{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் எல்.கே.மேனிலைப்பள்ளியின் ஆண்டு விழா இம்மாதம் 12ஆம் நாள் வெள்ளிக்கிழமை 16.30 மணியளவில், பள்ளி வளாகத்தில் நடைபெற்றது. பள்ளி நிர்வாகிகள், ஆட்சிக்குழு உறுப்பினர்கள், நகர்மன்ற உறுப்பினர் எம்.எஸ்.எம்.ஷம்சுத்தீன் ஆகியோர் முன்னிலை வகித்தனர்.





பள்ளி ஆசிரியர்களான பீ.ஆனந்தக்கூத்தன், மவ்லவீ எச்.ஜுபைர் அலீ பாக்கவீ ஆகியோர் நிகழ்ச்சிகளை நெறிப்படுத்தினர். பள்ளி மாணவர் ஹாஃபிழ் பீ.எம்.ஐ.முஹம்மத் ஹஸன் கிராஅத் ஓதி நிகழ்ச்சிகளைத் துவக்கி வைத்தார். தமிழ்த்தாய் வாழ்த்தைத் தொடர்ந்து, பள்ளி தாளாளர் டாக்டர் எஸ்.எல்.முஹம்மத் லெப்பை வரவேற்புரையாற்றினார்.





மேடையில் வீற்றிருந்தோருக்கு ஆண்டு விழாக் குழுவின் சார்பில் சால்வை அணிவித்து கண்ணியப்படுத்தப்பட்டது.



எல்.கே. துவக்கப்பள்ளியின் பணி நிறைவு பெற்ற தலைமையாசிரியர் நா.பீர் முஹம்மத், புதிய தலைமையாசிரியர் ஆகியோருக்கு சால்வை அணிவிக்கப்பட்டது.



தலைமையாசிரியர் எம்.ஏ.எஃப்.செய்யித் அஹ்மத் - பள்ளியின் ஆண்டறிக்கையை வாசித்தார். கல்வி மற்றும் விளையாட்டுத் துறைகளில் பள்ளியின் சாதனைகளை விளக்கும் வகையில் அவ்வறிக்கை அமைந்திருந்தது.



இவ்விழாவிற்குத் தலைமை தாங்கிய பள்ளியின் தலைவர் டாக்டர் எம்.எஸ்.அஷ்ரஃப் தலைமையுரையாற்றினார்.



சென்னை தென்னக ரெயில்வேயின் தலைமைப் பொறியாளர் எஸ்.ஏ.அப்துல் ரஹ்மான் இவ்விழாவில் சிறப்பு விருந்தினராகக் கலந்துகொண்டு, வாழ்த்துரை வழங்கினார். அவருக்கு பள்ளி நிர்வாகத்தின் சார்பில் நினைவுப் பரிசு வழங்கி கண்ணியப்படுத்தப்பட்டது.







தொடர்ந்து, 2013 - 2014 கல்வியாண்டில் பள்ளியின் அனைத்து வகுப்புகளிலும் கல்வித் தரத்தில் சிறப்பிடங்களைப் பெற்ற மாணவர்களுக்கும், விளையாட்டுப் போட்டிகளில் வென்ற மாணவர்களுக்கும் பரிசுகள் மற்றும் வழங்கப்பட்டன. சிறப்பு விருந்தினர் மற்றும் பள்ளி நிர்வாகிகள் அவற்றை வழங்கினர்.













பள்ளியின் பணி நிறைவு பெற்ற ஆசிரியர் ஜான் சிரோன்மணி, பள்ளி நலனுக்காக ரூபாய் 50 ஆயிரம் நன்கொடைத் தொகையை பள்ளி நிர்வாகிகளிடம் வழங்கினார்.



அத்துடன் மாலை அமர்வு நிறைவுற்றது. இரவு அமர்வு 19.00 மணியளவில் துவங்கியது. இவ்வமர்வில், பள்ளி மாணவர்கள் பங்கேற்ற பாடல், நாடகம், கலாச்சார நடனம், தஃப்ஸ் உள்ளிட்ட கலை நிகழ்ச்சிகள் நடைபெற்றன.













பள்ளியின் உதவி தலைமையாசிரியர் கே.எம்.ஐ.செய்யித் முகைதீன் நன்றி கூற, நாட்டுப்பண்ணுடன் விழா நிறைவுற்றது.

இவ்விழாவில் பள்ளியின் அனைத்து மாணவர்கள், ஆசிரியர்கள், நிர்வாகக் குழு உறுப்பினர்கள், மாணவர்களின் பெற்றோர் மற்றும் பொதுமக்கள் திரளாகக் கலந்துகொண்டனர்.







படங்களுள் உதவி:
வீனஸ் ஸ்டூடியோ

எல்.கே.மேனிலைப்பள்ளியின் சார்பில் கடந்தாண்டு (2013) நடத்தப்பட்ட ஆண்டு விழா குறித்த செய்தியைக் காண இங்கே சொடுக்குக!

எல்.கே.மேனிலைப்பள்ளி தொடர்பான முந்தைய செய்தியைக் காண இங்கே சொடுக்குக!