{ முகநூல் கருத்துக்கள்}{ட்விட்டர் கருத்துக்கள்}

கத்தர் காயல் நல மன்றத்தின் சார்பில், இம்மாதம் 11ஆம் நாளன்று, இஃப்தார் - நோன்பு துறப்பு ஒன்றுகூடலுடன், பொதுக்குழுக் கூட்டமும் நடத்தப்படவுள்ளது.

இந்நிகழ்வில் கலந்துகொள்ள அழைப்பு விடுத்து, அம்மன்ற நிர்வாகத்தின் சார்பில் அதன் துணைத்தலைவர் எம்.என்.முஹம்மத் யூனுஸ் வெளியிட்டுள்ள அழைப்பறிக்கை:-

அன்பின் மன்ற உறுப்பினர்கள் மற்றும் கத்தர் வாழ் காயலர்கள் அனைவருக்கும் அஸ்ஸலாமு அலைக்கும்.

வல்ல அல்லாஹ்வின் பேரருளால், வரும் 11.07.2014 வெள்ளிக்கிழமையன்று 17.00 மணியளவில், நமது மன்றத்தின் சார்பில், இஃப்தார் - நோன்பு துறப்பு நிகழ்ச்சியுடன், உறுப்பினர் பொதுக்குழுக் கூட்டம், ALISHAN RESTAURANTஇல் இன்ஷாஅல்லாஹ் நடத்தப்படவுள்ளது என்பதை மிக்க மகிழ்ச்சியுடன் அறியத் தருகிறோம்.

மன்றத்தின் அனைத்து உறுப்பினர்களும், கத்தர் நாட்டிற்கு புதிதாக வந்திருக்கும் காயலர்கள் உள்ளிட்ட அனைத்து காயலர்களும், இச்செய்தியையே அழைப்பாகக் கருதி, தங்கள் குடும்பத்தினருடன் குறித்த நேரத்தில் இஃப்தார் நிகழ்ச்சியிலும், பொதுக்குழுக் கூட்டத்திலும் கலந்துகொள்ள வருமாறு அன்புடன் அழைக்கின்றோம்.

கருணையுள்ள ரஹ்மான் இந்த சங்கை மிகுந்த ரமழானின் பொருட்டால், நமது பாவங்களை மன்னித்து ஈருலக நன்மைகளைத் தந்தருள்வானாக ஆமீன்.

குறிப்பு: அனைவருக்கும் சிறப்பான ஏற்பாடுகளை நிறைவாகச் செய்திடும் பொருட்டு, இந்நிகழ்ச்சிக்கு வரவிருக்கும் உறுப்பினர்கள், ஹாஃபிழ் முஹம்மத் லெப்பை அவர்களை, 55709972 என்ற கைபேசி எண்ணில் தொடர்புகொண்டு தமது வருகையை உறுதி செய்துகொள்ளுமாறு அன்புடன் கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
கத்தர் காயல் நல மன்றம் சார்பாக,
S.K.ஸாலிஹ்
(உள்ளூர் பிரதிநிதி)

கத்தர் காயல் நல மன்றத்தின் சார்பில் கடந்தாண்டு (ஹிஜ்ரீ 1434) இஃப்தார் நிகழ்ச்சிக்கு விடுக்கப்பட்ட அழைப்பறிக்கை குறித்த செய்தியைக் காண இங்கே சொடுக்குக!

கத்தர் காயல் நல மன்றம் தொடர்பான முந்தைய செய்தியைக் காண இங்கே சொடுக்குக!