{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சதுக்கைத் தெரு, அம்பல மரைக்கார் தெரு, நெய்னா தெரு ஆகிய தெருக்களை அணைத்தாற்போல் அமைந்துள்ளது அல்ஜாமிஉல் கபீர் - பெரிய குத்பா பள்ளிவாசல்.

சித்தன் தெரு, நெய்னா தெரு, அம்பல மரைக்கார் தெருக்களை அணைத்தாற்போல் அமைந்துள்ளது அல்ஜாமிஉஸ் ஸகீர் - சிறிய குத்பா பள்ளிவாசல்.

நிர்வாகம்:

இவ்விரு பள்ளிவாசல்களும் ஒரே நிர்வாகத்தின் கீழ் இயங்கி வருகின்றன. இப்பள்ளிகளின் தலைவராக ஹாஜி ஆர்.எஸ்.முஹம்மத் அப்துல் காதிர், செயலாளராக ஹாஜி வாவு எஸ்.காதிர் ஸாஹிப், பொருளாளராக குளவி ஷேக் அப்துல் காதிர் ஆகியோரும், துணைத் தலைவராக ஹாஜி எஸ்.ஏ.ஜவாஹிர், துணைச் செயலாளர்களாக ஹாஜி எம்.எஸ்.முஹம்மத் அப்துல் காதிர், கத்தீபு இப்றாஹீம், ஹாஜி கே.எஸ்.எச்.மஹ்மூத் நெய்னா ஆகியோரும், இவர்கள் தவிர 60 நிர்வாகக் குழு உறுப்பினர்களும், கடந்த 14.08.2014 அன்று நடைபெற்ற பொதுக்குழுக் கூட்டத்தில் ஒருமனதாகத் தேர்ந்தெடுக்கப்பட்டு, சேவையாற்றி வருகின்றனர்.

கத்தீப் - இமாம் - பிலால்:

பெரிய குத்பா பள்ளியின் கத்தீபாக மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ, இமாம்களாக ஹாஃபிழ் கே.ஏ.நத்ஹர் ஸாஹிப், மவ்லவீ பீ.எம்.ஓ.முஹம்மத் அப்துல் காதிர் ஃபாஸீ ஆகியோரும், பிலாலாக பீ.கே.டீ.முஹம்மத் உமர் என்பவரும் பணியாற்றி வருகின்றனர். நடப்பாண்டு ரமழான் தராவீஹ் தொழுகையை, இப்பள்ளியின் இமாம் ஹாஃபிழ் கே.ஏ.நத்ஹர் ஸாஹிப் வழிநடத்தினார். சிறிய குத்பா பள்ளியின் கத்தீபாக மவ்லவீ எஸ்.எம்.முஹம்மத் ஃபாரூக் அல்ஃபாஸீ, இமாமாக மவ்லவீ ஹாஃபிழ் மக்கீ ஹாமித் லெப்பை ஃபாஸீ, பிலாலாக முஹம்மத் தாஹா ஆகியோர் பணியாற்றி வருகின்றனர். நடப்பாண்டு ரமழான் தராவீஹ் தொழுகையை, இப்பள்ளியின் இமாமே வழிநடத்தினார். ஹாஃபிழ் முஹம்மத் ஆதம் இணைந்து வழிநடத்தினார். இவ்விரு பள்ளிகளிலும், கடந்த ரமழானில் இஷா தொழுகை 20.45 மணிக்கும், தராவீஹ் தொழுகை 21.00 மணிக்கும் நடைபெற்றன.

நோன்புக் கஞ்சி:

கடந்த ரமழான் மாதத்தில், வழமை போல இப்பள்ளிவாசல்களில் நோன்புக் கஞ்சி தயாரிக்கப்பட்டது. ஒவ்வொரு பள்ளியிலும் நாள்தோறும் தயாரிக்கப்படும் நோன்புக் கஞ்சியை 150 முதல் 200 குடும்பத்தினர் பெற்றுச் சென்றனர்.

இஃப்தார் - நோன்பு துறப்பு:

நாள்தோறும் இப்பள்ளியில் இஃப்தார் - நோன்பு துறப்பு நிகழ்ச்சி நடத்தப்பட்டது. பெரிய குத்பா பள்ளியில் 50 முதல் 65 பேர் வரை கலந்துகொண்டனர். சிறிய குத்பா பள்ளியில் 60 முதல் 75 பேர் வரை கலந்துகொண்டனர். அவர்களுக்கு பேரீத்தம்பழம், தண்ணீர் பாக்கெட், வடை வகைகள் உள்ளிட்டவை பரிமாறப்பட்டன.

இஃப்தார் - நோன்பு துறப்பு காட்சிகள்:

10.07.2014 அன்று பெரிய குத்பா பள்ளியில் நடைபெற்ற இஃப்தார் - நோன்பு துறப்பு நிகழ்ச்சியின் படப்பதிவுகள் வருமாறு:-





28.07.2014 அன்று சிறிய குத்பா பள்ளியில் நடைபெற்ற இஃப்தார் - நோன்பு துறப்பு நிகழ்ச்சியின் படப்பதிவுகள் வருமாறு:-





06.07.2014 அன்று சிறிய குத்பா பள்ளியில் தராவீஹ் தொழுகையைத் தொடர்ந்து நடைபெற்ற வித்ரிய்யா மஜ்லிஸின்போது பதிவு செய்யப்பட்ட படக்காட்சிகள் வருமாறு:-



குத்பா பெரிய - சிறிய பள்ளிவாசல்களின் வரலாறுகள் உள்ளிட்ட தகவல்கள் அடங்கிய செய்தியைக் காண இங்கே சொடுக்குக!

குத்பா பெரிய - சிறிய பள்ளிகள் தொடர்பான முந்தைய செய்தியைக் காண இங்கே சொடுக்குக!

காயல்பட்டினம் நகர பள்ளிகளில் நடப்பாண்டு இஃப்தார் நிகழ்ச்சி நடத்தப்பட்டமை தொடர்பான முந்தைய செய்தியைக் காண இங்கே சொடுக்குக!