Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
9:47:04 PM
செவ்வாய் | 28 ஜுன் 2022 | துல்ஹஜ் 1062, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:4012:2503:5206:4408:00
Sunrise/Sunset timing for Kayalpatnamஉதயம்06:02Moonrise/Moonset timing for Kayalpatnamஉதயம்05:10
மறைவு18:39மறைவு18:10
Morning Twilight
வானியல்கடல்சமூகம்
04:4505:1205:39
உச்சி
12:21
Evening Twilight
சமூகம்கடல்வானியல்
19:0219:2919:56
Go to Homepage
செய்திகள்
Previous News ItemNext News Item
செய்தி எண் (ID #) 14400
#KOTW14400
Increase Font Size Decrease Font Size
சனி, ஆகஸ்ட் 30, 2014
DCW தொழிற்சாலையின் 59 சதவீத ஊழியர்கள் தாங்கள் பெறும் மருத்துவ வசதி குறித்து அதிருப்தி: ஆய்வறிக்கை தகவல்!
செய்திகாயல்பட்டணம்.காம்
இந்த பக்கம் 2461 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

DCW தொழிற்சாலையின் தாரங்கதாரா (சோடா ஆஷ்) பிரிவில், உற்பத்தியை நிறுத்தப்போவதாக அதன் நிர்வாகம், பிப்ரவரி 2002இல் அறிவித்தது. அதற்கு தெரிவிக்கப்பட்ட முக்கிய காரணங்கள்: தயாரிக்கப்பட்ட பொருட்களின் விற்பனை விலை சந்தையில் அதிகமாக உள்ளது, இதே பொருட்கள் மலிந்த விலையில் இறக்குமதி செய்யப்படும் சூழல், தொழிற்சாலைக்கு அருகில் மூலப்பொருட்கள் இல்லாமை, நிறுவனம் பெற்றுள்ள கடன்கள் மேல் அதிக வட்டி பாரம், பிற தொழிற்சாலைகளுடன் அளவிடும்போது அதிகமான தொழிலாளர்கள்.

பிப்ரவரி 14, 2002 வெளிவந்த அந்த அறிவிப்பு, மார்ச் 1 முதல் இந்த உற்பத்தி நிறுத்தம் அமலுக்கு வரும் என்றும் தெரிவித்தது.

மார்ச் 8 அன்று வெளிவந்த புது தகவல், உற்பத்தி நிறுத்தம் வாபஸ் வாங்கப்படுவதாக கூறியது. இருப்பினும் ஒரு வாரத்திற்கு பின்னர், மார்ச் 16 அன்று வெளிவந்த அறிவிப்பு, தொழிலாளிகளின் வேலை நிறுத்தம் காரணமாக, தொழிற்சாலை மூடப்படுவதாக தெரிவித்தது.

சில மாதங்களுக்கு மூடப்பட்ட இத்தொழிற்சாலை (குஜராத் பிரிவு), தொழிலாளிகளுடன் ஒப்பந்தம் எட்டப்பட்டுள்ளதை காரணம் காட்டி, மீண்டும் ஜூன் 1, 2002 முதல் இயங்க துவங்கியது.

DCW தொழிற்சாலையின் நிர்வாகிகள் மற்றும் தொழிலாளர்களுடனான சுமுக உறவு இல்லாமை - தாரங்கதாரா பிரிவில் மட்டும் அல்லாமல், காயல்பட்டினம் பிரிவிலும் பலமுறை வேலை நிறுத்தம் வரை கொண்டு சென்றுள்ளது.

உதாரணமாக -

*** அக்டோபர் 1998இல் வேலை நிறத்தம்

*** ஆகஸ்ட் - செப்டம்பர் 2006 இல் 39 நாட்கள் வேலை நிறுத்தம்

*** மே 2008இல் DCW தொழிலாளர்கள் சார்பாக - மாவட்ட ஆட்சியர் அலுவலகம் முன்பு ஆர்ப்பாட்டம் நடத்தப்பட்டது. அப்போராட்டத்தின் முக்கிய கோரிக்கைகளாக பணி நீக்கம் செய்யப்பட்ட பணியாளர்களை மீண்டும் சேர்க்கவேண்டும் என்றும், பல ஆண்டுகளாக பணிப்புரிந்து வரும் ஒப்பந்தப்பணியாளர்களின் பணி, நிரந்தரம் ஆக்கப்படவேண்டும் ஆகியவை எடுத்துவைக்கப்பட்டன.

பணி நீக்கப்பட்ட 41 தொழிலாளர்கள் - தங்கப்பாண்டி என்ற ஒப்பந்ததாரராலும், PURE ENVIRO ENGINEERING PRIVATE LIMITED என்ற நிறுவனத்தாலும் பணியில் அமர்த்தப்பட்டவர்கள் என ஊடக செய்திகள் தெரிவித்தன.

PURE ENVIRO ENGINEERING PRIVATE LIMITED என்ற நிறுவனம் தான், DCW தொழிற்சாலையின் விரிவாக்கத் திட்டங்கள் சம்பந்தப்பட்டது உட்பட பல ஆவணங்களை அந்நிறுவனத்திற்கு தயாரித்து தருகிறது என்பது குறிப்பிடத்தக்கது.

ஒரு தொழிற்சாலையின் பலன்கள் என்ன என கூறும்போது, அத்தொழிற்சாலை வழங்கும் வேலை வாய்ப்பு, மறைமுகமாக சிறு தொழில்களுக்கு கிடைக்கும் வாய்ப்பு, அத்தொழிற்சாலை செலுத்தும் வரி, அத்தொழிற்சாலை ஈட்டும் வெளிநாட்டு செலவாணி போன்றவை கூறப்படும். DCW தொழிற்சாலையை பொருத்தமட்டில் மேலே குறிப்பிடப்பட்ட அனைத்து விசயங்களும் விவாதத்திற்குரியவை.

DCW தொழிற்சாலையின் ஆண்டறிக்கைகள் - இத்தொழிற்சாலையின் தாரங்கதாரா (குஜராத்) மற்றும் காயல்பட்டினம் பகுதிகளில் இயங்கும் இரு தொழிற்சாலை பிரிவுகளிலும் சேர்த்து பணி புரிவோர் எண்ணிக்கையை வழங்குகிறது. ஒவ்வொரு பிரிவிலும் பணிப்புரிவோரின் தனித்தனியான எண்ணிக்கை இதில் இல்லை.

2004 - 2005 நிதியாண்டின் அறிக்கைப்படி: 2336 தொழிலாளிகள்
2005 - 2006 நிதியாண்டின் அறிக்கைப்படி: 2525 தொழிலாளிகள்
2006 - 2007 நிதியாண்டின் அறிக்கைப்படி: 2336 தொழிலாளிகள்
2007 - 2008 நிதியாண்டின் அறிக்கைப்படி: 2346 தொழிலாளிகள்
2008 - 2009 நிதியாண்டின் அறிக்கைப்படி: ---- தொழிலாளிகள்
2009 - 2010 நிதியாண்டின் அறிக்கைப்படி: 2290 தொழிலாளிகள்
2010 - 2011 நிதியாண்டின் அறிக்கைப்படி: 2090 தொழிலாளிகள்
2011 - 2012 நிதியாண்டின் அறிக்கைப்படி: 2122 தொழிலாளிகள்
2012 - 2013 நிதியாண்டின் அறிக்கைப்படி: 2174 தொழிலாளிகள்
2013 - 2014 நிதியாண்டின் அறிக்கைப்படி: ---- தொழிலாளிகள்

இத்தொழிலாளிகளில் பெருவாரியானோர் குறைந்த சம்பளம் பெரும் ஒப்பந்தப்பணியாளர்கள் எனவும் தகவல்கள் தெரிவிக்கின்றன. இந்த எண்ணிக்கையை பார்க்கும் போது, DCW தொழிற்சாலை கடந்த சில ஆண்டுகளில் புதிய திட்டங்களை அறிமுகம் செய்ததாக கூறினாலும், அதன் வருமானம் பல மடங்கு பெருகியிருந்தாலும், அவற்றினால் வேலை பெற்று பயன்பெற்றோர் எண்ணிக்கையில் பெரிய மாற்றம் எதுவும் இல்லை என்பதனை காணலாம்.

DCW தொழிற்சாலையின் காயல்பட்டினம் பிரிவில் எத்தனை பேர் பணிப்புரிகிறார்கள்? EMPLOYEES' PROVIDENT FUND ORGANISATION அமைப்பு வழங்கும் தகவல்படி - காயல்பட்டினம் பகுதியில் இயங்கும் DCW தொழிற்சாலை சார்பாக 1103 தொழிலாளர்களுக்கு EPF செலுத்தப்படுகிறது. இம்மாதம் (ஆகஸ்ட் 2014) தொழிற்சாலை சார்பாக எந்தெந்த தொழிலாளர்களுக்கு EPF தொகை செலுத்தப்பட்டது என்ற விபரம் காண இங்கு அழுத்தவும்.

DCW தொழிற்சாலையின் காயல்பட்டினம் பிரிவில் பணிப்புரியும் ஊழியர்கள், அத்தொழிற்சாலை அவர்களுக்கு வழங்கும் சலுகைகளில் திருப்தி கொண்டுள்ளார்களா? இது குறித்த ஆய்வு ஒன்றினை - சரத் நாயர் என்ற முதுகலை பட்டப்படிப்பு மாணவர் - சில ஆண்டுகளுக்கு முன்னர், இத்தொழிற்சாலையில் மேற்கொண்டார். அந்த ஆய்வறிக்கையை முழுமையாக காண இங்கு அழுத்தவும்.



இந்த ஆய்வு அறிக்கையின்படி - இந்நிறுவனத்தின் காயல்பட்டினம் பிரிவில் சுமார் 1250 பேர் பணிப்புரிகின்றனர். ஆய்வின் முக்கிய பகுதியாக 100 அலுவலர்களும், தொழிலாளிகளும் - ரேண்டம் முறையில், அவர்கள் தொழிற்சாலையை விட்டு வெளியில் வரும்போது தேர்வு செய்யப்பட்டு, அவர்களிடம் 4 பக்க கேள்வி-பதில் படிவத்தில் கருத்துக்கள் கோரப்பட்டு, பதில்கள் பதிவு செய்யப்பட்டன.

உணவு விடுதிகள் வசதி எவ்வாறு உள்ளது, தங்கும் வசதி எவ்வாறு உள்ளது, ஊழியர்களின் குழந்தைகளுக்கான கல்வி வசதி எவ்வாறு உள்ளது போன்று பல கேள்விகளும் அப்படிவத்தில் அடங்கியிருந்தன.

இந்த ஆய்வு முழுமையானது என்று எடுத்துக்கொள்ள போதிய தகவல்கள் இல்லை என்றாலும், இந்நிறுவனம் குறித்து சில முக்கிய தகவல்களை - இந்த ஆய்வு மூலம் பெற முடிகிறது. குறிப்பாக இங்கு பணிப்புரியும் ஊழியர்களுக்கு வழங்கப்படும் சம்பளம் மற்றும் அவர்களுக்கு வழங்கப்படும் மருத்துவ சேவை குறித்த தகவல்கள் - இந்த ஆய்வறிக்கை மூலம் பெற முடிகிறது.

ஆய்வில் பங்குபெற்றோரில் -

*** 18 சதவீதம் பேர் மாதத்திற்கு 5,000 ரூபாய்க்கு கீழான சம்பளம் பெறுகிறார்கள்

*** 29 சதவீதம் பேர் மாதத்திற்கு 5,000 - 10,000 ரூபாய் சம்பளம் பெறுகிறார்கள்

*** 35 சதவீதம் பேர் மாதத்திற்கு 10,000 - 15,000 ரூபாய் சம்பளம் பெறுகிறார்கள்

அதாவது - 82 சதவீத பேரின் சம்பளம் - இந்த ஆய்வு காலகட்டத்தில் - 15,000 ரூபாய்க்கும் கீழாக இருந்துள்ளது.



இந்த ஆய்வுகளின் முக்கியமான மற்றொரு தகவல் - இத்தொழிற்சாலையின் 19 சதவீத ஊழியர்கள் மட்டுமே, இந்நிறுவனம் வழங்கும் மருத்துவ வசதிகள் குறித்து திருப்தி தெரிவித்துள்ளனர். 51 சதவீதம் பேர் அதிருப்தி என்றும், 8 சதவதீம் பேர் மிகவும் அதிருப்தி என்றும், 22 சதவீதம் பேர் - நடுநிலையான கருத்தும் பதிவு செய்துள்ளனர்.



இந்த ஆய்வறிக்கை, அதன் சில குறைப்பாடுகளுக்கு மத்தியிலும், சில நிதர்சன உண்மைகளை தெரிவிக்கிறது.

சுற்றுச்சூழலுக்கு மிகவும் ஆபத்து விளைவிக்க வாய்ப்பு உள்ள (RED - LARGE CATEGORY) ஒரு தொழிற்சாலையின் ஊழியர்கள், அத்தொழிற்சாலை வழங்கும் மருத்துவ வசதிகளில் எவ்வளவு அதிருப்தி கொண்டுள்ளார்கள் என்பதனையும், அந்நிறுவனத்தின் ஊதிய தொகை வித்தியாசம், மேல் மட்ட அதிகாரிகளுக்கும், கீழ்மட்ட தொழிலாளிகளுக்கும் இடையே எவ்வளவு அதிகமாக உள்ளது என்பதனையும் இந்த ஆய்வறிக்கை தெளிவுபடுத்துகிறது.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by V D SADAK THAMBY (HONG KONG) [30 August 2014]
IP: 210.*.*.* Hong Kong | Comment Reference Number: 36867

DCW ஆலையை நொங்கு நொங்கு என்று நோண்டி நொங்கெடுக்கிரீர்கள். உங்கள் நொங்கெடுப்பு தாங்காமல் அவர்களாகவே தொழிற்ச்சாலையை காலிபண்ணிவிட்டு ஓடிவிடுவார்கள் போல தெரிகிறது..

அவர்கள் தொழிலாளிக்கு மருத்துவ வசதி கொடுத்தால் என்ன, கொடுக்காவிட்டால் என்ன, நமெக்கென்ன வந்துவிட்டது? எந்த தொழிலாளிதான் தனது நிர்வாகத்தின்மீது முழுதிருப்ப்தியடைந்தார் ?

‘அந்த ஆலை நம் சுற்றுசூழலை மாசுபடாமல் வைத்திதிருக்கிறதா’ என்பதே நமது கவலை மற்றும் கேள்வி. அதைமட்டும் நாம் பார்த்தாலே போதுமானது. பிற விஷயங்களை தவிர்ப்பது நல்லது.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. DCW
posted by JAHIR HUSSAIN VENA (BAHRAIN) [30 August 2014]
IP: 89.*.*.* Bahrain | Comment Reference Number: 36883

நன்றி .. நன்றி

We are thanking for bringing light about dissatification of medical facilities rendedred by DCW for their employees..


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...கேட்பாரற்ற KEPA ?
posted by mackie noohuthambi (chennai) [30 August 2014]
IP: 180.*.*.* India | Comment Reference Number: 36905

KEPA ஏதோ கேட்பாரற்ற இயக்கம், இதை யார் சட்டைபண்ணுவார்கள் என்று நினைத்தவர்கள் அலட்சியம் செய்தவர்கள் எண்ணத்தில் இடி விழுந்து இருக்கிறது. DCW ஆலை நிர்வாகத்தில் உள்ளவர் இங்கு பகுதி நேர வேலை பார்க்கிறாரா (PART TIME WORK ) என்ற சந்தேகம் அந்த நிர்வாகத்துக்கு அல்ல, பொது மக்களாகிய நமக்கே ஏற்படும் அளவுக்கு புள்ளி விவரங்கள் தந்திருக்கிறார்கள்.

சிங்கத்தின் குகையிலே சென்று அதன் நாடி நரம்புகளை தடவிப் பார்க்கும் தைரியம் இவர்களுக்கு எப்படி வந்தது. எல்லாம் நமது மக்கள் கொடுக்கும் பேராதரவுதான். நாளிதழ்கள், தொலைக் காட்சிகள் போன்ற ஊடகங்களும் இந்த உண்மை நிலையை உணர்ந்து KEPA வின் போராட்டங்கங்களுக்கு ஆதரவு தந்து கொண்டிருக்கிறார்கள்.

ஜனநாயகத்தின் நான்காவது தூண் இந்த ஊடகங்கள் ஆட்சி மாற்றங்களை ஏற்படுத்த வல்லது. 60 ஆண்டுகாலம் ஆட்சியில் இருந்த ஒரு நூற்றாண்டு பாரம்பரியம் மிக்க காங்கிரஸ் ஆட்சியை அகற்ற துணை புரிந்தது. அது செய்த தப்பு என்ன ? நாட்டில் என்ன மாற்றங்கள் ஏற்பட்டாலும் வளர்ச்சிகள் ஏற்பட்டாலும் மக்களை சுரண்டுவதும் ஊழல் ஆறாக பெருக்கெடுத்து ஓடுவதும் அவர்கள் ஆட்சியை மக்கள் தூக்கி எறிய களம் அமைத்துக் கொடுத்தது இந்த ஊடகங்கள் தான்.அதற்காக இந்த ஆட்சி நீடித்து நிலைத்து இருக்கும் என்ற உத்தரவாதமும் இல்லை. மக்கள் மனமாற்றங்கள் அதற்கு துணை நிற்கும் ஊடகங்கள் மீண்டும் வேறு ஆட்சியை அரியணையில் ஏற்றி அழகு பார்க்க வைப்பார்கள். எனவே மக்கள் விரோத சக்திகள் மிக கவனமாக இருக்க வேண்டும்.

எவ்வளவு செல்வ வளம் - அரசியல் செல்வாக்கு - சொல்வாக்கு இருந்தாலும் அதை ஊதி தள்ளி அப்புறப் படுத்தும் சக்தி இந்த ஊடகங்களுக்கு உண்டு என்பதை DCW நிர்வாகம் உணர தலைப் பட்டிருக்கிறது. அரசின் கவனத்தை இந்த KEPA அமைப்பு ஈர்த்திருக்கிறது என்ற உண்மையை எல்லோரும் அறிந்து அதற்கு முழு ஒத்துழைப்பு அளிக்க வேண்டியது நம் கடமை. பாராட்டும் அங்கீகாரமும்தான் அவர்களுக்கு தேவை. களத்தில் சீறிப் பாயும் காளைகளாக அவர்கள் இருப்பார்கள்.இது என் கணிப்பு.

விளையும் பயிர் முளையில் தெரிகிறது.வாழ்த்துக்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
AKM JewellersFaams
Cathedral Road LKS Gold ParadiseFathima Jewellers

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2022. The Kayal First Trust. All Rights Reserved