காயல்பட்டினம் தைக்கா தெருவிலமைந்துள்ள ஸாஹிப் அப்பா தைக்காவில், அஷ்ஷெய்க் உமர் வலீ நாயகம் அவர்களின் பிரதான குருவான மஹான் புகாரீ தங்கள் அவர்களின் நினைவு நாள் கந்தூரி நிகழ்ச்சி இம்மாதம் 30ஆம் நாள் புதன்கிழமையன்று நடைபெற்றது.



அன்று அஸ்ர் தொழுகைக்குப் பின் 17.00 மணிக்கு மஹான் அவர்களின் புகழ்பாடும் மவ்லித் மஜ்லிஸ் நடைபெற்றது. மஃரிப் தொழுகைக்குப் பின் 19.00 மணிக்கு, ராத்திப் மஜ்லிஸ் நடைபெற்றது.



அதனைத் தொடர்ந்து, தமிழ்நாடு மாநில ஜமாஅத்துல் உலமா சபையின் தூத்துக்குடி மாவட்ட துணைத்தலைவர் மவ்லவீ ஏ.கே.அபூ மன்ஸூர் மஹ்ழரீ - மஹான் அவர்களின் வாழ்க்கை வரலாற்று சொற்பொழிவை நிகழ்த்தினார்



துஆ, ஸலவாத்துடன் நிகழ்ச்சிகள் நிறைவுற்றன. இந்நிகழ்ச்சியில் நகரின் பல பகுதிகளைச் சேர்ந்த பொதுமக்கள் திரளாகக் கலந்துகொண்டனர். அனைவருக்கும் நேர்ச்சை வினியோகிக்கப்பட்டது.



ஸாஹிப் அப்பா தைக்காவில், கடந்தாண்டு (ஹிஜ்ரீ 1434) நடைபெற்ற மஹான் புகாரீ தங்ஙள் நினைவு நாள் நிகழ்ச்சிகள் குறித்த தகவல்களடங்கிய செய்தியைக் காண இங்கே சொடுக்குக!