண இங்கே சொடுக்குக!