{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மவ்லானா அப்பா சின்ன கல் தைக்கா வளாகத்தில் இயங்கி வரும் முஅஸ்கர் மகளிர் அரபிக் கல்லூரியின் 12ஆவது பட்டமளிப்பு விழா, இம்மாதம் 13, 14 நாட்களில், காயல்பட்டினம் மஜ்லிஸுல் புகாரி ஷரீஃப் வளாகத்தில் நடைபெறவுள்ளது.

முதல் நாள் நிகழ்ச்சிகள் அனைத்தும் பெண்கள் நிகழ்ச்சியாகவும், இரண்டாம் நாள் நிகழ்ச்சிகள் பெண்கள் மற்றும் ஆண்கள் நிகழ்ச்சியாகவும் நடத்தப்படவுள்ளன.



பட்டமளிப்பு விழா ஏற்பாடுகள் குறித்த கலந்தாலோசனைக் கூட்டம், 29.08.2014 அன்று 20.30 மணியளவில், கல்லூரி வளாகத்தில், கே.எம்.செய்யித் அஹ்மத் தலைமையில், கல்லூரி நிறுவனர் மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ, செயலாளர் மவ்லவீ ஹாஃபிழ் எம்.ஏ.ஹபீபுர்ரஹ்மான் மஹ்ழரீ ஆகியோர் முன்னிலையில் நடைபெற்றது.





இக்கூட்டத்தில், பட்டமளிப்பு விழாவை முன்னிட்டு செய்யப்பட வேண்டிய பல்வேறு ஏற்பாட்டுப் பணிகள் வகைப்படுத்தப்பட்டு, அவற்றுக்கென தனித்தனியே பொறுப்பாளர்கள் நியமிக்கப்பட்டனர்.

கல்லூரி பேராசிரியர் மவ்லவீ ஏ.சுல்தான் அப்துல் காதிர் ரஹ்மானீ துஆவுடன் கூட்டம் நிறைவுற்றது.

2012ஆம் ஆண்டில், முஅஸ்கர் மகளிர் அரபிக்கல்லூரியில் நடைபெற்ற வெள்ளி விழா மற்றும் 12ஆவது பட்டமளிப்பு விழா குறித்த செய்தியைக் காண இங்கே சொடுக்குக!

முஅஸ்கர் மகளிர் அரபிக்கல்லூரி தொடர்பான முந்தைய செய்தியைக் காண இங்கே சொடுக்குக!