{ முகநூல் கருத்துக்கள்}{ட்விட்டர் கருத்துக்கள்}

சமீபத்தில் - சென்னையில் உள்ள இலங்கை துணை உயர் தூதராலயத்தைச் சேர்ந்த, தூதரகத் தலைவர் உமர் லெப்பை அமீர் அஜ்வார்த், சில நிகழ்ச்சிகளில் கலந்துக்கொள்ள காயல்பட்டினம் வந்திருந்தார்.

காயல்பட்டினம் வந்து சென்ற தூதரக அதிகாரியை சென்னையில் இலங்கை காயல் நலமன்றத் தலைவர் ஹாஜி M.S. ஷாஜஹான் மற்றும் சென்னை வர்த்தகர் ஷேய்க் சதக்கத்துல்லா (காயல் பட்டணம்), கரூர் டிரேடர்ஸ் செய்யது (காயல் பட்டணம்), சென்னை வர்த்தகர் ரிபாய் (கீழக்கரை) ஆகியோர் மரியாதை நிமித்தமாக சந்தித்தனர்.



அப்போது தனது பயண அனுபவங்களை எடுத்துக்கூறிய அமீர் அஜ்வார்த், "கவின் மிகு காயல் நகரம் சகல துறைகளிலும் சிறந்து விளங்குவது காண மகிழ்ச்சி" என்று கருத்து தெரிவித்தார்.

மேலும் அவர் கூறுகையில் "காயல் பட்டணத்தில் சென்ற மாதம் கழித்த மூன்று நாட்களையும் எங்களால் மறக்க முடியாது. காயல் நகரம் தனிப்பெரும் முஸ்லிம் கிராமமாக எங்கள் ஊர் காத்தான்குடி போல் இருப்பது கண்டு மிகவும் சந்தோதோஷப்பட்டோம்".

"மக்கள் விருந்தோம்பளில் மிகவும் சிறந்தவர்கள். பண்பாளர்கள். மார்க்க அறிவு மிக்கவர்கள். இலங்கையோடு தொடர்பு கொண்டவர்கள் நிறைய இருக்கிறார்கள். அத்தோடு இன்றைய காயல் இளைஞர்கள் கல்வி மூலம் உலகெங்கும் தொழில் வாய்ப்பு பெற்று இருப்பது வரவேற்கத்தக்கது" என்று கூறினார்.

குழுவினர் - இலங்கை உதவி தூதுவர் சபருல்லாஹ் கானையும் சந்தித்தனர்.