{ முகநூல் கருத்துக்கள்}{ட்விட்டர் கருத்துக்கள்}

இயற்கை வழி வேளான் அறிவியலாளர் நம்மாழ்வாரால் உருவாக்கப்பட்ட வானகம் அமைப்பின் விருதுநகர் மாவட்ட ஒருங்கிணைப்புக் குழு சார்பில், நம்மாழ்வார் நினைவு இயற்கை வழி விவசாயப் பயிற்சி, இம்மாதம் 16ஆம் நாள் ஞாயிற்றுக்கிழமை 09.00 மணி முதல் 17.00 மணி வரை, விருதுநகர் மாவட்டம், இராஜபாளையம் - கிருஷ்ணாபுரம் பால அபிராமி திருமண மண்டபத்தில் நடைபெறவுள்ளது.



தண்ணீர் பற்றாக்குறையை சமாளித்து எளிய முறையில் இயற்கை வேளாண்மையில் சாதிப்பது, கலப்பு முறையில் மரங்களை வளர்ப்பது, ஒருங்கிணைந்த பண்ணை அமைப்பது உள்ளிட்டவை குறித்து இந்நிகழ்ச்சியில் பயிற்சியளிக்கப்படவுள்ளது.

இப்பயிற்சியை, இயற்கை வழி வேளான் அறிவியலாளர் நம்மாழ்வாருடன் நீண்ட காலம் நெருங்கிய தொடர்பு கொண்டிருந்ததன் விளைவாக, இயற்கை வழி விவசாயத்தில் பல புதுமைகளைக் கண்டறிந்து அறிமுகப்படுத்தி வரும் மூடாக்கு இயற்கை விவசாயி அய்யம்பெருமாள் மற்றும் வானகம் கல்விக் குழுவினர் இணைந்து நடத்தவுள்ளனர்.

இயற்கை வழி வேளாண்மையை தன் வாழ்நாளெல்லாம் வலியுறுத்தி வந்து, கடந்த 2013 டிசம்பர் 31 அன்று காலமான இயற்கை வழி வேளான் அறிவியலாளர் நம்மாழ்வார் குறித்த ஒளிப்படமும் இந்நிகழ்ச்சியின்போது திரையிடப்படவுள்ளது.

நிகழ்ச்சியில் பங்கேற்கும் அனைவருக்கும் இயற்கை வழி விவசாய முறையில் உற்பத்தி செய்யப்பட்ட பயிர்களைக் கொண்டு மதிய உணவு விருந்துபசரிப்பும் செய்யப்படவுள்ளது.

இந்நிகழ்ச்சியில் பங்கேற்க கட்டணம் எதுவுமில்லை என்றும், மேலதிக விபரங்களுக்கும், முன்பதிவிற்கும் - +91 90472 73009, +91 97876 48002 ஆகிய எண்களில் தொடர்புகொள்ளுமாறும் நிகழ்ச்சி ஏற்பாட்டாளர்களால் தெரிவிக்கப்பட்டுள்ளது.