{ முகநூல் கருத்துக்கள்}{ட்விட்டர் கருத்துக்கள்}

ஐக்கிய ராஜ்ய காயல் நல மன்றத்தின் 5ஆம் ஆண்டு துவக்க விழா, 9ஆவது பொதுக்குழுக் கூட்டம் மற்றும் குடும்ப சங்கம நிகழ்ச்சிக்கு அழைப்பு விடுத்து, அம்மன்றத்தின் செய்தி தொடர்பாளர் ஷாஹுல் ஜிஃப்ரீ கரீம் வெளியிட்டுள்ள அழைப்பறிக்கை:-

ஐக்கிய ராஜ்ஜிய காயல் நல மன்றத்தின் ஒன்பதாவது பொதுக்குழு கூட்டம் மற்றும் ஐந்தாவது ஆண்டு துவக்க விழா மற்றும் கோடை கால குடும்ப ஒன்று கூடல் நிகழ்ச்சி , இன்ஷா அல்லாஹ் இம்மாதம் 26ஆம் தேதி, ரைன்ஹாம் - கென்ட் மாநகரில் அமைந்துள்ள சமுதாய கூடத்தில், காலை 10.45 மணி முதல் மாலை 05.45 மணி வரை நடத்த ஏற்பாடு செய்யப்பட்டுள்ளது அல்ஹம்துலில்லாஹ்..

இடம்:
Parkwood Community Centre
Parkwood Green
Gillingham
ME8 9PN
Kent

இன்ஷாஅல்லாஹ் நடைபெறவிருக்கும் இக்கூட்டத்தை மேலும் மெருகூட்டும் வகையில் நமது மன்ற உறுப்பினர்கள் பங்கேற்கும் பல்வேறு அணிகளுக்கான வினாடி-வினா போட்டி, நம் தாயகமாம் காயல்பட்டினம் நகரின் மரபுச் சொல் போட்டி, குழந்தைகளுக்கான விளையாட்டுப் போட்டிகள், ஆண்கள் -பெண்களுக்கான ‘120 வினாடி தொடர் பேச்சுப்போட்டி', மருத்துவர்களின் கேள்வி - பதில் நிகழ்ச்சி மற்றும் வெளிப்புற விளையாட்டுப் போட்டிகளுக்கும் (outdoor games) ஏற்பாடு செய்யப்பட்டுள்ளது.

மன்றம் துவக்கபட்டது முதல் இன்று வரையுள்ள மன்றச் செயல்பாடுகள் குறித்தும் இக்கூட்டத்தில் விளக்கப்படவுள்ளது.

இயந்திரத்தனமான நகர வாழ்க்கையின் பரபரப்பை மறந்து மகிழ்வுற்றிப்பதற்காக, இந்த அரிய வாய்ப்பை மன்ற உறுப்பினர்கள் அனைவரும் தவறாமல் பயன்படுத்திக்கொள்ளும் பொருட்டு அத்தேதியில் உங்களின் அனைத்து சொந்த வேலைகளுக்கும் மாற்று ஏற்பாடுகள் செய்துவிட்டு, கூட்டத்தில் முழுமையாகக் கலந்து மகிழவும், மகிழ்விக்கவும் அன்புடன் அழைக்கின்றோம்.

இப்பொதுக்குழுவின் உள்ளூர் பிரதிநிதியாக மன்றத்தின் தலைவர் மருத்துவர். S.O. செய்து அஹமத் அவர்கள் செயல்படுவார்கள் என்பதை தெரிவித்து கொள்கின்றோம்.

உங்கள் யாவருக்கும் கருணையுள்ள அல்லாஹ் நல்லருள் புரிவானாக ஆமீன்....

இவ்வாறு அந்த அறிக்கையில் தெரிவிக்கப்பட்டுள்ளது.